Монголын сагсан бөмбөгийн ертөнц үйл явдлаар өрнүүн байна. Холбооны зүгээс түүхт 50 жилийн ойг тохиолдуулан хэд, хэдэн томоохон ажил төлөвлөжээ. Тэдгээрийн нэг болох “UB Cup” олон улсын тэмцээн хоёрдугаар сарын 7-нд нээлтээ хийх гэж байгаа юм. Улаанбаатар хотын захирагч бөгөөд нийслэлийн Засаг дарга Г.Мөнхбаярын ивээл дор зохион байгуулах тус тэмцээн хоёрдугаар сарын 7-12-нд Спортын төв ордонд үргэлжилнэ. Тэмцээнд БНХАУ, ОХУ, Япон болон Өмнөд Солонгосын баг тамирчид оролцохоор мэдүүлгээ ирүүлээд байсан ч өнөөдөр өглөө БНСУ-ын баг Монголд хүрэлцэн ирэх боломжгүй болсноо мэдэгджээ. Мөн Өвөрмонголын баг Хятадын уламжлалт Цагаан сарын баяр тохиож буй тул Монголд ирэх эсэх нь эргэлзээтэй болсон байна. Харин Японы спортын шинжлэх ухааны их сургуулийн баг өргөн бүрэлдэхүүнтэй Монголд саатах тухайгаа албан ёсоор мэдэгджээ.Тус улсын сагсан бөмбөгийн холбооны Шүүгчдийн албаны дарга, Спорт хариуцсан захирал гээд нөлөө бүхий эрхмүүд баг, тамирчдынхаа хамт “UB Cup-2012” тэмцээнд хүрэлцэн ирэх юм байна. Түүнчлэн ОХУ-ын багийн тухайд Эрхүү мужийн Техникийн академийн баг 10 тоглогч, хоёр дасгалжуулагч, нэг албаны хүний бүрэлдэхүүнтэй ирэх аж.

“UB Cup” тэмцээнийг зохион байгуулагч Монголын багийн тухайд хоёр багаа сойно. Монголын сагсан бөмбөгийн шигшээ багаас гадна өнгөрсөн жилийн дээд лигийн аварга “Харцага” баг өрсөлдөх юм.

Хэвлэлийн бага хурлын үеэр МСБХ-ны ерөнхий нарийн бичгийн дарга Б.Дашдорж “Өнгөрсөн онд Монголын сагсан бөмбөгийн холбоо Пэпси брэндтэй таван жилийн хугацаатай хамтран ажиллах гэрээ байгуулсан. Урт хугацааны хамтран ажиллахаар гэрээнд тусгасны дагуу системчилсэн дөрвөн лигийн тэмцээнийг зохион явуулж байна. Өнгөрсөн оны арваннэгдүгээр сарын 26-нд эхэлсэн Пэпси хөгжлийн лиг өндөрлөх тун дөхсөн байна. Өнөөдрийн байдлаар плей-оффт өрсөлдөх дөрвөн багийн гурав нь тодорчээ. Ирэх бямба гаригт болох тоглолтоос шалтгаалан дөрөв дэх багийн нэр тодорно. Пэпси хөгжлийн лиг БТДС-ийн зааланд болж байна. Тэгвэл Пэпси коллеж лигийн тоглолтууд хуваарийн дагуу их, дээд сургуулиудын зааланд болж байна. Өнөөдрийн байдлаар багууд гурав, гурван тоглолт хийжээ. Хэсэг завсардаад байсан оюутны лиг дахин сэргэж, шинэ өнгө төрхтэй, зохион байгуулалттайгаар явагдаж байгаад их, дээд сургуулийн төлөөллүүд  ам сайтай байсан. Оюутны лигийн гол зорилго нь оюутны шигшээ баг бүрдүүлэх, цаашлаад холбооны шинэ дүрэм журам, бодлогын дагуу ур чадвартай шилдэг тоглогчдыг драфтаар дээд лиг рүү дэвшин тоглох боломж олгох юм. Харин Пэпси жуниор лиг буюу хүүхдийн лигийн тухайд өнгөрсөн сарын сүүлээр эхэлсэн. Багууд одоогийн байдлаар долоон тоглолт хийгээд байна. Улс орон даяар ЕБС-ийг хамарч байгаа Пэпси жуниор лигт 40 баг оролцож байна” гэх мэдээлэл өглөө.

