Хорватын ҮОХ-ны Ерөнхийлөгч ноён Златко Матеша Монголын ҮОХ-д зочилж хоёр орны спортын салбарын хамтын ажиллагааны тухай ярилцлаа.

Златко Матеша нь 1995-2000 оны хооронд Хорватын Ерөнхий сайдын албыг хашиж байсан бөгөөд 2002 оноос ҮОХ-ны Ерөнхийлөгч болжээ. Тэрбээр Хорватын олимпийн хорооны ерөнхийлөгчийн үүргийг хүлээхээс гадна  Хорват улсад суух Монгол улсын өргөмжит консулын албыг хашдаг юм.  Хүн ам цөөн ч спортоороо дэлхийд ноёрхогч улсуудын нэг Хорватын олимпийн босс 2005 онд анх манай оронд хүрэлцэн ирж байсан юм.