Fantasy MVP: Кевин Дюрант SF Thunder

Долоо хоногийн өмнө бол энэ улирлын фантази MVP-г би ЛеБрон Жеймст өгөх байсан. Гэвч ЛеБрон улирлын сүүлийн 4 тоглолтонд тоглосонгүй. Миний тоглосон лигүүдэд Дюрантийг авсан олон баг түрүүлэхийг би харлаа. Лхагва гаригийн тоглолтын өмнө (улирлын сүүлийн тоглолтын өмнө) эдгээр тоглогчдын үзүүлэлт ийм байж.
ЛеБрон: 76 тоглолт, 29.7 оноо, .503 довтолгооны хувь, .767 торгуулийн хувь, 129 оновчтой 3 онооны шидэлт, 7.3 самбар, 8.6 оновчтой дамжуулалт, 1.64 таслалт, 1.01 блок, 3.3 бөмбөг алдалт

Дюрант: 81 тоглолт, 30.1 оноо, .474 довтолгооны хувь, .899 торгуулийн хувь, 124 оновчтой 3 онооны шидэлт, 7.6 самбар, 2.8 оновчтой дамжуулалт, 1.36 таслалт, 1.0 блок, 3.43 бөмбөг алдалт

Үүнээс харвал оноо, 3 оноо, таслалт, блок, бөмбаг алдалт тэнцүү байна. Харин ЛеБроны оновчтой дамжуулалт бараг 6-аар илүү байгаа нь гол ялгаа ч Дюрантийн .899 хувийн торгуулийн шидэлтийг дурдах хэрэгтэй. ЛеБроны довтолгооны хувь өндөр ч Дюрант түүнээс 5-6 тоглолт илүү тоглолоо. Ялангуяа фантазигийн улирлын аваргууд тодордог 4-р сарын дунд үед Леброн огт тоглосонгүй. Тэгэхээр ЛеБроныг авсан менежерүүдээс Дюрантийг авсан менежерүүд тэрхүү мөчид азтай байлаа.

ЛеБроны торгуулийн шидэлт, Дюрантийн оновчтой дамжуулалт гэсэн 2 сул тал байна. Гэхдээ эндээс ЛеБроных багт илүү хор нөлөөтэй. Учир нь ЛеБрон торгуулийн шидэлтийг нэг тоглолтонд 10 шиддэг гэхээр багийнхаа торгуулийн хувийг хангалттай доош нь татна. Дуайттай харьцуулахад гайгүй ч 76 хувь бол фантазид өндөр үзүүлэлт биш. Дюрант оновчтой дамжуулалт муу хийлээ гээд багаа доош нь татахгүй, өөр сайн оновчтой дамжуулалт хийдэг тоглогчид байхад болчихно. Харин ЛеБрон бол торгуулийн хувь дээр багаа доош нь татах “нигууртай”.

ЛеБрон гайхалтай улирлыг үдэж байгаа ч Дюрант улирлын бүх тоглолтонд оролцлоо, фантазигийн хамгийн чухал үед тоглолт өнжсөнгүй.

Тэгэхээр Дюрантийг энэ улирлын фантази MVP гэж нэрлэлэээ.

Гэхдээ дараа улирлын драфтын 1-ээр Дюрантийг ЛеБроноос илүү сайн гээд сонгож ав гэж байгаа хэрэг биш. ЛеБрон хамгийн хэрэгтэй үед буюу фантазигийн плей-офф, аваргын төлөөх тэмцэл ид өрнөж байхад тоглоогүй л болохоос ирэх улиралд ч номер 1 байх биз.

Fantasy “Most Improved Player”: Аарон Брукс PG Rockets

Энэ төрөлд Андрай Блач, Жоаким Ноа, Бено Удрих, Жорж Хилл, Эндрью Богут, Данило Галлинари болон аарон Брукс нарын нэр дэвшлээ. Блач улирлын 2-р хагасыг гайхалтай хийсэн ч миний сонголт Брукс.

Тэрээр 19.6 оноо, 5.3 оновчтой дамжуулалт дундчилж, 3 онооны 209 шидэлтээ оновчтой болгож, 82 хувьтай торгууль шиджээ. Бруксийн фантази лигүүдэд 7-9-р бүсээр л драфталж авсан байх. Ийм хойгуур сонгогдсон ч бүтэн улирлын турш тогтвортой үнэхээр сайн тоглолт үзүүллээ.

