Энэ онд Монголын спортод түүхт ой олон тохиож буй. Тэдний нэг нь Монголын хоккейн холбооны 20 жилийн ой бөгөөд тэд баяраа арванхоёрдугаар сарын 17-нд Улаанбаатар хотод тэмдэглэхээр болжээ. МХХ ойн хүрээнд хоёр тэмцээн зохион байгуулахаар төлөвлөсний эхнийх нь ирэх сарын 12-16-нд Улаанбаатар хотод, “Бяцхан Билэгтхүү” клубийн мөсөн талбайд болох 2011-2012 оны лигийн нэгдүгээр тойргийн тоглолт аж. Харин хоёр дахь нь нэгдүгээр сарын 4-7-нд ахмад тамирчдын хооронд болох тэмцээн юм. Лигийн тэмцээний хоёрдугаар тойргийн тоглолт нэгдүгээр сарын 11-15-нд Дарханд, шигшээ тоглолт хоёрдугаар сарын 1-5-нд Эрдэнэтэд болно.