“Реал”-ын академиас төрөн гарсан оддын нэг Гути энэ улирлыг өндөрлөөд зодог тайлна хэмээн зарлаад байсан билээ. Гэвч БНХАУ, АНЭУ-ын багуудаас ирсэн татгалзаж боломгүй саналууд түүнийг эргэлзэхэд хүргэжээ.

“Би одоо өндөр төвшинд тоглоход хэцүү ч Хятад, Арабын лигт багтаа тус болохуйц тоглолтыг үзүүлж чадна. Тэгээд ч тэд надад одоо авч байгаагаас минь хавьгүй илүү цалин амласан тул спортоо орхих бодлоо хойшлуулахыг үгүйсгэх аргагүй” гэж тэрбээр “Марка” сонинд өгсөн ярилцлагадаа өгүүлжээ.

1995-2010 оны хооронд “Реал”-д тоглох хугацаандаа Испанийн АШТ-д тав, Аваргуудын лигт гурвантаа түрүүлсэн Хосе Мария Гутьеррес Эрнандес өдгөө Туркийн “Бешикташ”-д алба хашиж байгаа юм.