Амны цангааг тайлж сэнгэнэсэн цэвэр амтаараа хэрэглэгчдийн сэтгэлд хүрсэн бүтээгдэхүүн бол яахын аргагүй Спрайт ундаа билээ. Спрайт ундааны Эрч хүчний тэсрэлт өгдөг жинхэнэ цэвэр амтнаас нь гадна хүүхэд, залуус сагсан бөмбөгтэй салшгүй холбож үздэг. Үүний учир нь “М-Си-Эс Кока Кола” компани “TLG13”ТББ-тай хамтран жил бүр уламжлал болгон зохион байгуулдаг Сагсан бөмбөгийн СПРАЙТ ХӨГЖЛИЙН ЛИГ болон СПРАЙТ СУПЕР ЛИГИЙН тэмцээн юм.

Спрайт хөгжлийн лигийн тэмцээн 2011 оны 10-р сараас 2012 оны 1-сарын хооронд явагдсан бөгөөд нийт 48 баг тамирчид оролцож “Танан Импекс” баг аваргаар тодорсон бөгөөд Аваргын цом алтан медаль 5 сая төгрөгөөр шагнуулсан бөгөөд Европ дахь Монголчуудын хооронд зохион байгуулагдах сагсан бөмбөгийн аварга шалгаруулах тэмцээнд урилгаар оролцох эрхээр шагнуулсан юм.

Спрайт брэндээр овоглосон Сагсан бөмбөгийн “СПРАЙТ СУПЕР ЛИГИЙН”-ийн тэмцээний нээлтийн арга хэмжээ6 дахь жилдээ 2012 оны 2-p сарын 4-ний өдөр Буянт-Ухаа дахь спортын цогцолборт болно.

Тэмцээнд Эрэгтэй 15 баг Эмэгтэй 6 баг нийт 21 баг тамирчид  оролцохоор мэдүүлгээ өгөөд байна. Энэхүү тэмцээн нь ажилчин залуусын дунд эрүүл, идэвхтэй амьдралын хэв маягийг хэвшүүлэх зорилготой  бөгөөд тэдний бие бялдарын хөгжил чөлөөт цаг заваа зөв боловсон өнгөрүүлэхэд үнэтэй хувь нэмэр оруулсаар ирсэн билээ. 2011 онд тус тэмцээний аваргаар тодорсон ИНЕГ Буянт-Ухаа баг аваргын Алтан медаль арван сая төгрөг бусад үнэ бүхий зүйлсээр шагнуулсан ба тус лигийн шилдэг тамирчид нь Америкийн Нэгдсэн Улсын Колорадо мужийн Монголчуудын холбооноос зохион байгуулсан сагсан бөмбөгийн тэмцээнд оролцон нөхөрсөг тоглолт хийгээд ирсэн билээ. Энэ жил ч мөн Спрайт супер лигийн аварга багийг Аваргын алтан медаль арван сая төгрөгөөр байлж, шилдэг тамирчид Иллиноис мужийн Чикаго хотод аялан тоглолтоор явах эрхээр шагнуулах юм.

Сагсан бөмбөгт хайртай мянган мянган залуус та бүхнийг сагсан бөмбөгийн лигийн нээлтийн  шоу арга хэмжээг жинхэнэ утгаар нь үзэж хайртай баг тамирчидаа дэмжихийг уриалж байна.

Хуваалцах/Тэмдэглэх

“TLG13” ТББ,  “М Си Эс Кока Кола”  компанитай хамтран  зохион байгуулдаг Спрайт хөгжлийн лигийн 2011-2012 оны улирлын аваргын цомыг  Ц.Чинбат эзэнтэй, Ү.Давхарбаяр дасгалжуулагчтай, М.Дорждагва ахлагчтай “Танан Импекс” баг хүртлээ. Аваргын төлөөх цуврал тоглолтонд “Танан Импекс”-ийн залуус 2:0 харьцаатайгаар өнгөрсөн жилийн аварга “ДХИС-ийн CRM Шонхорууд”  багийг илт давуу буулган авсан.  Цувралын эхний тоглолтонд 84:65 харьцаатайгаар хожсон бол хоёрдахь тоглолтонд 80:90 харьцаатайгаар ялалт байгуулж Спрайт хөгжлийн лигийн аваргын цомыг анх удаагаа  гардлаа. Цувралын сүүлийн тоглолтонд  “Танан Импекс” багаас  Ц.Отгонсүх 18 оноо, О.Ууганбаяр  оноо, М.Дорждагва 14 оноо авч шилдэг тоглолт үзүүллээ. Харин аварга “ДХИС-ийн CRM Шонхорууд”  багаас н.Бат-Эрдэнэ 23 оноо, Б.Баянбат 17 оноо авч багаасаа шилдэг тоглолт үзүүлсэн ч баг хожигдож  аваргын цомоо хамгаалж чадсангүй.  Аваргын цомыг 5 сая төгрөг, алтан медаль, өргөмжлөл,  аваргын малгай, аваргын подволк, аваргын аяга, аваргын түлхүүрийн оосор дагалдсан. Мөн Спрайт лигээ төлөөлөн Европ дахь Монголчуудын сагсан бөмбөгийн аварга шалгаруулах сагсан бөмбөгийн тэмцээнд оролцох эрхтэй болсон юм.  Харин  “ДХИС-ийн CRM Шонхорууд” баг дэд аварга болсноороо  Спрайт лигийн дэд аваргын подволк, мөнгөн медаль, өргөмжлөл,  малгай, 3 сая төгрөгийн эзэн болсон байна.

