Монголын шатрын холбоо, Өсвөрийн шатарчдын клубүүдийн холбоо хамтран шатарчдын шинэ жилийг энэ сарын 25-нд тэмдэглэлээ. Энэ үеэр МоШХ оны шилдэг тамирчнаараа их мастер Т.Батчимэг, дасгалжуулагчаар Ц.Батсайхан (Мончесс), клубээр “Хос мастер”, өсвөрийн тамирчнаар ФТ А.Энхтуул, ивээн тэтгэгчээр “Голомт” банкийг тодруулжээ.

Мөн тус спортыг хөгжүүлэх үйлст гавьяа байгуулсан хүнд олгодог дээд шагнал “Алтан титэм”-ийг гавь яат дасгалжуулагч, ОУМ П.Жиг жидсүрэнд олгосон байна. Тэрчлэн Өсвөрийн шатарчдын клубүүдийн холбооноос ДАШТ-ий хүрэл медальт А.Энхтуулыг оны шилдгээрээ шалгаруулж, “Алтан шатар” шагналаа 1000 “ногоон”-ы хамт гардуулсан байна.

Р.МАНЛАЙ