Карлос Тевес багаасаа албан ёсоор уучлалт гуйлаа. Тэрээр өнгөрсөн 9 сард Байерн Мюнхений эсрэг хийсэн тоглолтонд биеэ халаахаас татгалзаж улмаар Роберто Манчинитэй ам мурийсан юм.

Түүнийг уучлалт гуйхгүй бол дахин Ситигийн төлөө тоглуулахгүй гэдгээ Манчини мэдэгдсэн. Гэвч зөрүүд Аргентин довтлогч уучлалт гуйгаагүйгээр барахгүй нутаг руугаа дур мэдэн явсан юм.

Харин тэр явдлаас гурван сарын дараа Тевес өөрийнхөө хийсэн үйлдэлд уучлалт гуйлаа. Гэхдээ түүнийг дахин Ситигийн тоглуулах эсэх нь тодорхой бус байна. Учир нь тэрээр Англид ирэхээсээ өмнө Манчини өөртэй нь “нохой” шиг харьцсан хэмээн яриад амжсан юм.

Тевес Каррингтон дахь Ситигийн бэлтгэлийн баазад өнгөрсөн долоо хоногоос бэлтгэлдээ гарсан байгаа. Түүний хэзээ тоглож болох эсэхийг удахгүй олон нийтэд мэдэгдэх аж.