Спрайт хөгжлийн лигийн хүрэл медалийн төлөө “Эрдэнэдрийлинг RIGS” болон “УБЦТС ХК” багуудын хооронд ширүүхэн тоглолт эцсийн мөчид  87:85 харьцаатайгаар  “Эрдэнэдрийлинг RIGS”  баг хожиж,  хүрэл медалийн болзлыг хангасан.  Спрайт хөгжлийн лигийн гуравдугаар байрын эзэн “Эрдэнэдрийлинг RIGS”   багийн залуус   2 сая төгрөг, өргөмжлөл, хүрэл медаль, гарын бэлгийг хүртсэн.

Энэ жилийн Спрайт хөгжлийн лигийн хамгийн үнэ цэнэтэй тоглогчоор аваргын цомыг хүртэхэд багийнхаа түлхүүр тоглогч байсан “Танан Импекс” багийн О.Ууганбаяр тодорч өргөмжлөл, 100000 төгрөгийн эзэн болсон байна. Ийнхүү таван сарын турш үргэлжилсэн Спрайт лиг амжилттай болж өндөрлөлөө.

Хуваалцах/Тэмдэглэх

Спрайт хөгжлийн лигийн 2011-2012 оны  аваргын төлөөх цувралын  эхний тоглолт өчигдөр олон улсын стандартад нийцсэн Буянт Ухаа спорт цогцолборт боллоо.  Хүчирхэг бүрэлдэхүүнтэй  “Танан Импекс”  баг цувралын эхний тоглолтонд өнгөрсөн жилийн аварга “ДХИС-ийн CRM Шонхорууд” багийн 23 дараалсан хожлыг  зогсоож, 84:65 харьцаатайгаар илүүрхсэн байна. Тоглолтын эхний үе  эн тэнцүү өрнөж  улмаар 15:15 харьцаатайгаар өндөрлөсөн бол  хоёрдугаар үеэс эхлэн   “Танан Импекс”   багийн ээлж дараалсан довтолгоо амжилттай болж байлаа. Энэ үед О.Ууганбаяр багаасаа  шилдэг тоглолтыг үзүүлсэн. Тэрээр хоёрдугаар үед 12 оноо авч тоог холдуулж, тоглолтыг  өөрийн багийн талд эргүүлсэн гэж хэлж болно. Нөгөөтэйгүүр  “ДХИС-ийн CRM Шонхорууд”  багийн хоёрдугаар гарааны тав хангалтгүй тоглолтыг үзүүлж байсан. Улмаар тоглолтын хоёрдугаар үе  41:27 харьцаатайгаар  “Танан Импекс” багийн тэргүүллээр өндөрлөсөн.   Үлдсэн үеүдэд ч гэсэн  “Танан Импекс”  баг   тоглолтын санаачлагыг гартаа аван, багийн тоглолтыг үзүүлж, 84:65 харьцаатайгаар ялалт байгуулсан юм. Ийнхүү цувралыг 1:0 харьцаатайгаар  “Танан Импекс”   багийн залуус тэргүүлж эхэлсэн.  Тус тоглолтонд  “Танан Импекс”   багаас О.Ууганбаяр 27 оноо, А.Сумъяа 12 оноо авч шилдэг тоглолт үзүүлсэн бол “ДХИС-ийн CRM Шонхорууд” багаас С.Батбаяр 14 оноо, Б.Баянбат 9 оноо авсан ч  баг хожигдол хүлээлээ.

 Өнөөдөр цувралын хариу  тоглолт Буянт Ухаа спортын цогцолборт  19.30 цагаас болно. “ДХИС-ийн CRM Шонхорууд” баг цувралыг тэнцүүлж 1:1 болгож чадах болов уу?  “Танан импекс” баг шинэ аварга болох уу? зэрэг асуултын хариуг Буянт Ухаа спорт цогцолборт очиж үзээрэй.

Аваргын тоглолтын өмнө энэ улирлын хүрэл медалийн төлөө “УБЦТС ХК” болон “Эрдэнэдрийлинг RIGS” багууд өрсөлдөх юм. Хожсон нь хүрэл медаль хүртэх учир маш сонирхолтой тоглолт болно.  Энэ тоглолт ч гэсэн таныг уйдаахгүй байх аа. Ингээд Спрайт лигийн үнэнч хөгжөөн дэмжигч та бүхнийг хүрэлцэн ирж сонирхолтой тоглолтуудыг үзэхийг урьж байна.

