Ливерпулийн дасгалжуулагч Кенни Далглиш Блекберн Роверсийн эсрэг хийх тоглолтын өмнө хэвлэлийн бага хуралд оролцлоо.  Кенни өмнө нь 1995 онд Блекбернийг удирдан премьер лигт түрүүлж байсан юм. Мөн тэрээр Луйс Суаресийн 8 тоглолтын торгуулийн торгуулийн талаар өөрийн бодлоо хуваалцлаа. Уругвай довтлогч Юнайтедийн хамгаалагчч Патрис Эвраг арьс өнгөний үзэл гарган доромжилсон хэмээн буруутгагдаж байгаа юм.

(Лигийн сүүлийн байранд яваа Блекберний эсрэг хийх тоглолтын талаар):
“Тоглолт болгон ямар нэгэн шалгуур дагуулдаг. Блекберн одоогоор хүснэгтийн хамгийн сүүлийн байранд яваа болохоор нилээн дарамтан дор тоглолтыг эхлүүлнэ. Клубын эргэн тойронд дүргүйцсэн өнгө аяс мэдрэгдэж байгаа ч заримдаа энэ бүхэн сайн тоглоход түлхэц болдог тал бий. Өөртөө итгэлгүй зарим хүмүүс ийм зүйлийг хийж чадахгүй. Харин Блекберний тоглогчид хатуужилтэй учраас хүчтэй эсэргүүцэл үзүүлнэ гэдгийг би мэдэж байна. Дасгалжуулагчдаа туслахын тулд тэд юу ч хийхэд бэлэн байгаа.

(Блекберний дасгалжуулагч Стив Киний эсрэг өрнөж байгаа  эсэргүүцлийн талаар) :

“Дасгалжуулагч болгонд дэмжлэг хэрэгтэй. Багийн тоглогчид, эзэд нэн ялангуяа фенүүдээс. Тэдэнд мэдээж хэрэг  бухимдах шалтгаан байгаа. Гэхдээ ингэснээрээ байдлыг сайжруулна гэж бодохгүй байна. Ийм зүйл болж байгаа нь харамсалтай ч гэсэн хаа сайгүй л ингэж байдаг шүү дээ.
(Уйигантай хийсэн тоглолтын өмнө Суаресийг дэмжсэн үгстэй цамц өмссөн талаараа)

Английн холбоо ямар ч утгагүй зүйлээс болж манай түлхүүр тоглогчыг 8 тоглолтоор торгосон. Харин энэ удаа хийсэн үйлдээс болж дахиад торгууль хүлээлгэх эрхтэй гэж бодохгүй байна. Манай залуус багийнхаа тоглогчыг дэмжиж нэг цамц өмссөн нь хэнд ч гай болоогүй. Тийм болохоор энэ талаархи яриаг дахиад давтахыг хүсэхгүй байна. Тэгэхгүй бол Английн хөлбөмбөгийн холбоо дахиад нэг буруутгах шалтаг олж дөнгөх байх.