Боулингийн тоглогч,сонирхогчдын дунд сар бүр уламжлал болон зохион байгууллагддаг лигийн тэмцээн “Big Bowling” төвд боллоо.

Эмэгтэйчүүдийн ангилалд өрсөлдсөн тоглогчдоос нэг клубийн 4 тоглогч шигшээд шалгарах болзлоо бараг хангаад байсан үед энэ оны “Холбооны цом” тэмцээний аварга,1-р зэрэгтэй тоглогч С.Хандаа/ТЭЦ-3/ урьдчилсан тоглолтын сүүлийн шидэлтээ амжилттай гүйцэтгэж 236 оноо авснаар өндөр онооны шагнал авах болзлоо хангаж,шилдэг дөрөвт шалгарчээ.

170,33 дундаж оноогоор бусдыгаа ардаа орхисон УАШТ-ий хошой алтан медальт,1-р зэрэгтэй тоглогч Х.Өлзийхорол/Big Bowling/ нэг клубийн тоглогч,2011 оны УАШТ-ий  мөнгөн медальт,1-р зэрэгтэй тоглогч Л.Баясгаланг хожсноор сүүлийн 2 жилийн хугацаанд 13 дах удаагаа лигийн тэмцээний түрүү байрын төлөө өрсөлдөх эрхтэй болжээ.

Урьдчилсан тоглолтоос ганцхан онооны зөрүүгээр хоёр,гуравдугаар байраар гарч ирсэн 2010 оны УАШТ-ий мөнгөн медальт,1-р зэрэгтэй тоглогч Т.Нансалмаа,С.Хандаа нарын тоглолт өрсөлдөөнтэй өрнөж,2 оноогоор

“ТЭЦ-3” клубийн тоглогч хожсноор 7-р сарын амжилтаа бататган,2 дах удаагаа шигшээд шалгарсан байна.

1-р байрын төлөөх тоглолтонд С.Өлзийхорол бэлтгэл сайтай байгаагаа харуулан илт давуу байдлаар оноо цуглуулсаар лигийн тэмцээнд 8 дахиа түрүүллээ.Энэ сараас эхлэн тэмцээнийг сонирхолтой,өрсөлдөөнтэй  болгох зорилгоор эрэгтэйчүүдийн дээд зиндааны тоглолтыг тойргийн халз тоглолтонд оруулж,чансаа өндөртэй эхний 8 тоглогч хэсэг тус бүрийг тэргүүлж,бусад тоглогчид мөн чансааны эрэмбэ,сугалаагаар дөрөв,дөрвөөрөө 8 хэсэгт хуваагдан тоглов.

Лигийн 2 аварга багтсан ”А” хэсгээс А.Эрдэнэтөгс/Мишээл/ өөрийн өрсөлдөгч 3 зэрэгтэй тоглогчдыг итгэл төгс буулган авч шалгарсан бол ”В” хэсгээс энэ оны УАШТ-ий хошой мөнгөн медальт,1-р зэрэгтэй тоглогч Б.Батхүү/Big Bowling/  шийдвэрлэх тоглолтонд нэг клубийн туршлагатай тоглогч С.Баярхүүг ялж,замаа заслаа.Харин “С” хэсгийг тэргүүлэх өрсөлдөөнд мөн л нэг клубийн андууд хоорондоо тулж,169:164-ийн харьцаагаар хориод хоногийн өмнө зохиогдсон “Мастерс” тэмцээнд үзүүрлэсэн,1-р зэрэгтэй тоглогч С.Мөнхзул/Big Bowling/,лигийн тэмцээний 3 удаагийн аварга Ц.Лхасүрэнг ардаа орхив.

”D” хэсгээс 9-р сарын зэрэгтэй тоглогчдын тэмцээн,10-р сарын лигийн тэмцээн, “Мастерс-2011” тэмцээнүүдэд дараалан түрүүлсэн,1-р зэрэгтэй тоглогч С.Батзориг/Double-X/ учраа бүрээ 20 гаруй оноогоор илүүрхсээр шалгарсан байна.Энэ хэсэгт 6-р сарын лигийн тэмцээний дэд зиндааны дэд аварга узбек тоглогч Илья Шипилов аман хүзүүнд жагсчээ.”Е”хэсгээс 2-р зэрэгтэй тоглогч Ж.Отгонцагаан

/Green Strikes/ 3 дараалан хожиж шөвгөрлөө.”F” хэсгээс боулингийн спортын анхдагч мастеруудийн нэг,2011 оны УАШТ-ий мастеруудын тэмцээний аварга Г.Сундуйжав/Big Bowling/  өрсөлдөгч бүрээ илүүрхсээр шалгарсан бол ”G” хэсгийн 4 тоглогчийн гурвынх нь оноо тэнцэж,бие биенийгээ тойрон хожин,оноо тоолсны эцэст 2-р зэрэгтэй тоглогч Э.Чүлтэмжамц/ТЭЦ-3/ +10 оноогоор шилдэг наймд үлджээ.

Хөл бөмбөгөөр бол “үхлийн хэсэг” гэж нэрлэгдсэн “H” хэсгийн шилдгүүдийн халз тулаанд энэ оны УАШТ-ий шагналт байрын эзэн,лигийн аварга,2-р зэрэгтэй тоглогч Д.Амьбөх/Мишээл/ шидэлт бүрээ чулуу болгосоор хэсгээсээ гарав.Харин анхдагч мастеруудын нэг,УАШТ-ий хошой аварга,лигийн аварга Д.Зоригт/Green Strikes/ эхний тоглолтоороо 248 оноо авснаар энэ оны өндөр онооны дээд амжилтийг дөрвөн оноогоор эвдэж,тэмцээний өндөр онооны эзнээр тодорлоо.Шөвгийн тоглолтын дүн:

1-8  Д.Амьбөх/Мишээл/                   130:209  Б.Батхүү/Big Bowling/

4-5  Ж.Отгонцагаан/Green Strikes/ 128:156  А.Эрдэнэтөгс/Мишээл/

3-6  Э.Чүлтэмжамц/ТЭЦ-3/             153:199  С.Батзориг/Double-X/

2-7  Г.Сундуйжав/Big Bowling/     148:141  С.Мөнхзул/Big Bowling/

Хагас шигшээ тоглолтын дүн:

1-4  С.Батзориг/Double-X/             188:157  Г.Сундуйжав/Big Bowling/

2-3  Б.Батхүү/Big Bowling/               170:177  А.Эрдэнэтөгс/Мишээл/

 

Учраа бүрээ хожсон А.Эрдэнэтөгс анх удаагаа түрүүлж,лигийн тэмцээний дээд зиндаанд түрүүлсэн 15 дах тоглогч болов.Тэмцээний дэд зиндаанд 186,33 дундаж оноогоор 1-р зэрэгтэй тоглогч Т.Батбаяр/Double-X/

тэргүүлсэн бол залуу тоглогч Э.Дашням,”отгон” клубийн захирал Ч.Даваадорж/New бэлэг/ нар удаалжээ.

   

Боулингийн лигийн тэмцээнд хашир тоглогчид азгүйтэж,өндөр онооны амжилт шинэчлэгдэв, 10.0 out of 10 based on 1 rating