Хуваалцах/Тэмдэглэх

Тус багийн хувьд Спрайт хөгжлийн лигийн дараа буюу 2 сарын 3-нд эхлэх Спрайт супер лигт  дэвшин оролцохдоо  багийн бүрэлдэхүүндээ дахин  хүч сэлбэн  Монголын үндэсний шигшээ багийн тамирчид болох Г.Ихбаяр болон Мөнхболд нарыг  авч байгаа бөгөөд  “Танан Импекс” багийг Спрайт лигийн хүчирхэг багуудын нэг болгоод байна.  Ийнхүү Спрайт лигийн тоглолтуудыг өрсөлдөөнтэй, үзүүштэй болгож байгаа Танан Импекс баг энэ жил шинэ аварга болж чадах болов уу?  Энэ бүхнийг  олон улсын стандартанд нийцсэн  заал болох Буянт Ухаа спортын цогцолборт 2012 оны 1 сарын 18-нд 18 цагаас, 19-нд 19.30 цагт ирж сонирхоорой. Цувралд эхэлж хоёр хожсон баг нь аваргын цом, алтан медаль, 5 сая төгрөг хүртэх бөгөөд Европ дахь Монголчуудын сагсан бөмбөгийн тэмцээнд Спрайт лигээ төлөөлөх оролцох эрхтэй болно.  Энэ жилийн Спрайт хөгжлийн лигт нийт 48 баг оролцсоноос гуравдугаар байр буюу хүрэл медалийн төлөө  “Эрдэнэдрийлинг RIGS”, “УБЦТС ХК” багууд  19-ны 18.00 цагт  тоглоно. Тус хоёр багийн хувьд Спрайт лигийн шилдэг багууд бөгөөд хожсон баг нь хүрэл медаль хүртэх юм.

Дашрамд “TLG13” ТББ нь Монгол улсын ерөнхий сайд С.Батболдын санаачилсан “Мөрөөдлийн баг” төслийн хэрэгжүүлэгчээр ажиллаж байгаа билээ. Тус төслийн нэгдүгээр шат амжилттай өндөрлөж II шат эхэлж байгаа юм. Нийт 264 мянган сурагчдын дунд зохион байгуулагдаж байгаа тус тэмцээн 3 насны ангиллаар IV үе шаттайгаар зохион байгуулагдаж байгаа.  Тэмцээний 8-11 насны аварга багийг АНУ-д, 12-15 насны аварга багийг Сахагийн хүүхдийн наадамд, 15-18 насны аварга багийг  ОХУ-ын Олимпийн аварга Сергей Беловын нэрэмжит “КЭС Баскетбол”  тэмцээнд оролцуулах юм байна.

Хуваалцах/Тэмдэглэх

“TLG13”  ТББ, “М Си Эс Кока Кола” компани хамтран зохион байгуулдаг Спрайт хөгжлийн лигийн 2011-2012 оны улирлын аваргын төлөө тоглох багууд тодорлоо. Энэ жилийн аваргын цомын төлөө  өнгөрсөн жилийн аварга “ДХИС-ийн CRM Шонхорууд” баг аваргын цомоо хамгаалан тоглох бөгөөд өрсөлдөгч баг нь “Хасын Хүлгүүд” багийн О.Ууганбаярыг багтаа нэгтгэсэн Спрайт лигийн шилдэг багуудын нэг “Танан Импекс” баг юм.

Бүсийн аваргын төлөөх тоглолт өнгөрсөн амралтын өдөр болсон ингээд бүсийн аваргын төлөөх тоглолтуудыг тоймыг хүргэе. Баруун бүсийн аваргын төлөө “ДХИС-ийн CRM Шонхорууд” баг “УБЦТС ХК” багтай тоглосон. Өмнөх тоглолтондоо хожигдол хүлээсэн “УБЦТС ХК” багийн тоглогчид тоглолтын эхнээс л  идэвхтэй, илүү тоглолт үзүүлсэн ч   тоглолтын төгсгөлийн маш муу тавьсан. Нэг л тоглолт болж өгөхгүй байсан  “ДХИС-ийн CRM Шонхорууд”-ын тоглолт 3-р үеийн сүүлээр  сэргэж,  улмаар цаг дуусахад   73:64 харьцаатайгаар хожсоноор цувралыг 2:0 болгож энэ жил аваргын цомыг хамгаалан тоглохоор боллоо.

