Монголын Боулингийн Холбооны 10-р сарын Лигийн тэмцээн “Big Bowling” төвд болж,шилдэг болон шинэ залуу тоглогчид ур чадвараа гайхуулсан олон тоглолтыг үзүүллээ.

Энэ сараас эхлэн эмэгтэй тоглогчид урьдчилсан 3 тоглолт хийж,хамгийн өндөр үзүүлэлттэй 4 тоглогч шигшээ тоглолтонд тоглох болсон бөгөөд шөвгийн дөрөвт бүгд 1-р зэрэгтэй,боулингийн хоёр шилдэг клубийн тоглогчид шалгаран үлдлээ.

Үүнээс 171,00 дундаж оноогоор 1-р байраар шалгарсан, улсын хошой аварга,лигийн тэмцээний 6 удаагийн аварга Х.Өлзийхорол/Big Bowling/, 4-р байраар шалгарсан, энэ оны УАШТ-ий мастерын тэмцээний хүрэль медальт Т.Дорждэрэм/Green Strikes/-ыг 191:137-гийн харьцаагаар хожсон бол хоёр,гуравдугаар байраар шалгарсан тоглогчид хоёрхон онооны зөрүүгээр буюу 166:164-ийн харьцаагаар  С.Дэлгэрцэцэг/Big Bowling/-ийн ялалтаар өндөрлөж,УАШТ, Холбооны цом тэмцээнүүдийн хүрэл медальт З.Гэрэл/Green Strikes/ хоёр дах удаагаа эхний гуравт үлдлээ.

Түрүү байрын төлөө нэг клубийн шилдгүүд чансаагаа харуулан өрсөлдөж,С.Дэлгэрцэцэг 10 дах шидэлт
дээрээ алдаа гарган спейр алдсанаар,Х.Өлзийхорол/ 7 удаа лигийн тэмцээнд түрүүлсэн өвөрмөц амжилтын
эзэн болжээ.

Тэмцээний эрэгтэйчүүдийн дээд зиндаанд өрсөлдсөн шилдэг 26 тоглогчийн өрсөлдөөнөөс
спортын зэрэг бүхий 4 шилдэг тоглогч хагас шигшээд шалгарснаас 184,33 дундаж оноогоор 1-р байраар шалгарсан,лигийн тэмцээний 3 удаагийн аварга Ц.Лхасүрэн/Big Bowling/-г 4-р байраар шалгарсан,2010 оны УАШТ-ий хос тоглолтын мөнгөн медальт Г.Магсаржалам/Green Strikes/ 226:193-ын харьцаагаар хожив

Харин нөгөө тоглолтонд 9-р сарын зэрэгтэй тоглогчдын тэмцээний аварга С.Батзориг/Double-X/,УАШТ,Холбооны
цом тэмцээнүүдийн хүрэл медальт Ж.Энхжаргалан/300 клуб/-г 189:143-ын харьцаагаар тус тус буулган авч, тэргүүн байр булаалдахаар шалгарсан юм.Лигийн шинэ аваргын төлөөх тэмцэлд С.Батзориг 213:168-ын харьцаагаар хожин,хоёр том тэмцээнд дараалан түрүүлж,бэлтгэл сайтай байгаагаа харуулан,чансаагаа 100 оноогоор ахиулжээ.

Дэд зиндаанд Ц.Батмагнай/ТЭЦ-3/ 7-р сарын амжилтаа бататган түрүүлж,МБХ-ны отгон клуб болох СЭЗДС-ийн боулингийн клубийн тоглогч Б.Даваажаргал дэд байрт,А.Баттулга/B’Zone/ 3-р байрт шалгарсан байна.Тэмцээний өндөр онооны шагналын эздээр эрэгтэйчүүдээс Г.Магсаржалам/226/,
эмэгтэйчүүдээс Х.Өлзийхорол/194/ нар тодорлоо.