Ирэх оны тавдугаар сарын 19-нд Грекийн Олимпия уулын хормойд асах олимпийн бамбар долдугаар сарын 27-нд Лондон хотын олимпийн төв цэнгэлдэхэд бадамлах хүртлээ ямар замыг туулах талаарх танилцуулгыг зохион байгуулах хорооны дарга Себастьян Коэ хийлээ.

Нийт 74 хоног аялах бамбар машин, галт тэрэг, усан онгоц, морь, унадаг дугуй, уурын галт тэрэг, тарамвай гээд олон төрлийн тээврийн хэрэгслийг ашиглан өртөөлөх гэнэ. Их Британий бүхий л цэгт хүрэх зорилготой аялал 1018 тосгон, хотыг дайран өнгөрөх аж. Төлөвлөгөө ёсоор Их Британий ард түмний 95 орчим хувь нь олимпийн галыг бодитоор нь харах юм.