Монголын үндэсний олимпийн академи, Монголын спортын маркетингийн агентлаг хамтран Спортын менежментийн судалгааны багийг байгуулж байна.  Орчин үеийн спортын голлох шинжлэх ухаан болсон спортын менежментийг нарийн судлах, нийгэм, эдийн засгийн нөлөөг тооцох, түүнээс улбаалан засгийн газар, бодлого боловсруулагчдад зөвлөмж өгөх, спортын төрийн бус болон бизнессийн байгууллагуудад туслалцаа үзүүлэх  зорилготой байгуулагдаж байгаа тус судалгааны багт Монгол улсын их сургууль, Биеийн тамирын дээд сургууль, Үндэсний биеийн тамирын дээд сургууль, Аварга дээд сургууль болон зарим спортын холбоодын төлөөлөл багтаж байгаа юм. Судалгааны багийн нээлтийн үйл ажиллагаа маргааш 12 цагт МҮОХ-ны байранд болно.