Хуваалцах/Тэмдэглэх

Тэгвэл өнгөрсөн баасан гаригт плей- оффд нэг нэгээр тэнцсэн багууд дахин тоглолт хийлээ. Нийслэлийн мэргэжлийн хяналтын ерөнхий газрын баг, “ Залуус сан” багууд эсрэг багаа хожиж наймд үлдсэн бол багууд шилдэг дөрөвт шалгарахын тулд эсрэг багаа түрүүлж хоёр хожсон баг нь дараагийн шатанд шалгарах боломжтой болох юм. Дашрамд сонирхуулахад Пепси хөгжлийн лигийн аварга энэ сард нээлтээ хийх үндэсний дээд лигийн сагсан бөмбөгийн аварга шалгаруулах тэмцээнд оролцох эрхтэй болох юм.

Багуудын тоглолтын харьцааг сонирхуулж байна.

2011 оны 1 дүгээр сарын 27 буюу баасан гариг

1.НМХГ-123: UB Андууд-75

2.Залуус сан-93: Улс төрийн тойм -80

3. МХТС Соёмбо даатгал -Ноёд 2:0

4. Хасын Хүлэгүүд –Залуус сан 2:0

5.SBL- ННДГ 2:0

6.ҮБТДС-Мобиком 1:1-ээр тэнцэж шилдэг наймын төлөө дахин тоглохоор боллоо.

2011 оны 1 дүгээр сарын 28 буюу бямба гариг

1. ҮБТДС Мобиком 94 75:65

2. НМХГ Соёмбо даатгал МХТС-Ноёд 99:77

3. Залуус сан Хасын Хүлэгүүд 77:83

4. ННДГ SBL 53:84 2011 оны 1 дүгээр сарын 29 буюу ням гариг

1. SBL ННДГ 89:68

2. Хасын Хүлэгүүд Залуус сан 82:68

3. Соёмбо даатгал МХТС-Ноёд НМХГ 70:78

4. Мобиком 94 ҮБТДС 72:48

Хуваалцах/Тэмдэглэх

Нэг тоглолтод дунджаар 20 оноо, 15 самбар авч буй үзүүлэлт нь ямар ч тоглогчийг атаархуулам. Гэхдээ сагсан бөмбөг багийн спорт болохоор дан ганц түүний хичээл зүтгэл үр дүнд хүрсэнгүй. “Мэжик” шинэ улирлыг уг нь урамтай эхлүүлж, эхний 13 тоглолтын аравт нь хожсон. Харин үүнээс хойш уруудсаар ирлээ. Тэд нэгдүгээр сарын 23-нд “Бостон”-д 56:87-гоор хожигдсон нь энэ бүхний эхлэл байв. Бүтэн тоглолтын турш ердөө 56 оноо авсан нь тус багийн түүхэн дэх хамгийн тааруу үзүүлэлт аж. Үүнээс гурав хоногийн дараа “Бостон”-той дахин тулж, гуравдугаар үед 20 гаруй оноогоор давамгайлж явсан ч эцэст нь дахиад л дийлдлээ.

Дараа нь “Нью-Орлеан”-тай тоглоход 67, “Филадельфи”-гийн эсрэг 69 авах нь тэр. Мэдээж эдгээр тоглолтод Дуайтын баг ялагдал амссан. Энэ багт Ж.Нельсон, Х.Туркоглу, Ж.Ричардсон, Ж.Редик, Р.Андерсон, Г.Дэвис гээд сайн тоглогчид хангалттай бий. Гэвч тэдгээр залуус нь орон гаран тоглоод байгаагаас болж амжилт тогтворгүй болсон. Бас дасгалжуулагч нь ч гологдоод байх шиг. Энэ бүхнээс нэг дүгнэлт гарч ирж байна. Тодруулбал, хэрвээ байдал энэ янзаар үргэлжлээд байвал Дуайт багаа орхихоос өөр аргагүйд хүрнэ. Өнөө цагийн шилдэг төвийн тоглогчийг алгаа тосоод угтах баг 29-өөс 29 байх нь тодорхой. Гэхдээ “Орландо” эргээд сайн тоглоод эхэлбэл Ховардад найдлага төрж, багтаа үлдэхээр шийдэж болох л юм. Харамсалтай нь ийм зүйл болно гэдэгт итгэх хүн тун цөөхөн байна.

