Азийн бөхийн холбооны ерөнхийлөгч Chang-Kew KIM өнөөдөр Улаанбаатар хотноо хүрэлцэн ирлээ.Монголын чөлөөт бөхийн холбооноос гаргасан хүсэлтийн дагуу 2013 оны Дэлхийн цомын тэмцээнийг Улаанбаатар хот зохион байгуулахаар нэр дэвшээд байгаа бөгөөд Доктор Chang-Kew KIM тэмцээний бэлтгэл ажилтай танилцахаар Дэлхийн бөхийн төрлүүдийн нэгдсэн холбоо\FILA\-оос томилогдон ирээд байна.Тэрээр 2011 оны 12 сарын 25-28 өдрүүдэд Монгол улсад айлчилах бөгөөд энэ хугацаанд Улаанбаатар хот, тэмцээн болон спортын ордон, бэлтгэлийн заал, тамирчид байрлах зочид буудал зэрэгтэй танилцан Монголын чөлөөт бөхийн холбооны удирдлагуудтай албан ёсны уулзалт хийнэ.