Улирлыг гайхалтай эхлүүлж Барсатай хамт лигийн хүснэгтийг тэргүүлж байгаа Левантегийн амжилтыг Жосе Моуриньо магтаж байна.

Моуриньо мөн багийнхаа гайхалтай хожлын талаар ч ам нээлээ. Эзэн хааны баг өнгөрсөн амралтын өдөр Эспаньолыг 4 : 0-ээр буулган авсан юм. Энэ тулаанд Гонсало Игуайн хет-трик хийсэн билээ.

“Оноо бол оноо. Бид нар гурван оноогоо л авсан болохоос гучин оноо авчихсан юм биш.

Онооны зөрүү ойрхон үед хэн нэгэн нь хүснэгтийг тэргүүлж л таараа. Тийм болохоор Барса хүснэгтийг тэргүүлж байгаад санаа зовж байгаа юм алга. Ганц оноо гэдэг бол оноо байхгүйтэй л адил. Харин ийм хүнд нөхцөл байдлаас шилдэг амжилт үзүүлж хүснэгтэд дээгүүр явж байгаа Левантег бүгд үнэлэх хэрэгтэй. Тэднийг ингэнэ гэж хэн ч таамаглаагүй”
Жосе Моуриньо  -, Реал Мадридын дасгалжуулагч  

Багаараа сайн ажиллаж гоол хийсэн нь миний хувьд чухал. Өнгөрсөн тоглолтонд бүгдээрээ хичээж хөдөлмөрлөсөн. Мэдээж Криштиану Роналдугийн гайхалтай хоёр дамжуулалтыг дурьдахгүй өнгөрч болохгүй.

 Жосе Моуриньо  -Реал Мадридын дасгалжуулагч