Г.БАЯРСАЙХАН

Хуваалцах/Тэмдэглэх

Амны цангааг тайлж сэнгэнэсэн цэвэр амтаараа хэрэглэгчдийн сэтгэлд хүрсэн бүтээгдэхүүн бол яахын аргагүй Спрайт ундаа билээ. Спрайт ундааны Эрч хүчний тэсрэлт өгдөг жинхэнэ цэвэр амтнаас нь гадна хүүхэд, залуус сагсан бөмбөгтэй салшгүй холбож үздэг. Үүний учир нь “М-Си-Эс Кока Кола” компани “TLG13”ТББ-тай хамтран жил бүр уламжлал болгон зохион байгуулдаг Сагсан бөмбөгийн СПРАЙТ ХӨГЖЛИЙН ЛИГ болон СПРАЙТ СУПЕР ЛИГИЙН тэмцээн юм.

Спрайт хөгжлийн лигийн тэмцээн 2011 оны 10-р сараас 2012 оны 1-сарын хооронд явагдсан бөгөөд нийт 48 баг тамирчид оролцож “Танан Импекс” баг аваргаар тодорсон бөгөөд Аваргын цом алтан медаль 5 сая төгрөгөөр шагнуулсан бөгөөд Европ дахь Монголчуудын хооронд зохион байгуулагдах сагсан бөмбөгийн аварга шалгаруулах тэмцээнд урилгаар оролцох эрхээр шагнуулсан юм.

Спрайт брэндээр овоглосон Сагсан бөмбөгийн “СПРАЙТ СУПЕР ЛИГИЙН”-ийн тэмцээний нээлтийн арга хэмжээ6 дахь жилдээ 2012 оны 2-p сарын 4-ний өдөр Буянт-Ухаа дахь спортын цогцолборт болно.

Тэмцээнд Эрэгтэй 15 баг Эмэгтэй 6 баг нийт 21 баг тамирчид  оролцохоор мэдүүлгээ өгөөд байна. Энэхүү тэмцээн нь ажилчин залуусын дунд эрүүл, идэвхтэй амьдралын хэв маягийг хэвшүүлэх зорилготой  бөгөөд тэдний бие бялдарын хөгжил чөлөөт цаг заваа зөв боловсон өнгөрүүлэхэд үнэтэй хувь нэмэр оруулсаар ирсэн билээ. 2011 онд тус тэмцээний аваргаар тодорсон ИНЕГ Буянт-Ухаа баг аваргын Алтан медаль арван сая төгрөг бусад үнэ бүхий зүйлсээр шагнуулсан ба тус лигийн шилдэг тамирчид нь Америкийн Нэгдсэн Улсын Колорадо мужийн Монголчуудын холбооноос зохион байгуулсан сагсан бөмбөгийн тэмцээнд оролцон нөхөрсөг тоглолт хийгээд ирсэн билээ. Энэ жил ч мөн Спрайт супер лигийн аварга багийг Аваргын алтан медаль арван сая төгрөгөөр байлж, шилдэг тамирчид Иллиноис мужийн Чикаго хотод аялан тоглолтоор явах эрхээр шагнуулах юм.

Сагсан бөмбөгт хайртай мянган мянган залуус та бүхнийг сагсан бөмбөгийн лигийн нээлтийн  шоу арга хэмжээг жинхэнэ утгаар нь үзэж хайртай баг тамирчидаа дэмжихийг уриалж байна.

