Энэ сарын 14-29-нд Голландын Вейк-ан-Зеед 2755 дундаж чансаатай 14 супер их мастер (сугалааны дарааллаар жагсаавал Д.Навара (Чех, 2712), Б.Гельфанд (Израиль, 2739), Т.Ражабов (Азербайжан, 2773), С.Карякин (ОХУ, 2769), Х.Накамура (АНУ, 2759), М.Карлсен (Норвеги, 2835), Г.Камский (АНУ, 2732), Л.Ван Вели (Голланд, 2692), В.Гашимов (Азербайжан, 2761), В.Иванчук (Украин, 2766), Л.Аронян (Армен, 2805), Ф.Карауна (Итали, 2736), А.Гири (Голланд, 2714), В.Топалов (Болгар, 2770) оролцсон тойргийн тэмцээн эхэллээ. 74 жилийн түүхтэй тус тэмцээнд 62 шатарчин аваргалж байснаас В.Ананд тав, М.Эйве, В.Корчной, Л.Портиш нар тус бүр дөрвөн удаа түрүүлж байжээ. Эхний тавилд М.Карлсен, А.Гири, Л.Аронян нар учраагаа ялж, бусад өргүүд тэнцээгээр өндөрлөсөн байна. Ингээд тэмцээнийг манлайлах магадлал өндөртэй хоёр шатарчны харилцан довтолцсон сонирхолтой өргийг сонирхоно уу.