Тиймээ,  Байерн Мюнхен хагас хамгаалагч Бастиан Швайнштайгерийг энэ ондоо багтаад талбайд гарна  хэмээн бяцхан найдварын гал асааж сууна. Өмнө  Байерны эмч нарын гаргасан дүгнэлтээр  Швайнштайгерийг ирэх оны нэгдүгээр сар хүртэл завсарлана гэж таамаглаж байсан. Тэгвэл түүний гэмтэл түргэн илааширж байгаа бололтой.  Хамбургт  болсон Байерны фэн-клубын  уулзалтын үеэр гэмтэл нь түргэн  илааширч ,  хөдөлгөөн хийхэд чөлөөтэй байгаа гэж ярьжээ. Дасгалжуулагч Юп Хайнкес болон багийн менежер Кристиан Нерлингер түүнийг Көльнтэй хийх тоглолт буюу 12 дугаар сарын 16-нд 17 -р тойргын тоглолтонд талбайд гарах боломжтой гэж мэдэгдсэн юм. Үүний өмнөх аваргуудын лигийн тоглолт болон  Штутгарттай хийх тоглолтонд  талбайд гарах нь  эрсдэлтэй гэж үзэж байгаа юм байна. Швайнштайгер 11 дүгээр сарын 2-нл аваргуудын лигт Наполигийн эсрэг тоглож байхдаа эгэмээ хугалсан билээ.