·        Лигийн тэмцээн 15 дахь удаагаа зохион байгуулагдлаа. Нийт 7 аварга баг төрсөн байна. Үүнд:

o   Эрчим 6 удаа 1996, 1998, 2000, 2002, 2007, 2008,

o   Хангарьд 4 удаа 2001, 2003, 2004, 2010 он

o   Дэлгэр 1 удаа 1997 он

o   ХОТШ Барс 1 удаа 1999 он

o   Хоромхон 1 удаа 2005 он

o   Улаанбаатар Дээд Сургууль 1 удаа 2009 он

o   FC Ulaanbaatar 1 удаа 2011 он тус тус түрүүлжээ.

·        Хамгийн олон жил Лигийн тэмцээнд оролцож байгаа багаар Эрчим, Хангарьд багууд ороод байна. Тэд нийт 15 жил оролцжээ.

·        Эрчим баг хамгийн их медаль авчээ. Тэд 6 алт, 3 мөнгө, 1 хүрэл медаль нийт 10 медаль хүртээд байна.

·        Дараалсан 6 жил аваргын төлөө өрсөлдсөн нэгэн өвөрмөц багаар Хангарьд баг нэрлэгдлээ. Тэд 2001-2007 онуудад аваргын төлөө өрсөлдөж, 3 алт, 3 мөнгөн медаль хүртсэн байна. (2006 онд Лигийн тэмцээн явагдаагүй)

·        Удаах байрт Эрчим баг орсон бөгөөд тэд 1996-2000 онуудад аваргын төлөө өрсөлдөн 3 алт, 2 мөнгөн медаль хүртжээ.

·        Анх удаагаа оролцсон жилээ аварга болж байсан 2 баг байдаг байна. 1997 онд Дэлгэр, 2011 онд FC Ulaanbaatar юм. Гэхдээ өмнөх жилдээ Дэлгэр Бизнесийн чөтгөрүүд нэртэйгээр орж байсан бол FC Ulaanbaatar Хараацай клубыг түшиглэн багаа бүрэлдүүлсэн байна.

·        2002 онд цорын ганц удаа 2 багт хүрэл медаль хүртээж байлаа.

·        2007 онд Лигт хамгийн их буюу 9 баг өрсөлдөж байсан бол 2001 онд хамгийн бага 5 баг оролцож байжээ.

·        2011 онд нийт 62 тоглолтод 202 гоол оржээ. 1 тоглолтод дунджаар 3.25 гоол орж, үзэгч хөгжөөн дэмжигчдээ уйдаагаагүй байна.

·        Шүүгч нар нийт 34 улаан, 213 шар карт хүртээлээ. Энэ нь  1 тоглолтод  0.54 улаан, 1.05 шар карт олгож байсан үзүүлэлт юм.

·        Өөрийн болон хүний нутагт гэсэн үзүүлэлтээр тэмцээн уралдаан явагдлаа. Ингэснээр Орхон аймагт нийт 7 тоглолт зочилсон байна.

·        Тойргийн 56 тоглолтод талбайн эзэд 23 тоглолтод хожсон бол талбайн зочид 18 удаа хожсон байна. Нийт 15 тоглолт эвийн гэрээ байгуулжээ.

• хожсон байна. Нийт 15 тоглолт эвийн гэрээ байгуулжээ.
• Талбайн эзэд 103 гоол хийсэн бол зочид 99 гоол оруулжээ.
• Хагас шигшээн 4 тоглолтод талбайн “эздийн сүүл” өөдөө байсангүй. Бүгдэд нь талбайн зочид хожсон байна.

МОНГОЛЫН ХӨЛБӨМБӨГИЙН ХОЛБОО

“ҮНДЭСНИЙ НИЙСЛЭЛ ЛИГ” 2011 ТЭМЦЭЭНИЙ СОНИРХОЛТОЙ МЭДЭЭ, 10.0 out of 10 based on 3 ratings