Хуваалцах/Тэмдэглэх

Өнгөрсөн жилээс эхлэн бүтэц, бүрэлдэхүүндээ шинэчлэл хийж, шинэ удирдлага, шинэ зохион байгуулалтаар ажиллах болсон Монголын сагсан бөмбөгийн холбоо “Пэпси” брэндтэй хамтран хүүхдийн, оюутны, хөгжлийн болоод дээд лигийн тэмцээнийг зохион байгуулах болсон билээ. Тэгвэл ирэх хоёрдугаар сарын 7-12-нд Спортын төв ордонд болох “UB Cup-2012” тэмцээн нь МСБХ болоод “Пэпси” брэндийн хамтран зохион байгуулах анхны олон улсын чанартай тэмцээн болж байна. Тус тэмцээний хамтран зохион байгуулагчаар нийслэлийн Засаг даргын Тамгын газар ажиллаж байгаа юм.

“UB Cup-2012” тэмцээнд одоогийн байдлаар БНХАУ-ын Өвөрмонголын Биеийн тамирын сургуулийн баг, Өмнөд Солонгосын их, дээд сургуулиудын шигшээ баг, Японы Спорт, шинжлэх ухааны их сургуулийн баг, мөн ОХУ-ын Эрхүү мужийн Ангарскын Шинжлэх ухаан, техникийн академийн багууд оролцохоор мэдүүлгээ ирүүлээд байна. Өмнөх жилүүдтэй харьцуулахад чансаа өндөр багууд ирж, оролцох болсон нь тэмцээний чанар, өрсөлдөөнийг илтгэж буй.

Тэмцээнийг зохион байгуулагч Монгол Улсын тухайд хоёр багаа тус тэмцээнд сойно. Тодруулбал, С.Баярцогт дасгалжуулагчаар ахлуулсан сагсан бөмбөгийн үндэсний шигшээ баг, мөн өнгөрсөн жилийн дээд лигийн аварга, Д.Уртнасан дасгалжуулагчтай “Харцага” баг нар хэдийнэ бэлтгэлдээ гарчээ. Тэмцээнд оролцох шигшээ багийн бүрэлдэхүүнийг танилцуулбал, төвийн тоглогчоор О.Сайнбаяр, Д.Дэлгэрням, довтлогчоор ОУХМ Ш.Сэдбазар, С.Өрнүүнбилэг, О.Ууганбаяр, Н.Золжаргал, Ц.Мэргэн, М.Отгонмөнх, хамгаалагчаар Б.Мөнхболд, М.Бадрах, О.Сэргэлэн, Ц.Пүрэвдорж нар багтжээ. Харин Г.Баттөрийн тухайд бэртлийн улмаас оролцох эсэх нь тодорхойгүй байна.

Монголын сагсан бөмбөгийн холбоо

Хуваалцах/Тэмдэглэх

Харин нөгөө талд таваар плэйоффт шалгарсан Улс Төрийн тойм сонины баг Залуус Сангийн багийг эцсийн мөчид 69-67 харьцаатай хожиж эхний ялалтыг байгууллаа. Гэвч ням гарагт л Залуус Сан 20 онооны илүүтэй ялалтыг байгуулснаар эдгээр багууд нэмэлт тоглолтыг хийхээр болсон байна. Бусад үр дүнгийн тухайд чансаа илүү багууд бүгд өрсөлдөгчөө 2:0 харьцаатай илүүрхэж хагас шигшээд буюу шилдэг наймт үлдэх эрхээ авсан юм. Нэмэлт тоглолт ирэх баасан гарагт болно. харин амралтын өдрүүдээр хоёрдугаар шатны тоглолтууд эхлэх юм.

2011 оны 1-р сарын  21 буюу бямба гарагийн тоглолтын харьцаа

1.    ҮБТДС                                       Чандмань ээж                  85:77

2.    НМХГ                                          UB Андууд                               83:89

3.    Mobicom 94                                Суруга Монгол              95:77

4.    Соёмбо даатгал МХТС-Ноёд     Ард даатгал Мустанг          82:46

5.    Залуус сан                                 Улс төрийн тойм             67:69

6.    Налайх-Цоглог хангай               ННДГ                               51:75

