Евро лигийн 6-р тойргын хоёрдахь өдрийн тоглолтоор  Рубин Казань , Ханновер, Польшийн Легия, Холлландын АЗ Алкмаар,  Брюгге  мөн Италийн Удинезе зэрэг багууд плей-оффд шалгарлаа.  Хэсэг тус бүрээс шалгарсан нийт 24 баг дээр аваргуудын лигт хэсэгтээ гуравдугаар байр эзэлсэн 8 баг нэмэгдэж 32 баг плей-оффд хүч үзнэ.  Холландаас хамгийн их буюу 4 баг шалгарсан бол Англи, Испани, Португаль мөн Бельгээс тус бүр 3 баг,  Герман, Итали, ОХУ, Турк, Грек, Польшоос 2 баг шалгарчээ. Түүнчлэн Чех, Австри, Румын, Украин улсаас нэг баг оролцох болов. Харин Францаас энэ удаад ямар ч баг энэ босгыг давж чадсангүй. Европын лигийн сугалааны ажиллагаа өнөөдөр буюу Баасан гарагт европын цагаар  16:00 цагаас  Францын Ньон хотноо явагдана.