Fantasy “Rookie of the Year”: Стифен Карри G Warriors

Улирлын шилдэг шинэ тоглогчийн шагналыг Эванс хүртэх арай илүү боломжтой байж болох юм. Гэхдээ фантази дээр бас арай өөр. Эхлээд үзүүлэлтүүдийг нь харьцуулъя.

Карри: 80 тоглолт, 17.5 оноо, 4.5 самбар, 5.9 дамжуулалт, 1.9 таслалт, .23 блок, 166 оновчтой  3 онооны шидэлт, .462% довтолгоо, .885% торгуулийн шидэлт,  3.0 бөмбөг алдалт

Эванс: 72 тоглолт, 20.1 оноо, 5.3 самбар, 5.8 дамжуулалт, 1.52 таслалт, .4 блок, 36 оновчтой 3 онооны шидэлт, .458% довтолгоо, .748% торгуулийн шидэлт, 3.0 бөмбөг таслалт.

Карри 3 онооны шидэлтээр Эвансаас илт илүү, дээр нь 8 тоглолт болон торгуулийн сайн шидэлтээр Эвансийг ардаа орхиж байна. Мөн Дон Нельсоний дасгалжуулдаг багийн тоглогч гэдгээрээ ч фантазид Эвансаас илүү азтай.

Fantasy “шилдэг чөлөөт агент”: Даррен Коллисон PG Hornets

Шилдэг тоглогчдын гэмтэл бэртэл, эсвэл солилцоо наймаа зэргээс болж үзүүлэлт нь огцом өссөн, тухайн үед аль нэг багт байгаагүй, чөлөөт агентад байсан тоглогчдоос энэ улирлын шилдэг нь Даррен Коллисон болон Андрай Блач нар байв.

Коллисоны хувьд Блачаас арай удаан хугацаанд сайн тоглосон. Өөрөөр хэлбэл 11, 2, 3, 4-р саруудад Коллисон бараг л Крис Пол шиг тоглож байлаа.

Блачийн хувьд 2, 3, 4-р саруудад үнэхээр шилдэг тоглосон, Визардсийн лидер байсан. Коллисоноос дутуугүй л сонголт.

Fantasy “Sixth Man of the Year”: Жамал Кроуфорд G Hawks

Энэ ч нэг их сүртэй фантази шагнал биш. Жамал энэ улиралд олон менежерүүдэд Хоуксийн нөөцийн хувиар тус боллоо. Тэрээр 18 оноо дунджаар авч, 163 удаа 3 онооны оновчтой дамжуулалт хийж, 79 тоглолтонд оролцсон.Фантазигаас гадна бодитоор ч энэ улирлын шилдэг 6 дахь тоглогчоор шалгарах нь тодорхой шахуу.
Fantasy “Sleeper of the Year”: Эндрью Богут C Bucks

Богут энэ улиралд үнэхээр сэрсэн. Түүнийг драфтын 9 юм уу 10-р бүсээр ихэнх лигт сонгосон байх. Гэвч тэр гэмтэх хүртлээ фантази дахь шилдэг төвийн тоглогчдын нэг байлаа. 16 оноо, 10 самбар, 2.5 блок. Өнгөрсөн улиралд бол Богутийг олон хүмүүс дээгүүр драфталж авч байсан ч урам хугалсан бол энэ улиралд хойгуур сонгогдоод супер тоглолоо. Харамсалтай нь гэмтэл бэртлээс болж 69 тоглолтонд л оролцсон.

Fantasy “Bust of the Year”: Хосе Кальдерон PG Raptors

Кальдерон үнэхээр хамгийн том урам хугалагч, флоп. Түүнийг бараг бүх лигт 2-р бүсээр драфталж авсан байх. 68 тоглолт, 10 оноо, 6 оновчтой дамжуулалт. Тэгээд дээр нь багтаа гарааны эрхээ ч алдсан.

Fantasy “Underrated Player of the Year”: Дирк Новицки PF Mavericks

Дирк ер нь эхний бүсийн сүүл хавиар сонгогддог. Гэхдээ түүний статистик нь топ-5 тоглогчийн тоонд багтахуйц. Ялангуяа тоглолт өнжихгүй бол яах аргагүй топ-5-ийн нэг. 25 оноо, 8 самбар, боломжийн 3 онооны оновчтой шидэлт, оновчтой дамжуулалт, блок, таслалт, тэгээд хувиуд.

