“Тэмүүжин” спорт сургалтын төвөөс МЖБХ-той хамтран жил бүр уламжлал болгон зохион байгуулдаг “Тэмүүжин Кап” жүдо бөхийн өсвөр үе, залуучуудын тэмцээн өнөөдөр (XI.23) эхэлж байна.

Хөвгүүдийн 13, охидын 7 жинд зохиогдож буй энэ тэмцээний нээлт 15.00 цагаас болох бөгөөд МЖБХ-ны ерөнхийлөгч, Зам тээвэр, барилга, хот байгуулалтын сайд, УИХ-ын гишүүн, гавьяат тамирчин Х.Баттулга болон холбооны бусад удирдлагууд оролцох ажээ.

Тэмцээний эхний өдөр буюу өнөөдөр хөвгүүдийн 27 кг, 34 кг, 42 кг, 50 кг, 60 кг, 73 кг, +81 кг, охидын 40 кг, 48 кг, 57 кг, +63 кг-ын медальтнууд тодрох юм.