Бундеслигийн 14-р тойргын тоглолтонд үнэмлэхүй аварга Байерн Мюнхен Майнцад 3:2 харьцаатай хожигдов. Ингэснээр лигийн өрсөлдөөн улам сонирхолтой болж эхэллээ. Учир нь Борусси Дортмунд болон Борусси Мөньхенгладбах багууд Байернаас 1 онооны илүү боллоо. Лигийн хоёр тоглолт дарааллан хожигдсон  Байерн хямралд орсон уу ?

Байерн өнгөрсөн тойрогт өөрийн талбай дээрээ Дортмундад хожигдсон. Энэ удаад Майнцын талбайд 3 бөмбөг хаалгандаа алдав. Харин Байерны төвийн хамгаалагч Даниэль Ван Бойтен Майнцын хаалганд  хоёр гоол оруулсан юм. Довтлогч биш мөн хагас хамгаалагч ч биш. Сонирхолтой байгаа биз ?

Майнцын дасгалжуулагч Томас Тухел энэ улиралд ихэвчлэн хэрэгжүүлсэн 4-3-1-2 тактикаас татгалзаж 4-4-1-1 хувилбарыг сонгожээ. Үүнд  гэмтэлтэй болон шийтгэлтэй байгаа гурван тоглогчыг орлуулан Свенссон, Фати,   довтлогч Аллагуй нарыг бүрэлдхүүндээ багтаажээ. Дашрамд дурьдахад Томас Тухел  бундеслигийн хамгийн залуу дасгалжуулагч бол Юп Хайнкес хамгийн ахмад нь билээ.

Юп Хайнкес  аваргуудын лигт Вильяреалыг 3:1 –ээр хожсон  бүрэлдхүүнд мөн л өөрчлөлт хийсэн. Бадстубер төвийн хамгаалалтанд Даниэль фан Бойтонтой зэрэгцэж, Боатенг баруун жигүүрийн хамгаалалтанд гинжин дөрвөлд холбогджээ. Тони Кроос Гомесийн чанх ард байрлаж, зүүн,  баруун жигүүрт  Рибери , Мюллер нар гарсан. Швайнштайгерийг бүрэн орлох тоглогч байхгүй нь  өмнөх тоглолтуудаас харагдсан. Гэхдээ Густаво, Алаба нараас өөр хамгаалалтын хагасад тоглох хэн ч байхгүй. Тэд 4-2-3-1 тактиктай талбайд гарчээ.