Fantasy “Pleasant Surprise of the Year”: Бено Удрих PG Kings

Улирлын эхэнд Бено ер нь драфтлагдсан уу? Тэгээд дараа нь Тайрак Эванс шуугиулаад эхлэхэд Беног дурдсан хүн байсан уу? Гэвч Бено чимээгүйхэн дажгүй үзүүлэлтүүд өгөөд л байж. Улирлын дундаас хойш тэр ямар ч лигийн ФА-д байхаа больсон байх. 79 тоглолтонд оролцож, 13 оноо, 5 оновчтой дамжуулалт, 1 таслалт, 1 оновчтой холын шидэлт гээд ямар ч байсан Хосе Кальдероноос л илүү тоглолоо, энэ улиралд.

Мөн Жефф Грин, Данило Галлинари, Чайнинг Фрай нарыг дурдаж болох юм.

Fantasy “Late Riser of the Year”: Терренс Уилльямс G/F Nets

Терренс улирлын сүүлд үнэхээр “өслөө”. Уг нь улирал эхэлж байхад энэ залууг сайн тоглож магадгүй гэсэн таамгууд байсан ч шалиагүй. Харин чимээгүй байж байгаад 3 сараас эхлээд сүүлийн 20 гаруй тоглолтонд тун дажгүй статистик үзүүллээ. Тэрээр 14 оноо, 7 самбар, 5 оновчтой дамжуулалтыг 3-р сард, 16 оноо, 7.5 самбар, 7 оновчтой дамжуулалтыг 4-р сард дундчилжээ.  Ирэх улиралд дээгүүр драфтлагдах биз.

Жон Салмонс мөн уг төрөлд нэр дэвшиж болох юм. Тэрээр Бакс ирээд 20 оноо, 3 самбар, 3 дамжуулалт, таслалт болон холын оновчтой шидэлтүүд байнга хийж байсан.

Fantasy “Coach of the Year”: Mike Woodson, Hawks

Вудсон энэ улиралд гарааны бүрэлдэхүүнээ өөрчлөөгүй, янз бүрийн ротэйшн ч нэг их хийгээгүй, багаа тогтвортойгоор тоглуулсан. Хоуксийн тоглогчид ч гэмтэл бэртлээс хол байж, үзүүлэлтээ хадгалж, бүгдээрээ сайн улирлыг хийлээ.

Fantasy “Point Guard of the Year”: Жейсон Кидд, Mavericks

Кидд ойролцоогоор 10 оноо авч, мөн 9.1 оновчтой дамжуулалт, 5.5 самбараас авалт, 1.84 таслалт, холын зайн 2 оновчтой шидэлт гүйцэтгэж, мөн холбогчийн хувьд харьцангуй бага 2.44 бөмбөг алдалт хийжээ.

Дерон Уилльямс, Стифен Карри, Монта Эллис, Стив Нэш, Чонси Биллапс, Ражон Рондо, Тайрак Эванс болон Дерик Роуз нар сайн улирлыг үдсэн ч Кидд шиг жигд байж чадсангүй.

Fantasy “Shooting Guard of the Year”: Дуэйн Уэйд, Heat

77 тоглолтонд оролцож, 26.4 оноо, 6.5 оновчтой дамжуулалт, 4.8 самбар, бараг 2 таслалт, блок болон 3 онооны оновчтой шидэлт хийж байв. Коби олон тоглолт өнжсөн, Стифен Жексон, Жо Жонсон, Ману Жинобили нарын статистиз Уэйдийн хаана нь ч хүрэхгүй.

Fantasy “Small Forward of the Year”: Кевин Дюрант, Thunder

Дюрант, ЛеБроны  2-ыг өмнө нь харьцуулчихсан. Энэ 2-оос гадна Жош Смит, Жеральд Уоллес нар сайн тоглолоо.

Fantasy “Power Forward of the Year”: Дэвид Ли, Knicks

20-12 дунджисан Дэвид Ли, 20-11 дунджилсан Карлос Бузер нар энэ улиралд лигт фантазигийн хувьд шилдэг хүчний довтлогчид байлаа. Гэхдээ Дэвид Ли үл ялиг илүү статистиктай.

