Туркийн Бекишташ Стамбул английн Сток Ситиг 3:1-ээр буулган авч “Е” хэсгийг тэргүүллээ. Сток Сити туркүүдэд хожигдсон боловч 11 оноогоор дараагийн шатанд шалгарах эрхтэй хоцорч байгаа юм. Англичууд нэгдүгээр үеийг 1:0 харьцаатай дуусгасан. Харин хоёрдугаар үед туркүүд 3 гоол хариу барьж, есдүгээр сард 2:1-ээр хожигдсон даагаа нэхэж чадав.

Энэ хэсгийн нөгөө тоглолтонд Киевийн Динамо Израилийн Маккаб Тель Авивтай 3:3 –аар тэнцэв. Хэрвээ Динамо  олон бөмбөгөөр  хожиж,  Бекишташ хожигдож эсвэл тэнцсэн тохиолдолд тэдэнд шалгарах найдлага байсан билээ.

 

ГРУППА Е.

 

“К” хэсгийн дараагийн шатны эхний эрхийг Нидерландын Твенте өмнөх тойргын тоглолтонд халаасалсан билээ. Ингээд хоёрдахь эрхийн төлөө  Польшийн Висла Краков болон Фулхем багууд өрсөлдсөн юм. Висла  Твентег 2:1-ээр хожсон бөгөөд Фулхем болон  Данийн Оденсе багуудын тоглолтоос хамаарч цаашид  шалгарах эсэх нь тодорхой болох байв. Фулхем  хэсгийн сүүлийн тоглолтын өмнө Вислагаас 1 онооны илүү байсан. Тэд хожил авбал ямар ч асуудалгүй хэсгийн хоёрдугаарт бичигдэх байв. Харамсалтай нь тэднийг аз ивээсэнгүй. Фулхэм нэгдүгээр үед Демпси, Фрай нарын гоолоор тоглолтыг хошуучилж эхэлсэн. Харин Андреасен (64) чөлөөт цохилтоос  тооны харьцааг 2:1 болгож ойртуулсан юм. Гэвч Фулхэмийн жинхэнэ азгүйтэл тоглолтын цаг дуусах мөчид тохиов. Оденсегийн  Жиби Фаллийн мөргөсөн бөмбөг Фулхэмийн хожлыг хулгайлж, англичуудыг гэрт нь үлдээхээр болов.

 

ГРУППА К.

Евро лиг: Бекишташ, Сток Сити эрхээ халаасалж, Фулхэмд аз дутав, 10.0 out of 10 based on 2 ratings