Дархан-Уул аймгийн үндэс­ний бөхийн холбоо, Монгол Улсын зүүний хүчний холбоотой хамтран үндэсний бөхийн залуучуудын УАШТ-ийг энэ сарын 18-20-нд Дархан хотод зохион байгуулах гэж байна. Үндэсний бөхийг хөгжүүлэх, алдар цуут бөхчүүдийн залгамж халааг бэлтгэх, спортын сургалт дасгалжуулалтыг сайжруулах зорилготой тус барилдаанд 20-21 насны залуучууд өрсөлдөх юм. Залуучуудын УАШТ хамгийн сүүлд 2008 онд Дарханд болж, Увс аймгийн Давст сумын харьяат аймгийн арслан П.Бүрэнтөгс түрүүлж байв.

“Өдрийн шуудан”, Б.Бат