МХБХолбооны Футзалын Ордонд болж байгаа “Футзалын нээлттэй тэмцээн”-ий шилдэг 8 баг тодорсон байна. Нийт 21 багийн 250 гаруй тамирчид Футзалын Ордны анхны тэмцээнд амжилттай оролцож байна.

Лигийн багуудаас “А” хэсгээс Орхон аймгийн “Хангарьд” клуб 1 дүгээр байраар шалгарсан бол ХасБанкны “Хүлэгүүд” баг 2 дугаар байраар шалгарлаа. Энэ 2 баг хэн нь 1 дүгээр байраар шалгарахаа үзсэн сүүлийн тоглолтод 4:2-ийн харьцаатайгаар “Хангарьд” баг хожсон байна.

Харин “B” хэсэгт “Хоромхон” клуб “Улаанбаатарын мазаалайнууд” багийг 4:0 харьцаатайгаар хожин, 1 дүгээр байраар гарсан бол 2 дугаар байраар Улаанбаатар Дээд Сургуулийн 1 дүгээр баг шалгарчээ. “Улаанбаатарын мазаалайнууд” баг хэрвээ сайн тоглосон бол хэсгээсээ гарах боломжтой байсан боловч чадсангүй.

Сонирхогчийн багуудаас “А” хэсэгт Шүүхийн Шийдвэр Биелүүлэх Газрын “Сүлд” баг амжилттай тоглон, 1 дүгээр байраар шалгарсан бол “Монос Вестерн” баг 2 дугаар байраар гарч ирлээ. Тэдний оноо тэнцсэн боловч хоорондын тоглолтын харьцаагаар ийнхүү “Сүлд” 1 дүгээр байраар гарч ирсэн ажээ.

“B” хэсэгт 5 баг өрсөлдсөн боловч харамсалтай нь 2 баг тэмцээнээ дуусгалгүй хаясан байна. Нэр хүндтэй тэмцээнд байгууллагаасаа ихээхэн зардал гарган оролцож байгаа боловч сахилга бат муугаас ийнхүү замын дундаас гарч тоглолтоо орхиж байгаа нь тун харамсалтай. ТЗБКомисс МХБХ-ны “Нийтлэг журам”-ийн дагуу сахилга бат алдсан “Nomads” болон “Dream Team” багуудад шийтгэл оногдуулах нь зүйтэй болов уу.

Энэ хэсгээс “Хаан Хүнс Титэм” баг үнэхээр урамтай тоглолтыг үзүүлсээр тэргүүлсэн бол 2 дугаар байраар “Континенталь” баг гарч ирлээ.

Ийнхүү “Футзалын нээлттэй тэмцээн”-ий шилдэг 8 баг тодорлоо. Өнөөдөр болох тэмцээний хуваарийг танилцуулбал:

Аль хожсон багууд нь хагас шигшээд шалгарах тул хөлбөмбөг сонирхогчдыг МХБХ-ны “Футзалын Ордон”-д хүрэлцэн ирж үзэхийг урьж байна.
МОНГОЛЫН ХӨЛБӨМБӨГИЙН ХОЛБОО