Испаний шигшээ Евробаскет тэмцээний финалд Францыг 98–85-ээр буулган авлаа. Ийнхүү тэд сүүлийн хоёр Европын аваргад манлайллаа.

Жальгирис-Арена ордонд явагдсан финалын тулаанд Испаничууд  тоглолтын турш илүүрхсэн бөгөөд Хуан Карлос Наварро 27 оноо авч багаа тэргүүллээ. Харин Францаас Тони Паркер 26 оноо авсан ч багаа ялагдлаас аварч чадсангүй.
Наворро тоглолтын дараа “Энэ бол түүхэн мөч.  Манайхан цаашаа хэр хол явж чадахыг төсөөлж чадахгүй нь” хэмээлээ.

Гасоль дабль дабль хийж 17 оноо 10 самбар авч Испанийг 1997 оноос хойш дараалан түрүүлсэн анхны баг болгоход чамгүй тус хүргэлээ. “Энэ бол Испаний сагсанбөмбөгийн түүхэн дэх гайхалтай мөч ” хэмээх Лэйкэрсийн од ярилаа.
Наварро хагас шигшээд 35 оноо авсан эрчээрээ сайн тоглосон учраас тэмцээний MVP шагналыг зүй ёсоор гардлаа. Финалд үлдсэн хоёр баг хоёулаа ирэх жилийн Олимпийн эрхээ халаасалж байгаа юм.
Хүрэл медалийн төлөөх тоглолтонд Оросын шигшээ Македоныг 68–72-оор буулган авсан байна.