Франк Рибери Байернтай  гэрээгээ хугацаанаас нь өмнө сунгахыг хүсэж байна. Тэрээр өөрийн спортын замналаа Байернд дуусгах сонирхолтой байна. “ Би энд үнэхээр сэтгэл хангалуун байна. Хэрэв миний бие үүнийг хийж чадах аваас , би 35 хүртлээ Байернд тоглоно” гэжээ. Риберигийн гэрээ 2015 оны зун дуусах боловч Франц тоглогч гэрээгээ дахин 3 жилээр сунгах хүсэлтэй байгаа гэнэ. Рибери дасгалжуулагч Юп Хайнкестай хамтран  ажиллаж байгаадаа туйлын баяртай байгаа аж.  Түүний талаар “ Тэр надад яаж илүү сайн тоглохыг хэлж өгдөг, гэхдээ ямар ч тушаалгүйгээр. Түүнийг энд удна гэдэгт найдаж байна “ хэмээжээ.

Зарим тоглогчид Байерн Мюнхенд  гэрээгээ сунгаж удаан хугацаанд төвхнөхөөр шийдсэн бол өөр тоглогчид багаа орхих бодолтойгоо мэдэгдээд байна. Тэдний нэг бол маш удаан гэмтэлтэй байсан Ивица Олич юм. 32 настай Хорват тоглогч сэлгээний тоглогч болсондоо сэтгэл дундуур байгаа юм. “ Би  сүүлийн минутад сэлгээгээр ордог тоглогч биш. Энэ нь надад хангалтгүй” гэж Мюнхений “Tages Zeitung” сонинд ярьжээ. Олич энэ улирлыг дуусгаад Байерныг орхих гэнэ.