2011-11-26нд буюу Улс тунхагласан баярын билэг дэмбэрэлтэй өдөр “Хос мастер” шатрын клуб үйл ажиллагаагаа өргөжүүлэн тэлж Монголдоо шатрын анхны академи болсон албан ёсны нээлтэд гавъяат цолтон Л.Мягмарсүрэн, С.Хандсүрэн, П.Жигжидсүрэн, Хөдөлмөрийн гавъяаны шинэхэн одонт Ж.Лхагваа, МБАТ-ий анхдугаар спартакиадын аварга Г.Чилхаасүрэн нарын ахмадууд,  Б.Хатанбаатар, Д.Шаравдорж, Б.Мөнгөнтуул, Т.Батчимэг нарын их мастерууд тэргүүтэй шатарчид болон шатрын зүтгэлтэн, сонгуультнууд оролцов.

Гэр бүлийн хосууд-спортын мастерууд М.Баасанжав, Н.Энхнасан нарын үүсгэн байгуулсан энэхүү шатрын академи нь өөрийн орондоо энэ спортыг хөгжүүлэх талаар томоохон зорилтуудыг өмнөө тавин тогтмол үйл ажиллагаа явуулах ажээ.

13-р хороололд байрладаг энэ академийн талаарх дэлгэрэнгүй мэдээллийг  www.hosmaster-chess.mn   -д үзнэ үү.