Харин зүүн бүсийн аваргын төлөө “Танан Импекс” баг “Эрдэнэдрийлинг RIGS” багтай цуврал хоёрдахь тоглолтоо 2012 оны 1 сарын 7-ны өдөр хийлээ. Өмнөх тоглолтондоо хожигдол хүлээсэн “Эрдэнэдрийлинг RIGS” баг тоглолтын эхнээс идэвхтэй, сайн  тоглолт үзүүлж, улмаар 80:67 харьцаатайгаар хүчирхэг Танан Импекс багийг хожин  цувралыг 1:1 болгосон. Нэмэлт тоглолт 8-ны өдөр болж энэ тэнцүү өрсөлдөөний дүнд 82:67 харьцаатайгаар “Танан Импекс” баг ялалт байгуулж анх удаа Спрайт хөгжлийн лигийн аваргын төлөө тоглох эрхтэй болсон.

Спрайт хөгжлийн аварга баг Европ дахь Монголчуудын сагсан бөмбөгийн тэмцээнд Спрайт лигийг төлөөлөн оролцох бөгөөд аваргын төлөөх эхний тоглолт 2012 оны 1 сарын 14-ны өдөр болно. Эхэлж хоёр хожил авсан нь аварга болох юм.

Спрайт хөгжлийн лигийн хүрэл медалийн төлөө “Эрдэнэдрийлинг RIGS”, “УБЦТС ХК” багууд шалгарсан. Дивизоны аваргын төлөө өрсөлдөгч багуудаа илт давуугаар  хожиж гарч ирсэн тус хоёр баг бүсийн аваргын төлөөх тоглолтонд хожигдсоноор  хүрэл медалийн төлөө тоглохоор болж байна. Хүрэл медалийн төлөөх тоглолт мөн 2012 оны 1 сарын 14-ны өдөр болно.

Хуваалцах/Тэмдэглэх

Энэ жилийн хөгжлийн лигийн  2011 оны аваргын төлөө шилдэг дөрвөн баг өрсөлдөж байгаа бөгөөд бүсийн аваргын төлөө хариу тоглолт маргааш  буюу 2012 оны 1 сарын 7-нд болно. Буянт Ухаа спортын шинэ цогцолборт  18.00 цагаас өнгөрсөн жилийн хөгжлийн лигийн аварга  “ДХИС-ийн  CRM Шонхорууд” баг “УБЦТС ХК” багтай тоглох бол түүний дараа “Танан импекс” баг “Эрдэнэдрийлинг RIGS” багтай тоглоно. Өмнөх тоглолтондоо хожигдсон  “УБЦТС ХК”, “Эрдэнэдрийлинг RIGS” багууд цувралын харьцааг тэнцүүлэх эсэхийг ирж сонирхоорой. Цувралын харьцаа тэнцвэл нэмэлт тоглолт гарвал 1 сарын 8-ны 13 цагт Буянт Ухаа спорт цогцолборт болох юм байна.  Түүнчлэн энэ жилийн  хөгжлийн лигийн аварга болсон баг Европ дахь Монголчуудын сагсан бөмбөгийн тэмцээнд лигээ төлөөлөн оролцох бөгөөд энэ нь Спрайт лигийнхээ залуусыг хилийн чанадад туршлага солилцуулах, ур чадварыг нэмэгдүүлж буй томоохон ажил юм. Дашрамд дуулгахад Монголын үндэсний шигшээ багийн тамирчин,  “Хасын Хүлгүүд” багийн О.Ууганбаярыг багтаа нэгтгэсэн “Танан Импекс” баг дахин Монголын үндэсний шигшээ багийн тамирчин, “Баянзүрх Буллз” багийн Г.Ихбаярыг багтаа авсан байна.

Спрайт супер лиг энэ сарын 29-нд эхэлнэ

“TLG13” ТББ болон “М Си Эс Кока Кола”  компани хамтран зохион байгуулдаг Спрайт супер лигийн шинэ улирал энэ сарын 29-нд эхлэх гэж байна. Монголын хамгийн өндөр шагналын сантай тус  сагсан бөмбөгийн  тэмцээн 5 сард аваргаа тодруулах юм.  Энэ жилийн Спрайт супер лигийн онцлог нь хот дамжсан лигийн системийг бий болгож байгаа бөгөөд Дархан Уул, Дорноговь аймгуудад тойргийн тоглолтуудаас  явагдах ажээ. Спрайт супер лигийн хошой аварга ИНЕГ-ын “Буянт Ухаа”, 2010 оны  аварга “Хасу мегаватт”, 2009 оны аварга “Energy Resources”, Спрайт хөгжлийн лигийн 2010 оны аварга “ОТИС”, “Хөвсгөл нэг үе”, “Орчлон Мон Торх”  зэрэг шилдэг  багууд  дээр одоо тун удахгүй аваргаа тодруулах гэж буй Спрайт хөгжлийн лигийн “Танан Импекс”, “I chuk”, “Panasonic”, “Эрдэнэдрийлинг RIGS”, “УБЦТС ХК”, “МТ групп”, “ДХИС-ийн  CRM Шонхорууд”, “Мон тед констракшн”, “Lodestar”  зэрэг есөн баг, мөн  Дарханы баг нэмэгдэж  нийт шилдэг 16 багийн дунд лигийн  ширүүн, өрсөлдөөнтэй тоглолтууд өрнөх нь ээ. Эдгээр 16 баг Спрайт супер лигийн аварга цолын төлөө өрсөлдөх бөгөөд аварга болсон баг АНУ-д жил бүр зохион байгуулагддаг  Америк дахь бүх Монголчуудын сагсан бөмбөгийн тэмцээнд лигээ төлөөлөх  оролцох юм.  Мөн Спрайт супер лиг нь Монголын сагсан бөмбөгт мартагдаад байсан эмэгтэй сагсан бөмбөгийг лигтээ багтаасан нь бас нэг онцлогтой  билээ.  Эмэгтэй Спрайт  супер лигийн аваргын төлөө энэ жил найман баг өрсөлдөх юм байна.  

