“Хос мастер” шатрын академ дээр саяхан явагдсан Монгол улсын 2011 оны багийн аварга шалгаруулах тэмцээнд 18 баг оролцож хожилд 3, тэнцээнд 1 оноо авах журмаар, швейцарь оноолтын 7 тавилд өрсөлдснөөс “Скайтел” баг (ОУМ Ц.Батчулуун, ФМ А.Энхтуул, Э.Энхнар, ФМ Ч.Мөнхбат нарын бүрэлдүүнтэй) 17 оноогоор тэргүүлж  Чингэлтэй дүүргийн “Цэцэн нүүдэл” (ИМ Б.Мөнгөнтуул, ДМ П.Батжанцан, ДМ Х.Тэмүүжин, Г.Батбилэг) 14, “Гоби Чесс” (ИМ Б.Хатанбаатар, ФМ Н.Төвсанаа, ФМ Б.Ану, ДМ Я.Сүхболд) 13 оноогоор медальт байруудад шалгарав.

Хувийн дүнгээр Б.Мөнгөнтуул, СМ Т.Алтан, Э.Энхнар, Ч.Мөнхбат нар тус тусынхаа ширээг магнайлжээ.

Шатарчдын чансааны ангиллаар баг бүрдүүлэх өвөрмөц журмаар хоёрдахь удаагаа зохиогдсон энэ тэмцээнийг үүрэн телефоны оператор Скайтел компани ивээн тэтгэв.