Монголын хөлбөмбөгийн 2011 оны талбайн тэмцээн өндөрлөлөө. Өсвөрийн хөлбөмбөгчдийн дунд нэр хүндтэйд тооцогддог “Summit Cup” тэмцээн МХБХ-ны төв талбайд дөрвөн өдөр үргэлжилж, бямба гаригт аваргууд нь тодров. Энэ удаагийн тэмцээнд 13 хүртлэх насны нийт 24 баг найман хэсэгт хуваагдан өрсөлдсөнөөс Хан-Уул дүүргийн 75 дугаар сургууль алтан медаль хүртэж, сая төгрөгийн эзэн боллоо.

Харин Баянзүрх дүүргийн 92 дугаар сургууль, Баянгол дүүргийн “Оюуны-Ундраа” цогцолборын баг мөнгө, хүрэл медаль хүртэж, 800, 600 мянган төгрөг халаасалсан Тэмцээний шилдэг хаалгачаар Ц.Эрдэнэжаргал (75 дугаар сургууль), хамгаалагчаар Ц.Отгонтэнгэр (24 дүгээр сургууль), хагас хамгаалагчаар Л.Лхагвадорж (“Оюуны-Ундраа” цогцолбор), довтлогчоор эсрэг багийнхаа хаалгыг 10 гоолоор мялаасан А.Цолмонбаатар (92 дугаар сургууль) тодров.