Тайландын нийслэл Бангкокт Ази тивийн пологийн аварга шалгаруулах “ALL ASIA CUP 2012” тэмцээн энэ сарын 9-14-нд болж, Хятад, Энэтхэг, Тайланд, Монгол, Малайз, Сингапур, Индонез, Бруней, Фи липпин, Дубайн шигшээ баг өрсөлдөж байна. Монголын үндэсний пологийн шигшээ баг уржигдар Улаанбаатарын цагаар 22.00 цагт БНХАУ-ын шигшээ багийг 8:4-өөр хожив. Азийн аварга шалгаруулах тэмцээн дөрвөн жилд нэг удаа болдог уламжлалтай. “Манай улсын “Чингис хаан” баг уг тэмцээнд анх удаа оролцож байгаа бөгөөд Азийн хамгийн хүчтэйд тооцогддог Хятадын үндэсний шигшээ багийг онооны илт зөрүүтэй хожсон нь поло сонирхогчдыг алмайрууллаа” гэж “Чингис хаан поло клуб”-ийн захи рал С.Энхцэцэг Бангкокоос мэдээлэв. Монголын шигшээ баг дөрвөн тамирчинтай бө- гөөд багийн ахлагч Г.Ихтэнгэр-Баруунхүрээ 16 настай, бусад гурван тамирчин нь 18-26 насны залуус аж. Тэдний хоёр нь малчин айлын 18-20 насны хөвгүүд гэд гээрээ онцлог юм. Монголын морьт хөвгүүд Хятадын туршлагатай тамирчдыг хожихдоо “замен”-аа ч солилгүй өрсөлдөгчдөө нэлээд сандаргажээ.