Давид Вильяг багаасаа явахыг хүсэж байгаа тухай Испаний “Marca “сонин мэдээлсэн. Харин Пеп Гвардьола энэ бүхнийг үгүйсгэж байна.

Реал Мадридтай хийсэн чухал тоглолтонд Вилья сэлгээний суудалд үлдсэн. Мөн түүнийг Леонел Месситэй тааруу харилцаатай байгаа тухай хэвлэлүүд бичиж байсан юм.

Мадридад байрлалтай Marca сонин өнгөрсөн лхагва гаригийн дугаартаа Давид Вильяг багаасаа явахын түүс болж байгаа тухай бичсэн байв. Мөн Челси, Ливерпуль, Астон Вилла гэсэн багууд түүнийг сонирхож байгаа тухай дурьдсан байсан.

Харин Барсагийн дасгалжуулагч Пеп Гвардьола хэвлэлийн бага хурлын үеэр “Марca худал мэдээлэл өгсөн” хэмээсэн байна.

“Бүтэн улирлын турш би бүх тоглогчдоо талбайд гаргахыг хичээдэг. Мэдээж талбай дээр 11 хүн л гардаг болохоор зарим нэгнийг нь хэрэгтэй тохиолдолд сэлгээнд үлдээх хэрэгтэй болно. Үүнээс бол асуудлыг дэвэргэх нь байж боломжгүй асуудал” хэмээн Испани мэргэжилтэн ярилаа.

Барса өнөөдөр Аль Садд багтай Клубын дэлхийн аваргын хагас шигшээд тоглоно.