Fantasy “Center of the Year”: Брук Лопес, Nets

Брук Лопесийг Дуайтаас илүү гэж үзлээ. Дуайт олон үзүүлэлтээр доминант боловч торгуулийн шидэлт, бөмбөг алдалт гэсэн 2 категориор багаа шууд “алдаг”.

Хуваалцах/Тэмдэглэх

Эхний долоо хоногийн байдал руу. Эхний долоо хоногт юу болох болоо, хэн яаж тоглох болоо? энэ талаар бяцхан таамгийн дэвшүүлье.

Торгууль

Хэд хэдэн тоглогч торгуулийн улмаас ирэх долоо хоногт тоглохгүй. Тэдний бол багийн үндсэн бүрэлдэхүүнд багтаах тухай бодоод хэрэггүй гэсэн үг л дээ. Эдгээр тоглогчдыг дурдъя.

Брэд Миллер – 5 тоглолт

Та өнгөрсөн баасан гарагийн хяналтын тоглолтоор Спенсер Хэйвесийг (Spencer Hawes) 25 оноо, 16 самбар авч тэсэрснийг харснуу. Гэхдээ блок шот хийгээгүй л дээ. Гэхдээ тэр хэнд хамаатай юм. Тэр улирлын эхний 5 тоглолтонд гараанд гарах нь баталгаатай. Тэрний 3 нь ирэх долоо хоногт байгаа. Түүнийг эхний долоо хоногт ашигла гэж хэлэх байна.

Кармело Энтони – 2 тоглолт

Мело эхний хоёр тоглолтыг өнжинө. Түүний оронд Дантэй Жонс (Dahntay Jones) гараанд гарна. Гэхдээ Жэй,Ар,Смит, Линас Клейза нар илүү үр бүтээлтэй тоглох болов уу. Энэ үеэр Аллен Айверсон мэдээж хамгийн шилдэг нь байна.

Марвин Уйллиамс – Нэг тоглолт

Марвин Уйллиас Хауксын хийх хоёр тоглолтын нэгд нь оролцохгүй. Заза Пачулиа төвийн тоглогчоор, Эл Хорфорд хүчний довтлогчоор, Жош Смит СФ-ээр гарах биз. Морис Эванс болон Флип Мюррэй нарт илүү минут нэмэгдэх нь тодорхой. Энэ хоёр ихэнх лиг дээр сул байгаа болов уу. Бас дажгүй тоглож магадгүй л тоглогчид.

Бусад: Себастиан Телфэйр (3тоглолт), Royal Ivey (3 тоглолт)

Хуваарь

Милуоки Бакс дөрвөн тоглолтыг хийнэ. Ихэнхи багууд 3 тоглолтыг ирэх долоо хоногт хийнэ. Хаукс, Бобкэтс, Маверикс, Пистонс, Пейсерс, Нетс, Спэрс, Жазз, Визардс багууд хоёр тоглох юм.

Эндрью Богут, Ричард Жефферсон, Майкл Редд, Чарли Вилланева, Люк Риднур нарт сайхан боломж. Түүнчлэн Рамон Сешнс, Чарли Белл нар ч гэсэн амжилтнь ахина. Та холын зайн шидэлтээр өрсөлдөөнтэй тоглож байвал нэг муу хүнээ хаяад Рамоныг авбал хэрэгтэй гэсэн үг.

Хоёр тоглолтой баг дээр ч иймэрхүү байдалтай хандаж болно.

Хуваалцах/Тэмдэглэх

Баксын гарааны тав Люк Риднур, Майкл Редд, Ричард Жефферсон, Чарли Вилланева, Эндрю Богут нар байх болов уу. Редд 20-оос дээш оноогоо авдгаараа л авах биз. Вилланевагийн анхны өөрийгөө НБА-д бүтэн таниулах, супер од болох, тэсрэх улирал нь эхэлж байж болох юм. Ямартай ч тэр сайн тоглоно. Гэхдээ Риднур сайн тусалбал шүүдээ. Хамгийн том асуулт нь Ричард Жефферсон, Редд хоёр хэрхэн зохицох вэ гэдэг байна. Энэ хоёр нэг бол Майз Бибби, Жо Жонсон хоёр шиг эвтэй тоглоно. Эсвэл бүр будаа болно. Богут эргэлзээгүй фантазид тохирсон төвийн тоглогч. Дундуур авахад алдах юм байхгүй.

