Сагсан бөмбөгийн спорттой ажил, амьдралаа холбосон үе үеийн тамирчин, дасгалжуулагч, албаны хүмүүс анх удаа шинэ жилийн баяраа хамтдаа тэмдэглэх гэж байна. “TLG-13” Төрийн бус байгууллагаас зохион байгуулах “Сагсан бөмбөгийн шинэ жил” арванхоёрдугаар сарын 11-нд болох юм. Оны торгон мөчийг хамтдаа үдэж, шилдгүүдээ тодруулах уг арга хэмжээнд Спрайт супер лигийн найман баг, Спрайт хөгжлийн лигийн 32 баг, мөн дээд лигийн багийн эзэд, дасгалжуулагч болоод тоглогчид оролцох ажээ. Энэ үеэр Монголын сагсан бөмбөгийн ертөнцийн шилдэг дасгалжуулагч, мэргэжилтнүүдийн санал асуулгаар сүүлийн 16 жилийн түүхэн дэх гарааны шилдэг таван тоглогч, хамгийн өндөр амжилт үзүүлсэн баг, өнөө цагийн дээд лигийн шилдэг гарааны таван тоглогчийг нэрлэх ажээ.

Нэмэлт мэдээлэл хүргэхэд, Спрайт хөгжлийн лигийн залуусын шинэ жилийн баяр арванхоёрдугаар сарын 10-нд 18.00 цагт Mass Club-т болно. Энэ үеэр тус лигт хамгийн өндөр амжилт үзүүлж буй шилдэг гурван багийг нэрлэж, Спрайт супер болон хөгжлийн лигийн шилдэг гарааны тавыг санал асуулгаар тодруулах гэнэ.