NBA-д нүүрлэсэн локаут мөддөө өндөрлөхгүй нь тодорхой болсон. Хэрвээ байдал эвгүйтвэл бүтэн улирал ч цуцлагдаж магадгүй болоод байгаа билээ. Тиймээс од зэрэглэлийн тамирчин өөр улсын лиг рүү, тодруулбал Европт очиж тоглох магадлал нэмэгдсэн. Сүүлийн үеийн мэдээллээр “Орландо”-гийн төвийн тоглогч Дуайт Ховард Испанийн “Реал”-д тоглож магадгүй сураг сонсогдож байна.

Marca-гийн мэдээлснээр испаничууд Ховардын менежертэй яриа хэлэлцээ хийгээд эхэлжээ. Харин хэлэлцээг гацааж магадгүй нэг зүйл нь тамирчны даатгалын асуудал гэнэ. Хэрвээ хоёр тал тэрхүү асуудлаа шийдэж чадвал бид Дуайтыг Испанийн лигт тоглож байгаагаар харж магадгүй.