Энэ жилийн хөгжлийн лигийн  2011 оны аваргын төлөө шилдэг дөрвөн баг өрсөлдөж байгаа бөгөөд бүсийн аваргын төлөө хариу тоглолт маргааш  буюу 2012 оны 1 сарын 7-нд болно. Буянт Ухаа спортын шинэ цогцолборт  18.00 цагаас өнгөрсөн жилийн хөгжлийн лигийн аварга  “ДХИС-ийн  CRM Шонхорууд” баг “УБЦТС ХК” багтай тоглох бол түүний дараа “Танан импекс” баг “Эрдэнэдрийлинг RIGS” багтай тоглоно. Өмнөх тоглолтондоо хожигдсон  “УБЦТС ХК”, “Эрдэнэдрийлинг RIGS” багууд цувралын харьцааг тэнцүүлэх эсэхийг ирж сонирхоорой. Цувралын харьцаа тэнцвэл нэмэлт тоглолт гарвал 1 сарын 8-ны 13 цагт Буянт Ухаа спорт цогцолборт болох юм байна.  Түүнчлэн энэ жилийн  хөгжлийн лигийн аварга болсон баг Европ дахь Монголчуудын сагсан бөмбөгийн тэмцээнд лигээ төлөөлөн оролцох бөгөөд энэ нь Спрайт лигийнхээ залуусыг хилийн чанадад туршлага солилцуулах, ур чадварыг нэмэгдүүлж буй томоохон ажил юм. Дашрамд дуулгахад Монголын үндэсний шигшээ багийн тамирчин,  “Хасын Хүлгүүд” багийн О.Ууганбаярыг багтаа нэгтгэсэн “Танан Импекс” баг дахин Монголын үндэсний шигшээ багийн тамирчин, “Баянзүрх Буллз” багийн Г.Ихбаярыг багтаа авсан байна.

Хуваалцах/Тэмдэглэх

Бямба гаригт   болсон дивизоны аваргын цуврал хоёр дахь тоглолтонд “ДХИС-ийн CRM Шонхорууд”  баг  “Мон тед констракшн” багийг  76:59 харьцаатайгаар хожсон.  Харин шүүгчдийн зөвлөлийн шийдвэрээр  тус бүр хоёр тоглогчоо тухайн тоглолтонд оруулаагүй “МТ групп”, “УБЦТС ХК” багуудын тоглолт энэ тэнцүү өрнөж сүүлийн мөчид “МТ групп” баг довтолгоогоо  амжилтгүй болгосноор  82:85 харьцаатайгаар “УБЦТС ХК” баг хожсон юм. Дараагийн тоглолт Танан импекс болон I Chuk багуудын хооронд болж Танан импекс баг өрсөлдөгчөө 75:70 харьцаатайгаар хожсон бол  Эрдэнэдрийлинг RIGS баг Panasonic багийг 82:65 харьцаатайгаар хожсоноор дивизоны  аваргуудын нэгээр шалгарлаа.

Спрайт хөгжлийн лигийн баруун, зүүн бүсийн аваргын төлөөх цувралын эхний  тоглолт өнгөрсөн ням гаригт баруун бүсийн  “ДХИС-ийн CRM Шонхорууд”, “УБЦТС ХК” багуудын тоглолтоор эхэлсэн бөгөөд “ДХИС-ийн CRM Шонхорууд” баг өрсөлдөгчөө 97:73 харьцаатайгаар илт давуу буулган авсан байна. Тус тоглолтонд   “ДХИС-ийн CRM Шонхорууд” багаас С.Батбаяр 25 оноо, н.Бат-Эрдэнэ 12 оноо авч багаа хожилд хүргэлээ.  Түүний дараа  зүүн бүсийн “Танан импекс” болон “Эрдэнэдрийлинг RIGS”  багуудын тоглолт болсон.