7.    Хасын Хүлэгүүд                        Ховд хөгжлийн төлөө сан  82:60

8.    SBL                                             Замын битум                  63:35

  2011 оны 1-р сарын 22 буюу ням гарагийн тоглолтын харьцаа       

1.    Замын битум                            SBL                                               45:59

2.    Ховд хөгжлийн төлөө сан         Хасын Хүлэгүүд                    82:86

3.    ННДГ                                          Налайх-Цоглог хангай       104:95

4.   Улс төрийн тойм                       Залуус сан                            69:84

5.    Ард даатгал Мустанг              Соёмбо даатгал МХТС-Ноёд    72:95

6.    Суруга Монгол                          Mobicom 94                         75:92

7.    UB Андууд                                 НМХГ                               67:99

8.    Чандмань ээж                           ҮБТДС                               81:86

Хуваалцах/Тэмдэглэх

NBA-гийн шинэ улирал эхэлснээс хойш багууд 10 гаруй тоглолт хийгээд байна. Мэдээж уламжлал ёсоор олны анхаарлын гадна үлдсэн зарим нэг залуус гялалзтал сайн тоглож, өөрсдийгөө нээн харуулж буй. Эдгээр тоглогчдыг танилцуулья.

12.Жамал Кроуфорд (Портлэнд) Жамал бол лигт арав гаруй жилийг үдсэн од зэрэглэлийн тоглогч. Харин энэ улиралд түүнийг багаа солин “Портлэнд”-д ирэхэд хэрхэн тоглох бол гэж олон хүн сонирхож байлаа. Гэтэл авьяаслаг тоглогч хаана ч газардахгүй болохыг тэр харуулж байна. Түүний авдаг оноо өнгөрсөн улирлаас үл ялиг буурсан ч маш сайн сэлгээний тоглогч хэвээр. “Блэзерс” улирлыг 8-5 амжилтаар үргэлжлүүлж буйд түүний хувь нэмэр багагүй бий.

11.Маркиеф Моррис (Финикс) “Санс” энэ жилийн драфтаас 208 см өндөртэй хүчний довтлогч Маркиеф Моррисийг авсан нь өдгөө Ч.Фрайгийн маш сайн сэлгээ болоод байна. Тэр нэг тоглолтод дунджаар 8 оноо, 6 самбар авч буй нь “шинэков”-ууд дундаа дээгүүр орох үзүүлэлт юм. Сонирхуулахад түүний ихэр Маркус энэ жилийн драфтад Маркеифийн дараа буюу 14-р байраар сонгогдон “Хьюстон”-д очжээ.

10.Марчин Гортат (Финикс) 211 см өндөртэй польш залуу энэ улиралд өөрийн оргил үзүүлэлт болох 14.3 оноо, 8.4 самбарыг дунджаар авч буй. С.Нэшийн дамжуулалт бүр түүн рүү чиглэдэг болсон нь нэгийг өгүүлэх биз ээ.

9.Норрис Коул (Майами) Залуу холбогч уг нь драфтын ¹28-аар “Чикаго”-д сонгогдсон боловч солилцооны дүнд “Хит”-ийн гишүүн болсон юм. Тэрбээр лигт хийсэн хоёр дахь тоглолтдоо л 20 оноо (үүний 14-ийг 4-р үед) авч, “Бостон”- ыг ялахад том нэмэр болсон. Мэдээж “Их гурвал”-ын хажуугаар тогтмол ийм оноо аваад байх боломжгүй. Гэхдээ тэр 9.8 оноо авч, 3.3 дамжуулалт өгсөн нь чамлахааргүй үзүүлэлт юм. Коул энэ янзаараа тоглоод байвал удахгүй М.Чалмерсийг ажилгүй болгож мэднэ.

8.Рикки Рубио (Миннесота) Энэ залуу Европ тивийнхэнд бол хэдийнэ танил болсон. Харин буурал тивд гялалзаж байсан залуу NBA-д орж ирээд эхэндээ тэвдэх байх гэж бодсон ч огт ажирсан шинжгүй хийх ёстой ажлаа хийсээр явна. Одоо энэ залуугүйгээр “Миннесота”-гийн довтолгоо явахаа больжээ. Испани холбогч одоогоор 10.9 оноо авч, 8.3 дамжуулалтыг дунджаар өгч байна.

