Улсын аварга шалгаруулах өсвөрийн шатарчдын тэмцээнд оролцох эрх олгох тэмцээнийг “Цэцэн нүүдэл” шатрын клуб энэ сарын 20-26-нд зохион байгуулна. Уг тэмцээнд 6-16 насны шатарчид зургаан ангиллаар өрсөлдөх бөгөөд эцсийн шалгаруулалтад 30 хүүхэд үлдэх юм. Шалгарсан хүүхдүүд ирэх гуравдугаар сард болох Улсын аварга шалгаруулах тэмцээнд оролцоно.

Тэмцээнд орон нутгийн хүүхдүүд оролцохгүй зөвхөн нийслэлийн шатарчид хүчээ сорино гэж тус клубийн багш Х.Эрдэнэдорж мэдээлсэн. Өмнөх жилүүдэд орон нутгийн хүүхдүүд уг тэмцээнд хамрагдаж байжээ. Бүртгэл Нийслэлийн шатрын холбоонд энэ сарын 19 хүртэл бүртгэнэ.

А.ОНОН