Зүүн бүсийн дивизоны аваргуудын тоглолт хурдан довтолгоо, нягт нямбай хамгаалалттай болж Танан Импекс баг өрсөлдөгчөө 85:66 харьцаатайгаар ялалт байгуулснаар цувралыг 1:0 болгож байна. “Хасын Хүлгүүд” багийн шилдэг тоглогч О.Ууганбаярыг багтаа нэгтгэж чадсан Танан импекс баг Спрайт хөгжлийн лигт нэг ч хожигдолгүй цувралаа үргэлжлүүлсээр л. Тус тоглолтонд хамгийн их оноог  О.Ууганбаяр 16 оноо, Г.Алтангэрэл 14 оноо  авсан бол бусад тоглогчид жигд тоглолт үзүүллээ. Бүсийн аваргын хариу тоглолт 2012 оны 1 сарын 7,8-нд болно. Дашрамд дуулгахад Спрайт супер лиг  2012 оны 1 сарын 29-нд эхлэх бөгөөд Спрайт супер лигийн шилдэг найман баг, энэ жилийн хөгжлийн лигээс мөн найман  баг тус лигт өрсөлдөх юм.

Хуваалцах/Тэмдэглэх

TLG 13” төрийн бус байгууллагын тэргүүн Сүхбаатарын Тулгатай манай сурвалжлагч уулзаж ярилцжээ.

-Улиран одож буй 2011 онд танай байгууллагаас ямар ямар арга хэмжээ зохион байгуулав?

-Зохиогдоод таван жилийн нүүр үзэж буй “Спрайт лиг”-ээ уламжлал ёсоор явуулж байна. “TLG 13” төрийн бус байгууллага, “MCS Coca- Cola” компанитай хамтран зохион байгуулдаг Хөгжлийн лигт 48, Супер лигт 16 баг тоглож байна. Манай байгууллага энэ жил л гэхэд 20 гаруй үйл ажиллагаа зохион байгууллаа. Тухайлбал, хэдхэн хоногийн өмнө анх удаа сагсчдын шинэ жилийг тэмдэглэж, үе үеийн шилдэг баг, тамирчид, дасгалжуулагчдыг тодрууллаа. Тэрчлэн “Холбоодын цом 2011” тэм цээнийг “Жаажаа” нэрээрээ алдаршсан шүүгч Х.Энхсайхан нэрэм жит болгон зохион байгуулсан. Гадаад арга хэмжээний тухай гэвэл “Спрайт лиг”-ийн шилдэг тамирчдаас бүрдсэн шигшээ багийг АНУын Колорадо мужийн Денвер хотноо болсон Америкийн монголчуудын тэмцээнд оролцсон. Мөн энэ жилийн Хөгжлийн лигт түрүүлсэн баг Европ явах эрхтэй болох юм.

-Хөгжлийн лигээс хэдэн баг нь Супер лигт дэвшдэг журамтай юм бэ?

-Одоо мөрдөж буй журмаар бол Хөгжлийн лигийн эхний найман баг дээшээ дэвшиж, нийт 16 баг Супер лигт тоглодог. Энэ жилийн хувьд Супер лигт ДарханУул аймаг эрэгтэй багаа оролцуулах нь тодорхой болсон. Мөн Орхон аймгаас баг оролцож магадгүй. Нэг зүйлийг нэмж хэлэхэд арав гаруй жил хаягдчихаад байгаа эмэгтэй сагсан бөмбөгийг сэргээх, хөг жүүлэх талаар бид тодорхой ажил хийж байна. Эмэгтэйчүүдийн лигт Дорноговь аймаг тэргүүтэй найман баг оролцоно. Анх 6-7-хон багтай эхэлж байсан “Спрайт лиг” өнөөдөр 70 шахам багийг хамарч чадсан. Байшингаар бол маш том байрны суурийг нь бид амжилттай тавилаа. Өөрөөр хэлбэл сагсан бөмбөг хөгжихөөс өөр аргагүй замдаа орсон.

-“Спрайт хөгжлийн лиг”-т тоглож байсан зарим багууд МСБХноос зохион байгуулж буй “Пепси хөгжлийн лиг” рүү шилжсэн явдал гарсан. Энэ асуудлыг яаж шийдсэн бэ?

-Хөзрөөр ярих юм бол МСБХ-нд тамга нь байна. Тэд цол зэрэг өгдөг, улсын аваргыг зохиодог, тамга тэмдэг нь тэдэнд байна. Энэ давуу талаа ашиглаж, манай 5-6 багийг хүчээр авсан тал бий. Ихэнх нь плейоффт шалгарч чадаагүй тааруухан багууд, ганц нэг дундаж хэмжээний баг явсан. Тэднийг аль нэг лигийг нь сонго гэсэн. Тэгээд ихэнх нь буцаад ирсэн л дээ. Хэн нь олныг хамарсан, чанартай тэмцээн зохиож байгааг цаг хугацаа аяндаа харуулах биз ээ. Ний нуугүй хэлэхэд Дээд лигийн багуудыг ч хождог “Танан Импекс”, “Буянт-Ухаа” зэрэг сайн багууд нь дандаа манайд байна шүү дээ. “Спрайт лиг” хэзээ ч бүдгэрнэ гэж байхгүй. Хамгийн гол нь сагсныхан бид эв нэгдэлтэй байвал сагсан бөмбөгийг үндэсний хэмжээнд хөгж үүлж, цаашлаад олон улсад тавцанд гарах боломж бий.