7.Иман Шумперт (Нью-Йорк) К.Энтони, А.Стаудемайер гэсэн олон шидэлт хийж, их оноо авдаг тоглогчдын хажуугаар тоглолт бүрт арваас дээш оноо нэмэрлэж байгаа залууг улирлын нээлт гэхээс яахав. Драфтын ¹17-гоор сонгогдсон тэрбээр NBA-д найман тоглолтод оролцохдоо ганцаас бусдад нь хоёр оронтой тоо бүхий оноо авсан юм. Лигт элссэн эхний жилээ л хүчирхэг “Никс”-ийн гарааны бүрэлдэхүүнд багтсан гэхээр түүний хэр авьяаслаг тоглогч болох нь ойлгогдоно. Түүний тоглолтын арга барилыг Д.Уэйдийнхтэй зүйрлүүлэх нь бий.

6.Кемба Уолкер (Шарлотт) Коллежийн сүүлийн улиралдаа 23 оноог дунджаар авсан залуу хамгаалагч NBA-д түргэн идээших нь тодорхой байлаа. Үүнийг мэдэрсэн “Бобкэтс” түүнийг драфтын ¹9-өөр сонгон авсан нь өдгөө гарааны чухал тоглогч болжээ. Тэрбээр нэг тоглолтод дунджаар 11.3 оноо түүж байна.

5.Пол Жорж (Индиана) Энэ залуу өнгөрсөн улиралд “rookie” байхдаа “ П е й с е р с ” – и й н гарааны бүрэлдэх үүнд багтаж байв. Тэгвэл энэ жил талбайд 30 гаруй минутыг өнгөрөөж, арав гаруй оноог тогтмол авдаг тоглогч болжээ. Түүний ончтой шидэлт, сайн хамгаалалт багт нь нөлөөгөө үзүүлж, “Индиана” өдгөө 9-3 амжилтаар бүсийнхээ гуравдугаар байрт жагсаж байна.

4.Кайл Лоури (Хьюстон) “Авьяаслаг тоглогч, гэхдээ хэзээ ч од болохгүй” гэсэн үгс түүнийг байнга дагалддаг байв. Тэгвэл Кайл энэ улиралд жинхэнэ тэсрэлтийг хийж байна. Үүнийг нотлохын тулд нэг тоглолтод дунджаар 17.6 оноо, 6.7 самбар авч, 9.0 оновчтой дамжуулалт өгч буй статистикийг дурдахад л хангалттай. Сүүлд “Портлэнд”-ийг нэмэлт цагт хожсон тоглолтод л гэхэд 33 оноо, 8 самбар авч, 9 оновчтой дамжуулалт өгөн трипл-дабл хийх дөхсөн юм.

3.Райан Андерсон (Орландо) Хүчний довтлогч нар шидэлт муутай байх нь элбэг. Тэгвэл Райан дундаас, холоос гээд хаана л бол хаанаас оноо түүх чадвартай. Үүнийгээ шинэ улиралд бүрэн дүүрэн харуулж байна. Тэрбээр өнгөрсөн улиралд 10 оноог дунджаар авсан бол энэ жил 18.3 болон эрс нэмэгджээ. “Мэжик” цалин ихтэй Р.Льюисийг явуулж, түүнд олон минут тоглох боломж олгосон нь ийн зөвджээ. Тэрбээр нийт оноо авалтаар лигт 18-д, холын зайн шидэлтийн хувиар 17-д бичигдэж байна.

2.Спенсер Ховс (Филадельфи) 216 см өндөр, 111 кг жинтэй энэ аварга залуу одооноос л төвийн тоглогчийн байрлалдаа гаршиж буй бололтой. Үүний илрэл нь нэг тоглолтод дунджаар 10.4 оноо, 8.4 самбар авч, 1.7 блок-шот гүйцэтгэж буй үзүүлэлт. А.Игуодала, С.Ховс, Т.Янг, Э.Брэнд, Ж.Микс, Ж.Холидей, Л.Уильямс зэрэг олон жигд тоглогчидтой “Сиксерс” өдгөө өрсөлдөөн ширүүн Дорнод конференцийн дэд байрт жагсаж байгаа нь санамсаргүй явдал биш. Хэрвээ Э.Турнер гэмтлээ эдгээгээд эргэн ирвэл “Филадельфи” бүр ч хүчирхэгжих нь тодорхой.

