Лигийн цомын шөвгийн наймд учраа таарсан “Кристал Пэлас” – Ман Юнайтед багуудын тоглолт санаанд оромгүй байдлаар өндөрлөлөө. Олд Траффордод явагдсан уг тоглолт 1 : 2-ээр Пэласын хожлоор дуусаж тэд дараагийн шатанд үлдлээ.

65 дахь минутад Амброуз тооны харьцааг нээж зочин багийнхан тэргүүлж эхэлсэн. Гэвч Македа 69 дэх минутад торгуулийн цохилтоос гоолдож тоог тэнцүүлсэн юм.

Үндсэн цагт дахин нэмж гоол ороогүй бөгөөд цаг сунгалаа. Ингээд нэмэлт цагийн 98 дахь минутад Амброузын чөлөөт цохилтыг мөргөж Мюррей Амосын хаалганд гоол хийснээр тоглолтыг шийдсэн юм. Кристал Пэлас сүүлийн дөрвөн жил премьер лигийн багийг буулган авч байна.

Харин Юнайтед 1990 оноос хойш 9 дэх удаагаа Лигийн цомд доод лигийн багт ялагдаж байгаа аж.

Кристал Пэлас хагас шигшээд Кардифф сити багтай тулна. Тэд энэ шатанд Блекберн Роверсийг 2 : 0-ээр мулталсан билээ.

Хагас шигшээн нөгөө хос бол Манчестер Сити – Ливерпуль.

“Манчестер Юнайтед” – “Кристал Пэлас” – 1:2 (0:0, 1:1).

Гоол: Амброуз, 65 (0:1). Македа, 69-с пенальти (1:1). Мюррей, 98 (1:2).

“Манчестер Юнайтед”: Амос, Рафаэл (Погба, 64), Смоллинг, Эванс, Фабио (Фрайерс, 37), Валенсия, Гибсон, Пак, Диуф, Македа, Бербатов (Моррисон, 46).

Юнайтед доод лигийн багт ялагдлаа, 9.3 out of 10 based on 13 ratings