Бээжин хотноо явагдаж байгаа Хятадын нээлттэй тэмцээний шигшээд өрсөлдөх теннисчдийн нэрс бүрэн тодорч дууслаа. Эрэгтэйчүүдийн төрөлд чансааг тэргүүлж өрсөлдөсөн Францын Жо Вильфред Цонга Томас Бердыхэд хожигдон тэмцээнээс хасагдлаа. Өнгөрсөн сард Моселлийн нээлттэй тэмцээнд түрүүлсэн Цонга 2 тэмцээнд дараалан шигшээд үлдэх боломжтой байсан ч ийн 6:4 4:6 6:1-ийн харьцаатайгаар хожигдсон байна. 3-д бичигдсэн Бердыхийн хувьд энэ нь энэ улирлын түүний анхны шигшээд үлдэж багйаа тохиолдол юм. Тэрээр Лондонд болох улирлын сүүлийн шигшээ тэмцээнд оролцох сүүлийн 4 эрхийн төлөө өрсөлдөж байгаа учраас энэ хожил түүнд маш чухал байлаа. Чехийн тамирчны дараагийн өрсөлдөгч нь Хорватын тамирчин Мариан Силич байх болно. Тэрээр Уимблдоны эхний тойрогт хожигдож байсан нутаг нэгт Иван Льюбичичийг 6:4 6:3-аар хожин шигшээд үлдсэн байна. Харин эмэгтэйчүүдийн төрөлд Польшийн Агниеска Радванска Германы залуу од Андреа Петковичтой шигшээд өрсөлдөх боллоо. Өнгөрсөн долоо хоногт Токиод түрүүлсэн Радванска Италийн Флавиа Пенеттаг 6:2 6:4-оор хожсон бөгөөд 11-д бичигдсэн түүний хувьд Пенеттаг 3 дахь дараалан хожиж байгаа нь энэ юм Харин Австрали, Франц, Америкийн их дуулгы тэмцээнд бүгдэд нь шөвгийн наймд шалгарсан Андреа Петкович Румыний Моника Никулескуг 6:2 6:0-ээр хожжээ.  2 тамирчин хоорондоо 4 удаа таарч тоглоход бүгдэд нь Радванкса хожиж байжээ.

***************************************************************