Энэ бямба гаригт Блекберний эсрэг хийх тоглолтонд Жон Терриг оролцуулна гэдгээ Челсигийн дасгалжуулагч Андре Виллаш Боаш мэдэгдлээ. Түүнийг одоогоор QPR’- тэй хийсэн тоглолтонд Энтон Фердинандыг арьс өнгөний үзлээр доромжилсон хэмээн буруутгэж байгаа юм.

Хэдийгээр баг нь Арсеналд 5 гоолоор ялагдсан боловч тактикаа өөрчлөхгүй гэдгийг мөн Виллаш Боаш мэдэгдсэн байна.

Блекбернтэй хийх тоглолтын өмнө Португал мэргэжилтэн Андре Виллаш Боаш хэвлэлийн бага хурал зарлаж сэтгүүлчдийн асуултанд хариуллаа.

Эхний асуулт Жон Терригийн талаар байсан бөгөөд Виллаш Боаш ямар ч эргэлзээ байхгүй Блекберний эсрэг ахлагчаа гаргана хэмээн ярилаа. QPR-ийн хамгаалач Энтон Фердинандыг арьс өнгөний үзлээр доромжилсэн хэргээр Терри шалгагдаж байгаа юм.

“Тэр бол манай багийн ахлагч бас хамгийн шилдэг хамгаалагч. Иймээс би ямар ч эргэлзээ байхгүй түүнийг талбайд гаргах болно. Харин талбайн гаднах бусад асуудлыг хөлбөмбөгтэй хутгах хэрэггүй гэж бодож байна”

Андре Виллаш Боаш – Челсигийн дасгалжуулагч
Олон гоол алдаж байгаа нь миний санааг зовоохгүй байна. Хэдий олон гоол алдсан ч гэсэн өрсөлдөгчөөсөө илүү олон ашигтай довтолгоо өрнүүлж чадвал бид хожиж чадна. Манай багийн хамгаалалт эмх цэгцтэй, хүчирхэг байсаар ирсэн. Ганц тоглолтонд 5 бөмбөг алдсаны төлөө манай арын албыг шүүмжлэх нь утгагүй хэрэг. Бид үргэлж алдаанаасаа суралцаж өөрсдийгөө  хөгжүүлж, урагшилж байдаг баг

Андре Виллаш Боаш – Челсигийн дасгалжуулагч