Монголын Боулингийн Холбооноос тоглогчдын ур чадварыг сайжруулах,чансааны оноог ахиулах,шинэ залуу тоглогчдын хүрээг тэлэх зорилгоор зохион байгуулдаг зэрэггүй тоглогчдын тэмцээний 3 дах цуврал
“Big Bowling” боллоо.

Тэмцээний эмэгтэйчүүдийн ангилалд Б.Ариунзаяа/Big Bowling/ өмнөх сарын амжилтаа бататган,2 дах удаагаа түрүүлсэн бол 6-р сарын лигийн тэмцээний өндөр онооны шагналын эзэн Б.Оргилмаа/B’Zone/ анх удаагаа дэд байрт шалгарч,өмнөх цуврал тэмцээнүүдэд түрүүлж,үзүүрлэсэн Л.Цэцэгсүрэн/ТЭЦ-3/ гурван тэмцээн дараалан эхний байруудад шалгарчээ.

Харин эрэгтэйчүүдийн ангилалд Ю.Ганболд/Big Bowling/ 172,00 дундаж оноогоор 8-р сарын тэмцээний 3-р байрын амжилтаа ахиулснаар тэргүүн байрт шалгарч,лигийн тэмцээнд үзүүлсэн амжилт,дундаж онооны үзүүлэлтээр боулингийн спортын 2-р зэргийн болзол хангасан байна.

Хамгийн өндөр оноо /196/-г 7-р сарын лигийн тэмцээний дэд зиндааны тэргүүн тоглогч Ц.Батмагнай/ТЭЦ-3/ авчээ.Дараагийн тэмцээн ирэх долоо хоногийн лхагва гаригт зохиогдох бөгөөд спортын 1,2-р зэрэг бүхий бүх тоглогчид оролцох ба шигшээ тоглолтонд шалгарсан тоглогчид нэгдсэн чансааны онооны үзүүлэлтээр бие биенийгээ амлах аж.