1.Жефф Тиг (Атланта) Тэр уг нь тоглолтын хувь заяа шийдэгдсэн үед талбайд гардаг тоглогч байлаа. Гэтэл энэ жил Ж.Кроуфорд “Портлэнд”- ийг зорьж, үндсэн холбогч К.Хайнрич нь гэмтсэнээр залуу Тигийг талбайд гаргахаас өөр сонголт “Атланта”-д үлдээгүй. Хаа очиж тэр өөрт олдсон энэ боломжийг тун сайн ашиглаж чадлаа. Түүний оноо 5.2-оос 12.4, дамжуулалт 2-оос 6 болон нэмэгджээ. Түүнчлэн тоглох минут нь 20 гаруйгаар нэмэгдсэн байна. Одоо Тиг “Атланта”-д өөрийн байр сууриа нэгэнт олсон тул Хайнричийн гэмтэл эдгэсэн ч талбайд гарах боломж маш бага юм.

Г.БАЯРСАЙХАН

Хуваалцах/Тэмдэглэх

“TLG13” ТББ,  “М Си Эс Кока Кола”  компанитай хамтран  зохион байгуулдаг Спрайт хөгжлийн лигийн 2011-2012 оны улирлын аваргын цомыг  Ц.Чинбат эзэнтэй, Ү.Давхарбаяр дасгалжуулагчтай, М.Дорждагва ахлагчтай “Танан Импекс” баг хүртлээ. Аваргын төлөөх цуврал тоглолтонд “Танан Импекс”-ийн залуус 2:0 харьцаатайгаар өнгөрсөн жилийн аварга “ДХИС-ийн CRM Шонхорууд”  багийг илт давуу буулган авсан.  Цувралын эхний тоглолтонд 84:65 харьцаатайгаар хожсон бол хоёрдахь тоглолтонд 80:90 харьцаатайгаар ялалт байгуулж Спрайт хөгжлийн лигийн аваргын цомыг анх удаагаа  гардлаа. Цувралын сүүлийн тоглолтонд  “Танан Импекс” багаас  Ц.Отгонсүх 18 оноо, О.Ууганбаяр  оноо, М.Дорждагва 14 оноо авч шилдэг тоглолт үзүүллээ. Харин аварга “ДХИС-ийн CRM Шонхорууд”  багаас н.Бат-Эрдэнэ 23 оноо, Б.Баянбат 17 оноо авч багаасаа шилдэг тоглолт үзүүлсэн ч баг хожигдож  аваргын цомоо хамгаалж чадсангүй.  Аваргын цомыг 5 сая төгрөг, алтан медаль, өргөмжлөл,  аваргын малгай, аваргын подволк, аваргын аяга, аваргын түлхүүрийн оосор дагалдсан. Мөн Спрайт лигээ төлөөлөн Европ дахь Монголчуудын сагсан бөмбөгийн аварга шалгаруулах сагсан бөмбөгийн тэмцээнд оролцох эрхтэй болсон юм.  Харин  “ДХИС-ийн CRM Шонхорууд” баг дэд аварга болсноороо  Спрайт лигийн дэд аваргын подволк, мөнгөн медаль, өргөмжлөл,  малгай, 3 сая төгрөгийн эзэн болсон байна.

Спрайт хөгжлийн лигийн хүрэл медалийн төлөө “Эрдэнэдрийлинг RIGS” болон “УБЦТС ХК” багуудын хооронд ширүүхэн тоглолт эцсийн мөчид  87:85 харьцаатайгаар  “Эрдэнэдрийлинг RIGS”  баг хожиж,  хүрэл медалийн болзлыг хангасан.  Спрайт хөгжлийн лигийн гуравдугаар байрын эзэн “Эрдэнэдрийлинг RIGS”   багийн залуус   2 сая төгрөг, өргөмжлөл, хүрэл медаль, гарын бэлгийг хүртсэн.