“Спрайт лиг” гарч ирснээр Монголын сагс хоёр хуваагдлаа гэж яриад байгаа. Зохион байгуулалт, менежмент маркетингийн тал дээр манайх хамаагүй сайн байгааг албан ёсоор хэлмээр байна. Жишээ татахад улсын шигшээ багийн 3-4 тамирчин “Спрайт лиг”-ийг сонгож байна. Хоёр өрөө байр, сая төгрөгийн цалин амлаж байхад хэн ч явна шүү дээ. Муу амтай хүмүүс сагс хөгжихгүй байна гэдэг. Харин ч Монголын сагс хурдацтай хөгжих гольдролдоо орчихлоо. Тарж бутарсан юм огт байхгүй. Өрсөлдөөн гарсны дүнд спорт хөгждөг шүү дээ.

Танай сониноор дамжуулаад Монголын сагсан бөмбөгчдөдөө хэлэхэд бид бүх талаар хамтран ажиллахад бэлэн байна. Хамгийн гол нь МСБХ-ныхонд дүрэм журмаа зөрчсөн асуудал бий. Үүнийгээ шийдчихээд нэг ширээнд суугаад ярил цана гэдэгт найдаж байна. Бидэнд холбоонд шургалах ямар ч хувийн амбиц байхгүй, ийм байдлыг холбооныхон өөрсдөө бий болгосон. Хэл амаараа ойлголцож болох байтал одоог хүртэл хэлэлцээрийн ширээнд суухгүй гээд байгаагийн шалтгааныг нь ойлгохгүй байна. Үнэхээр болохгүй бүтэхгүй бол тусдаа холбоо байгуулаад өрсөлдөхөд бэлэн.

-“TLG 13” байгууллагаас цаашид ямар арга хэмжээ зохион байгуулахаар төлөвлөж байна вэ?

-Монгол Улсын Ерөнхий сайд С.Батболдын нэрэмжит “Мөрөөд лийн баг” тэмцээнийг орон даяар гурван насны ангиллаар зохион байгуулж байна. 264 мянган хүүхэд хамрагдсан тус тэмцээний 8-11 на санд түрүүлсэн баг АНУ руу, 12-15 наснаас шалгарсан нь долдугаар сард Сахагийн хүүхдийн наадамд, 16-18 насанд аваргалсан баг ОХУ-д болох Сергей Беловын нэ рэмжит тэмцээнд оролцоно. Хэрүүл уруул яахав, учраа олж болох зүйл. Хамгийн гол нь ганцхан лиг гэж явцууралгүй Монголын ирээдүй болсон хүүхэд залуусын тэмцээндээ анхаармаар байна. Миний мэдэхээр өсвөрийн улсын аварга сүүлийн хоёр, 16 хүртэлх насныхны УАШТ сүүлийн гурван жил болсонгүй. Энэ тэмцээнүүдээ хийгээч ээ гэж холбооныхонд хэлмээр байна. “TLG 13” багт харъяалалтай 70-80 хүүхэд байдаг. Бид тэмцээн урал даан хийгээд, дэлхийн брэнд “Coca-Cola”-г сурталчлаад ашиг олдог. Энэ мөнгөө эргүүлээд Монголын сагсанд зориулдаг. Өнөөдөр зааланд бэлтгэл хийхэд нэг цагийн мөнгө нь дор хаяж 30 мянган төгрөг. Долоо хоногтоо бид 200-гаад мянган төгрөгөөр заал хөлсөлдөг. Монголын сагсыг шоу бизнестэй холбох тал дээр цаашид хийхээр төлөвлөсөн ажил их байна. Сайн үйлс аяндаа бүтдэг шүү дээ.

