Интер Милан сүүлийн 16 жилийн дотор 16 дахь дасгалжуулагчаа “булшилж” байна. Италийн 18 удаагийн аварга Интер  албан ёсны 5 тоглолт  дарааллан  хожил авч чадаагүй  тул дасгалжуулагч   Жиан Пиер Гаспериниг халхад хүрлээ. Тэрээр Бээжинд  явагдсан Супер цомд   Интерийг  анх удирдаж,  АС Миланд  1:2 –ээр хожигдож  гараагаа эхэлсэн билээ. Улмаар аваргуудын лигт Туркийн Транзонспорт ялагдаж , Сери А –д хожил авч чадалгүй байсаар  халагдлаа.Хамгийн сүүлд Интер  Сери А –д дэвшин тоглож байгаа Новарад 3:1 –ээр  гутамшигтайгаар  хожигдсоны дараа  Гаспериниг халах тухай шийдвэр гарч, энэ  тухай тус клубын ерөнхийлөгч Массимо Моратти өчигдөр мэдэгдсэн байна. Гасперини энэ оны долдугаар сард Интертэй 2 жилийн гэрээг үзэглээд байсан юм. Италийн хэвлэлүүдэд  түүнийг халагдах тухайг  энэ мэдэгдэл гарахаас өмнө мэдээллэж байсан ба дараагийн дасгалжуулагчаар Клаудио Раниери , Делио Росси мөн хуучин Атлетико Мадридын дасгалжуулагч Энрике Санчес Флорес, Лиус Фиго  нарын нэр дурдагдаж байгаа гэнэ. Италийн батлан хамгаалахын сайд Интерийн үнэнч фэн Игнацио ла Русса , Италийн шигшээ багийн од хаалгач байсан  Вальтер Зенгагийн нэрийг санал болгожээ.