Елена Чайковская, 1939 – уран гулгалт. ЗХУ, ОХУ-ын гавьяат дасгалжуулагч.

Берти Фогтс (Герман), 1946 – хөлбөмбөг. Шигшээ баг, Борусси (Мюнхенгладбах) багийн хамгаалагч, 1974 оны дэлхийн аварга,Германы олон удаагийн аварга. Германы шигшээ багийн дасгалжуулагч асан. 1996 оны Европын аварга.

Бен Жонсон (Канад), 1961 – хөнгөн атлетик. Ойрын зайн гүйгч. 1984 оны олимпийн хошой хүрэл медальт. 1988 оны олимоос алтан медаль хүртсэн ч сэргээш хэрэглэсэн шалтгаанаар медалиа хураалгасан. Дэлхийн рекордыг мөн тогтоосон ч тооцоогүй.

Даниэль Амокачи (Нигери), 1972 – хөлбөмбөг. Шигшээ баг, Брюгге, Бешикташ багийн довтлогч. 1996 оны олимпийн аварга, 1992 оны Бельгийн аварга.

Тайгер Вудс (АНУ), 1975 – гольф. PGA Tour -д нийт 71 удаа, Европын цувралуудад нийт 38 удаа түрүүлсэн. Major championships буюу үндсэн тэмцээнүүдэд 14 удаа түрүүлсэн. PGA-ийн оны шилдэг тамирчнаар 10 удаа, PGA Tour-ийн оны шилдгээр 10 удаа тодорсон.

Лайла Али (АНУ), 1977 – бокс. Эмэгтэй мэргэжлийн боксын дунд жингийн дэлхийн аварга. Домогт боксчин Мухаммед Алигийн охин.

Кенион Мартин (АНУ), 1977 – сагсан бөмбөг. 2000 оны АНУ-ын коллежийн шилдэг сагсан бөмбөгч. 2000 оны NBA драфтын номер 1 тоглогч. 2004 оны “Бүх Одод”-ын тоглолтонд оролцсон. Денвер Наггетс багийн тоглогч.

ЛеБрон Жэймс (АНУ), 1984 – сагсан бөмбөг. 2003 оны НБА-ийн драфтын тэргүүн тоглогч. 2004 оны шилдэг шинэ тоглогч, 2009 оны MVP. 2008 оны олимпийн алтан медальт, 2004 оны хүрэл медальт.