Германы төдийгүй дэлхийн  шилдэг эмэгтэй биатлонч Магделана Нойнер (25) энэ улирлыг дуусгаад спортоо орхих шийдвэр гаргажээ. Нойнер Мягмар гарагт , ирэх оны гуравдугаар сард Ханты-Мансийскд болох улирлын сүүлийн уралдаанд оролцсоны дараа их спортоо орхино хэмээн мэдэгдсэн юм. Түүний энэ гэнэтийн шийдвэр нь   олон хүнд  тэр дундаа германы биатлоний спортод  хүнд цохилт болж байгаа нь ойлгомжтой.

Нойнер  2010 оны Ванкуверийн олимпоос 2 алт, 1 мөнгө медаль хүртэж, “Gold-Lena” буюу Алтан- Лена хэмээн олонд алдаршсан. Үүнээс гадна 24-хэн насандаа дэлхийн аваргаас 10 алт, 3  мөнгөн медаль авсан гайхалтай амжилтыг дэлхий дээр өөр ямар ч тамирчин үзүүлээгүй юм.

 

Шаргал үст Нойнер яагаад цаашид ид амжилт гаргах насандаа спортоо орхиж байгаа нь олны сонирхолыг  татсаар л байна. Тэгвэл яагаад?   Нойнер  “ Нэг талаас,  би энгийн амьдралд маш их татагдаж байна,  асуудал бага зэрэг намдаж, бүх зүйл өнгөрсөний дараа өөрийн спортын амьдралдаа хэзээ хийх боломжгүй байсан зүйлүүдээ зүгээр л  хиймээр байна. Олон зүйлийг туршиж үзсэний дүнд  бусад салбарт өрсөлдөх чадвар байгаа минь  надад  шинэ зүйлийг эхлүүлхэд сэтгэл санааны  томоохон дэм  болж байна” гэж өөрийн Homepage-дээ бичжээ. Хамгийн гол нь Нойнер одоо амьдарч байгаа Wallgau-д , өөрийн гэр бүл болон  сайн дурын гал сөнөөгчөөр ажилладаг  мөн нутгийн үлээвэр хөгжмийн найралд  кларнет тоглодог найз  залуу  Зепптэйгээ хамт байхыг хүсэж байгаа аж.

Магдалена Нойнер 25 насандаа биатлоний төрөлд авч болох бүх шагналыг хүртэж хэн хүний хүрээд байдаггүй оргилд хүрсэн. Нөгөө талаар тэрээр мэргэжлийн спортын байнгын бэлтгэл, энэ их ачаалалаас шантарсан ч байж болох юм. Том амжилт гаргасан тамирчид спортоо орхих  тохиолдлууд  байдаг ч гагцхүү учир шалтгааныг янз бүрээр тайлбарладаг. Германы зарим хэвлэлүүдэд   Магдалена Нойнерийг  “Burn out-Syndrom” – оор өвчилсөн гэж бичсэн байх юм. Тийм байж болох талтай боловч  дан ганц үүгээр дүгнэх  нь өрөөсгөл болох биз .

Нойнерийн гаргасан шийдвэрийг бусад тамирчид хэрхэн хүлээж авсан талаар сонирхуулахад.

Нойнерийн гол өрсөлдөгчдийн нэг Финландын шилдэг биатлонч Кайзе Макарейнен : “ Маш харамсалтай байна, тэрээр бидэнд их дутагдах нь ойлгомжтой. Гэхдээ түүнийг ойлгож байна. Тэр авч болох бүгдийг авсан.  Хүн ер нь өөрийн хийхийг хүссэн зүйлдээ маш их хөрөнгө оруулалт хийх хэрэгтэй”

Шведийн тамирчин дэлхийн аварга Хелена Экхольм : Биатлоний хувьд том гарз, тэр дундаа Германд  энэ нь хүндээр  тусах байх. Гэхдээ хэрвээ чи дахин ялж чадахгүй ,  сэтгэл зүйн бэлтгэл чинь  хангагдаж чадахгүй бол ийм шийдвэр хүрэхийг сайн ойлгоно”

Олимпийн аварга Норвегийн биатлонч Таре Бөэ: “ Ийм залуудаа карьераа дуусгаж байгаа нь маш харамсалтай бас хачирхалтай  юм.  Би, бүх насаараа амжилтын араас хөөцөлддөг тамирчдыг ойлгодог.  Миний бодлоор, хэрвээ би түүн шиг бүгдийг хожсон  бол ингэх л байсан”

Олимпийн аварга Мартина Бек : Энэ бол надад гайхмаар зүйл биш байсан. Тэр үүнийг цаашид удаан хийхгүй гэдгээ үргэлж хэлдэг байсан. Гэхдээ тэр биатлоний  бүх оргилд нь хүрсэн болхоор  үнэнээ хэлхийг л хүссэн”

Олимпийн аварга Кати Вильхелм: Сэтгэл зүйн бэлтгэлээ үргэлж  базааж мөн  нутагтаа тэмцээн  явагдаж байгаа  таатай энэ цаг үед үүнийг мэдэгдсэн нь маш хэцүү зүйл юм. Тэр хүссэн зүйлдээ хүрсэнээ мэдэж байгаа. Магдалена гэр амьтай. Бусад нь гадуур явцгааж байхад тэр гэртээ  байхыг илүүд үздэг. Бүтэн жилийн турш ямар их сэтгэл санааны болон биеийн хүчний  дарамттай байдагыг би спортоо орхисоны дараа анхлан мэдсэн юм. Энэ бүхэн үгүй болсоны дараа ямар сайхан чөлөөтэй болохыг мэдэрсэн”

Германы цанын холын зайн багийн дасгалжуулагч Иохин Беле: Биатлоны спорт  өөрийн “хатан хааныг” алдаж байна. Тэр дээд амжилтын төлөө араас тэмцдэг  бусад тамирчдаас өөр учраас ийм алхам хийсэн”

Энэ улирлын биатлоний дэлхийн аваргыг 156 оноо тэргүүлж яваа Нойнер  6 удаа түрүүлнэ гэдгээ фэнүүддээ амласан. Харин үүний дараа үзэсгэлэнт Магдалена  дахин уралдахгүй.  Гэхдээ “хэзээ ч гэж битгий хэл”  гэдэг герман үг байдаг. Магадгүй хэдэн жилийн дараа их спортын  мартагдашгүй амт түүнийг эргүүлээд даллах ч юм билүү.

Үзэсгэлэнт Магдалена спортоо орхино, 8.9 out of 10 based on 10 ratings