Кувейтийн нийслэл Эль Кувейт хотноо буудлага спортын Азийн аварга шалгаруулах тэмцээн үргэлжилж байна. Энэ удаагийн тэмцээнд Монголын арван тамирчин оролцож байгаа бөгөөд өчигдөр хийн гар бууны 10 метрийн тэмцээн боллоо. Зүүн Азийн наадмын аварга Ц.Мөнхзул 381 оноо авч долоодугаар байраар шигшээд шалгарч, нийлбэр дүнгээр наймдугаар байр эзэлжээ. Харин Монгол Улсын Хөдөлмөрийн баатар О.Гүндэгмаа 375, Т.Баярмаа 373 оноо тус тус авчээ.