ОУОХ-ноос “Инсбрук-2012” өвлийн өсвөрийн олимпийн тав дахь элчээр хоккейчин Сидни Кросбиг нэрлэлээ. Ийнхүү 24 настай канад эр уран гулгагч Ким Юү На, уулын цаначин Л.Вонн, Бенжамин Райх, фристайлч Кевин Ролланд нартай хамтран олимпийн хөдөлгөөнийг хойч үеийнхэндээ сурталчлахаар боллоо.

“Энэ нэр хүндтэй үүргийг хүлээсэндээ баяртай байна. Боломжийнхоо хэрээр олимпизмийг сурталчилна” хэмээн тэр өгүүлсэн бол ОУОХ-ны ерөнхийлөгч Жак Рогге “Кросбиг хүндлэн биширдэг, үлгэрлэн дууриадаг залуу олон.

Эр зориг, эрч хүч нь ийм нөлөө үзүүлдэг байх. Тиймээс бид түүнийг сонгосон юм” хэмээн онцолсон байна.