Энэ жилийн Спрайт хөгжлийн лигийн хамгийн үнэ цэнэтэй тоглогчоор аваргын цомыг хүртэхэд багийнхаа түлхүүр тоглогч байсан “Танан Импекс” багийн О.Ууганбаяр тодорч өргөмжлөл, 100000 төгрөгийн эзэн болсон байна. Ийнхүү таван сарын турш үргэлжилсэн Спрайт лиг амжилттай болж өндөрлөлөө.

Хуваалцах/Тэмдэглэх

Ламаркус Олдриж (Портлэнд), Кармело Энтони, Тайсон Чандлер (НьюЙорк), Чонси Биллапс, Блейк Гриффин, Крис Пол (Клипперс), Крис Бош, Дуэйн Уэйд, Леброн Жеймс (Майами), Коби Брайант (Лейкерс), Кевин Дюрант, Рассель Уэстбрук (Оклахома), Руди Гей (Мемфис), Эрик Гордон (Нью-Орлеанс), Дуайт Ховард (Орландо), Андре Игуодала (Филадельфи), Кевин Лав (Миннесота), Ламар Одом (Даллас), Деррик Рөүз (Чикаго), Дерон Уильямс (Нью-Жерси). Бээжингийн олимпод түрүүлсэн багаас найман тоглогч (К.Энтони, К.Бош, Д.Ховард, К.Пол, Д.Уэйд, Л.Жеймс, К.Брайант, Д.Уильямс) энэ удаагийн бүрэлдэхүүнд багтжээ.

Эдгээр 20 тоглогчоос сүүлийн шатанд 12-ыг сонгон авч, олимпод оролцуулах юм. Бөөн од дундаас наймыг нь хасна гэдэг дасгалжуулагчийн хувьд амаргүй байх нь тодорхой. Одоогоор Лондоны олимпийн сагсан бөмбөгийн тэмцээнд талбайн эзэн Их Британи болон АНУ, Аргентин, Бразил, Испани, Франц, Австрали, Тунис, Хятадын шигшээ баг оролцох эрхээ аваад байна.

Сонирхуулахад, сагсан бөмбөгийн тэмцээн 17 олимпийн хөтөлбөрт багтахад америкчууд 13-т нь түрүүлжээ. Тэд анх 1972 онд ЗХУ-ын шигшээд алтан медалиа алдсан бол, үүнээс хойш 1980 (тэр олимпод америкчууд ороогүй), 1988, 2004 онд түрүүлж чадаагүй юм.

Г.БАЯРСАЙХАН

Хуваалцах/Тэмдэглэх

Монголын сагсан бөмбөгийн холбоо , Дэлхийд тэргүүлэгч “ЖИ ЭН БЕВЕРИЖИС” ХХК-тай хамтран зохион байгуулах гэж байгаа PEPSI COLLEGE LEAGUE-н техникийн зөвлөгөөн боллоо.  Монголын Их, Дээд сургуулиудын консорциум,  Монголын оюутны холбоотой хамтран оюутнуудын чөлөөт цагыг зөв боловсон өнгөрүүлэх, сагсан бөмбөгөөр хичээлэлдэг залуусын  ур чадварыг ахиулах цаашлаад оюутны шигшээ багийг бүрдүүлэн  Ази, тив дэлхийн тэмцээнд оролцуулах зорилготойгоор энэ жилээс эхлэн муламжлал болгон зохион явуулах гэж байна.

Багууд хоёр хэсэгт хуваагдан  тойргийн журмаар өрсөлдөн цаашлаад Плей-Оффын шатанд шалгаран өрсөлдөх юм. Энэ удаагийн лигийн тэмцээнд эрэгтэй 15, эмэгтэй 12 сургуулийн багууд өрсөлдөхөөр албан ёсоор мэдүүлгээ өглөө.

Багуудын хэсгүүдэд хувиарлагдсан байдлыг танилцуулж байна.

С.Дуламсүрэн

Хуваалцах/Тэмдэглэх