Томас Тухелийг хоёрдахь Юрген Клоп гэж нэрлэдэг нь оргүй зүйл биш юм. Тэрээр Дортмундын адил Байерны хагас хамгаалалтыг идвэхгүй болгохын тулд 4-4-1-1 байрлалыг сонгосон нь тодорхой. Хагас хамгаалалтын хоёр жигүүрийн тоглогч болох Калижури , Николай Мюллер нар урагшаа, төв рүү түрсэн байдалтай тоглосон. Үүний дүнд хамгаалалтын хагасын хоёрт  (Алаба, Густаво) ойрхон зогсож,  Байерны хоёр жигүүрийн хамгаалагчыг сул орхиж, бөмбөгтэй харьцах боломжыг нь нээсэн мэт.  Гэхдээ бөмбөг авах  бүрт нь маш хурдан   прессинг хийж, урагш довтлох хөдөлгөөнийг хязгаарласанаар ихэнхдээ арагшаа татсан дамжуулалтыг өгөхөд хүргэж байлаа. Тиймээс Кроос ердөө 73, Алаба 60 удаа бөмбөгтэй контаклсан  дүн гарчээ. Майнцын тоглогчид маш идвэхтэй,  хөдөлгөөнтэй байсан нь тактикаа талбай дээр  хэрэгжүүлэх гол хүчин зүйл болж байв. Тиймээс Майнцын тоглогчид Байерны тоглогчидоо  нийт 6 км илүү гүйсэн байна. Байерны жигүүрийн болон төвөөр хийх довтолгоо амжилт муутай болж байсан тул алсын дамжуулалтаар тодруулж хэлбэл Боатенгаас шууд Гомесийг чиглэсэн пассаар Майнцын хамгаалалтыг давах оролдлого хийж эхлэсэн. Гэвч  энэ нь мөн амжилт олоогүй. Майнц бөмбөгийг өөрийн болгосон даруйд маш хурдан  “асаж” довтолгоонд шилжиж чадаж байлаа.  Ер нь Байерн довтолгооны төдийгүй хамгаалалтын асуудалтай байсаныг дурьдах  хэрэгтэй. Үүнийг сайн ойлгосон Майнцчууд Байерны  механизмыг эвдэх аргыг эртнээс судалсан мэт. Майнцын довтлогч Аллагуй урд эгнээнд тун идвэхтэй гүйсэн.Тэр жигүүрээс довтолгоог өрнүүлж, Байерны хяналт сул байсан төв хэсэг рүү цөмөрч,  дамжуулалтыг аль ч тал руу өгөх боломжыг гаргаж байлаа. Иваншицын оруулсан  гоолын эхлэл энэ зарчимаар  явсан. Хоёрдугаар үед Байерн стандарт цохилтоос тооны харьцааг тэнцүүлж чадсан. Даниэль Ван Бойтений мөргөсөн бөмбөг Калижуригийн биенээс хачир аван Ветклогийн хаалганы торыг хөдөлгөсөн. Харин үүнээс 10 минут хүрэхгүй хугацааны дараа Калижури бараг 20 метрийн зайнаас хүчтэй цохилтоор тоог 2:1 болгосон. Түүнийг цохих үед Ван Бойтен хаалгач Нойерийг бага зэрэг  халхалсан  нь үүнд нөлөөлсөн байх. Ингээд 74 дэх минутад Нико Бунгерт булангын цохилтыг мөргөж тоог 3:1 болгосон. Харин 5 минутын дараа Тони Кроосын стандарт цохилтыг Даниэль Ван Бойтен хаалганд оруулж тоог дахин ойртуулав. Төгсгөл хэсэгт Байерн хэдэн боломж гаргасан ч ашиглаж дөнгөсөнгүй ялагдав.

Майнцын хувьд хожилгүй цуврал өндөрлөж, өөртөө томоохон итгэл авсан чухал амжилт боллоо. Томас Тухел бундеслигийн хэмжээнд Байерны эсрэг цорын ганц нэмэх оноотой дасгалжуулагч болов. Тэрээр Байерны эсрэг 5 удаа гарахдаа 3 удаа хожил аваад байна.

Байерн лигийн сүүлийн 5 тоглолтоос гурван хожигдол авлаа. Даниэль Ван Бойтен анх удаа нэг тоглолтонд хоёр гоол оруулсан бөгөөд улирлын дөрөвдэх гоолоо оруулж, лигийн хэмжээнд гоол хийх аюултай хамгийн аюултай төвийн хамгаалагч болж байна.

МАЙНЦ – БАЙЕРН – 3:2 (1:0)
Иваншитц, 11 (1:0). Ван Бойтен, 56 (1:1). Калижиури, 65 (2:1). Бунгерт, 74 (3:1). Ван Бойтен, 79 (3:2).
Майнц	Бавария
Кристиан Веткло	Мануэль Нойер
Зденек Поспех	Жером Боатенг, 68
Нико Бунгерт	Даниэль Ван Бойтен
Бу Свенссон	Хольгер Бадштубер
Малик Фати	Филипп Лам
Элкин Сото	Давид Алаба
Юлиан Баумгартлингер	Луис Густаво, 52
Марко Калиджиури	Тони Кроос
Андреас Иваншитц, 85	Томас Мюллер
Николай Мюллер, 75	Франк Рибери
Сами Аллаги, 90	Марио Гомес
Сэлгээ:
Эрик Максим Чупо-Мотинг, 75	Ивица Олич, 52
Фабиан Шонхейм, 85	Марсио Рафинья, 68
Энтони Уя, 90
Шар хуудас:
Юлиан Баумгартлингер, 23	Луис Густаво, 50
Нико Бунгерт, 59	Марио Гомес, 67
Элкин Сото, 78
Кристиан Веткло, 84

.

http://youtu.be/JkyqpVMHXN8

Байерн Мюнхен хямралд оров уу?, 9.9 out of 10 based on 11 ratings