Хуваалцах/Тэмдэглэх

9 сарын 24-нд эхэлсэн Спрайт хөгжлийн лиг амжилттай,  өрсөлдөөнтэй, ширүүхэн тоглолтуудаар үргэлжилж байна.Энэ жилийн Спрайт хөгжлийн лигт нийт 48 баг 2 бүс 4 дивизон болон өрсөлдсөн бөгөөд одоогийн байдлаар багууд дивизоны аваргын  төлөө тоглох эрхийн төлөө тоглож байгаа юм. Тухайлбал: Баруун бүсийн “Суруга Монгол” дивизоны  “УБЦТС ХК” баг  “Lodestar багтай,  “МҮДС” баг “МТ групп” багтай, тус бүсийн ДХИС-ийн “CRM Шонхорууд” баг “Мон Алтиус” багтай, “ХХБ” баг “Мон тед констракшн”-ы  багтай тус тус тоглож байна. Хожсон баг нь  дивизоны аваргын төлөө тоглох эрхтэй болох учир тоглолт бүр хариуцлагатай юм.  Харин зүүн бүсийн “Танан импекс” дивизоны  “Танан импекс” баг “Magic ball” багтай, “I chuk” баг  “M Cast” багтай,  тус бүсийн  “Эрдэнэдрийлинг RIGS” дивизоны  “Panasonic” баг “Allience tech” багтай, “Эрдэнэдрийлинг RIGS” баг “Snickers” багтай  тус тус өнгөрсөн амралтын өдрүүдэд эхний тоглолтоо хийлээ. Ширүүхэн, өрсөлдөөнтэй болсон тоглолтуудын дүнг танилцуулахад нэг ч хожигдолгүй тэмцээнээ үргэлжлүүлж байгаа, дээд лигийн “Хасын Хүлгүүд” багийн тоглогч О.Ууганбаярыг эгнээндээ нэгтгэсэн “Танан импекс”  баг “Magic ball” багийг  90:82,   “I chuk” баг “M Cast” багийг   85:77 харьцаатайгаар хожиж цувралыг 1:0 болгож байна. Өнгөрсөн амралтын өдөр болсон бас нэг онцлог тоглолт бол “Эрдэнэдрийлинг RIGS” баг нэг тоглолтонд хамгийн их буюу 147 оноо авсан. Өмнө нь “Танан импекс” багын тогтоосон 128 оноог өнгөрсөн амралтын өдөр   “Эрдэнэдрийлинг RIGS” тус рекордыг дахин эвдлээ.  Тэд Snickers багийг 147:51 харьцаатайгаар илт давуу буулган авсан бол ДХИС-ийн “CRM Шонхорууд” баг  “Мон Алтиус” багийг 110:76 харьцаатайгаар хожсон. Мөн лиг эхлээд ямар ч хожигдолгүй байсан зүүн бүсийн “Эрдэнэдрийлинг RIGS” дивизоныг тэргүүлэгч Panasonic баг анхны хожигдлоо хүлээлээ. Өмнөх шатанд New Arena багийг буулган авсан Allience tech энэ удаад дивизоноо тэргүүлэгч Panasonic багийг 58:59 харьцаатайгаар буулган авч анхны хожигдлыг амсуулсан. Баруун бүсийн шилдэг багууд болох “УБЦТС ХК” болон “Lodestar” багийн тоглолт  95:91 харьцаатайгаар “УБЦТС ХК” , “Мон тед” констракшн  баг  “ХХБ” багийг 76:49 харьцаатайгаар, “Баянзүрх булзс” багаас хөгжлийн лигт орж ирсэн Т.Санчир, Б.Билгүүн тэргүүтэй “МТ групп” баг “МҮДС” багийг 69:64 харьцаатайгаар хожсоноор цувралыг 1:0 болголоо. Хариу тоглолт энэ гурав дахь өдөр СТО-нд болно.

Хуваалцах/Тэмдэглэх

Бусдаас чансаа өндөр байгаа энэ багийг дээд лигт оруулах төвшинд хүртэл яриа гарч байгаа. Харин А хэсгийг тэргүүлэгч хоёр баг болох ҮБТДС, Залуус сан ням гарагт хоорондоо таарч тоглосон. Нэг ч хожигдолгүй хоёр багийн тоглолт чансаа ойрхон гэдгийг батлан харуулж эцсийн мөчид ялагч тодорчээ. Эхнээсээ өгөө аваатай болсон тоглолт 65-62 харьцаатай Уртнасан дасгалжуулагчтай Үндэсний биеийн тамирын дээд сургуулийн баг ялснаар долоон хожил нэг ч хожигдолгүйгээр Пэпси хөгжлийн лигийг тэргүүлж байна. тэд энэ байдлаараа хэсгийн нэгдүгээр байраар плэйоффт шалгарах магадлал өндөр байгаа бол Залуус Сан, Мобиком, Хасын хүлэгүүд багууд эхний дөрвөн байрт бичигдэх боломжтой гэнэ.

Пэпси хөгжлийн лигийг МСБХ-ны мэргэжлийн шүүгчид шүүн явуулж байгаа учраас ямар нэгэн маргаангүй, чанарын өндөр түвшинд зохион байгуулагдаж байгаа талаар оролцож байгаа тамирчид ярьж байсан. Энэ амралтын өдрүүдэд Пэпси хөгжлийн лиг үргэлжлэн явагдана.

Хуваалцах/Тэмдэглэх