Манчестер Ситигийн дасгалжуулагч Роберто Манчин премьер лигийн 10 сарын шилдэг дасгалжуулагчаар тодорлоо. Түүний баг өнгөрсөн сард гайхалтай сайн тоглож дөрөв дараалан хожсон бөгөөд дунджаар нэг тоглолтонд 4 гоол оруулж байсан юм.

Сити 10 сарыг эрчтэй эхлүүлж Блекберний талбайд 4 : 0-ээр хожсон бөгөөд улмаар Астон Виллаг талбайдаа энэ тоогоороо буулган авсан.

Лигийн хүчирхэг өрсөлдөгч Юнайтедийг  6-1-ээр хожсоноор Манчинигийн гарт шагнал ирэх нь тодорхой болсон. Улмаар Волвесийг 3-1-ээр хожиж хүснэгтийн тэргүүн байраа хадгалсан юм.

Сити 10 сарын турш нийт 17 гоол оруулсан нь тэр болгон тохиолдоод байх зүйл биш.

10 сарын шилдэг тоглогчоор Арсеналын “Буучин” Ван Перси нэрлэгдлээ. Өнгөрсөн сард хийсэн 3 тоглолтдоо тэрээр 7 гоол оруулж багийнхаа амжилтанд том тус хүргэсэн.

Тэрээр өмнө нь 2005 оны 11 сар, 2009 оны 10 сард тус бүр энэ шагналыг авч байсан юм.