Боксын шигшээ багийн тамирчид ДАШТ-ий дараа “Эрдэнэт” үйлдвэрийн “Сэлэнгэ” амралтад бэлтгэлд гарсан билээ. Энд эрэгтэй 25, эмэгтэй 10 тамирчин, зургаан дасгалжуулагч хамрагдаж байгаа юм. Харин өнөөдөр манай “ширэн бээлийтн үүд” нийслэл хотноо ирэх аж. Гэмтэл бэртлээс болоод сүүлийн жилүүдэд рингэндээ бараг гараагүй олимпийн аварга Э.БадарУуган “Сэлэнгэ” амралтад бэлтгэлээ эрчимтэй базаасан байна.

Бадараа он гараад УАШТ-д оролцох бөгөөд дараа нь олимпийн эрхийн тэмцээнд явахаар төлөвлөжээ. Шигшээгийнхэн нийслэлд ирээд удалгүй хойд хөршид болох ОУТ-д явахаар төлөвлөсөн байна. ОХУ-ын Сургут хэмээх хотод болох уг тэмцээнд эрэгтэй, эмэгтэй тус бүр хоёр тамирчин оролцох аж. Эрчүүдийн 49 кг-д Г.ГанЭрдэнэ, 52 кг-д П.Сэрдамба, эмэгтэйчүүдийн 51 кг-д М.Нандинцэцэг, 75 кг-д Э.Ундрам нар эх орноо төлөөлөн тулалдах юм.