Серби улсын Белград хотод гуравдугаар сарын 6-11-ний өдрүүдэд 2012 оны чөлөөт бөхийн Европийн аврага шалгаруулах тэмцээн гурван төрлөөр болно. Уг тэмцээний үеэр энэ онд Англи улсын нийслэл Лондон хотод болох Зуны олимпийн наадамд сонгомол болон чөлөөт бөхийн тэмцээнд оролцох шүүгчдийн сүүлчийн сонгон шалгаруулалт болно. Эхний шалгаруулалт нь 2011 оны есдүгээр сард Турк улсын Стамбул хотод болсон ДАШТ байсан юм.

Шүүгчдийн сонгон шалгаруулалтанд оролцохоор манай улсаас олимпийн зэрэглэлийн шүүгч А.Басхүү, Ц.Сэрээтэр нар очжээ.

Чөлөөт бөхийн олимпийн зэрэглэлийн шүүгч 56 байдаг юм байна.

Жич: Манай шүүгчдээс О.Цэрэндагва 1968 онд, С.Магсар 1972, 1976 онуудад, А.Басхүү 1988, 1992, 1996, 2000, 2004, 2008 онуудад Зуны олимпийн наадамд шүүгчээр оролцож байжээ.