Миннесота Тимбервульвз / Minnesota Timberwolves

Цөөвөр чононууд бүтээн босголтынхоо ажиллагааг үргэлжлүүлсээр байгаа. Гэхдээ багийн эзэн Глен Тэйлор тэд ялахад бэлэн болсон гэнэ. Рэнди Фоэг та нар сонгохгүй бол болохгүй. Багийн хамгийн гол хүн болж ч болно шүү. Бүх довтолгоо түүгээр дамжина. Олон хүн Телфэйрийг энэ жил сайн тоглоно гэж бодож байгаа. Гэхдээ Фоэ эрүүл байвал юун Телфэйр шүү. Майк Миллер одоо цөөвөр чоно болсон. Тэр Рашад МакКантсыг ажилгүй болгож Райан Гомезийг жижиг довтлогч болгосон. Ал Жефферсон өнгөрсөн долоо хоногт өвдөгний мэс засалд орсон. Гэхдээ улирал эхлэхэд зүгээр болчихно гэж байгаа. Өнгөрсөн жил Жефферсон бүх 82 тоглолтонд тоглосон. Энэ жил тэрэн шигээ тоглож чадахгүй л байх. Бас нэг хүнийг анхаарах хэрэгтэй. Кевин Лав хэмээх шинэ төвийн тоглогч энэ жил гараанд гарч тоглох болно. Тэр энэ жилийн рукинүүдээс хамгийн фантази рэйтинг өндөртэй хүн байх болов уу.

Нью Жерси Нетс /New Jersey Nets

Энэ жил ер нь Винс болон түүний нөхдийн яаж дампуурахыг харсаар байгаад таарах байхаадаа. Энэ жил Жэйсон Кидд, РЖ хоёрыг Девин Харрис, Бобби Симмонс нар орлож Винст тус хүргэх болов уу. Ер нь л их тогтворгүй баг байна. Винс гэмтэнэ, Симмонс гэмтэнэ, Жианлан гэж нэг нөхөр байна. И Жианлиан гараанд PF-ээр гарах байх. Харин төвийн тоглогчийн байранд Жош Бүүн, Брук Лопез нар цагаа хувааж гарах байх уу. Девин Харрис энэ улирлын Нетсийн фантазигийн хамгийн хэрэгтэй тоглогч байх болов уу.
Нью Орлеанс Хорнетс/New Orleans Hornets

Девин Браун энэ багийн гол чимээгүй фантази тоглогч байх болов уу. Мо Петерсон байраа алдахад их ойрхон байгаа. Өчигдөр улирлын өмнөх тоглолтон дээр 7 шидэж 1 хийсэн нь ч нөлөөлсөн байх. Жулиан Райтыг мартаж болохгүй.
Нью Йорк Никс/New York Knicks

Дэвид Ли гарааны төвийн тоглогч болохуйц сайн тоглож байгаа. Үүнээс гадна Майк Ди Антонигийн хурдан тоглолтын системд байнга эмнэлэг эргэлддэг Эдди Курри зохицохгүй байгаа нь түүний үнэ цэнийг бүр өсгөж байна. Тэр Зак Рэндолфт их туслах биз. Бас нэг мэдээ нь Дарко, Марко Ярич хоёрыг Рэндольфоор солих магадлал тун өндөр байгаа гэнэ. Куйнтон Ричардсоныг мартаж болохгүй. Тэр түүхэндээ анх удаагаа бүтэн эрүүл байж, улирлын өмнөх тоглолтыг гайхалтай сайн хийж байгаа гэнэ.
Орландо Мэжик /Orlando Magic

Мэжик багийн гарааны тавд Микаэль Пиетрус багтана байх. Гэхдээ түүнээс нээх ихийг хүлээж хэрэггүй. Гарааны тав Пиетрусээс гадна Дуайт Ховард, Рашард Льюс, Хедо Туркоглу, Жамеер Нельсон нар байх болов уу.

Оклахомо Төндер /Oklahoma City Thunder

Эрл Ватсонг л бодоод байна. Энэ жил их сайн тоглох болов уу. Кевин Дюрант, Жефф Грин, Крис Уилкокс нар гараанд гарч төвийн тоглогчоор бараг л Ник Коллисон гарах байх. Гэхдээ эрүүл байвал шүү дээ. Тэр эрүүл байвал Уилкоксоос ч илүү тоглоно.

Филадельфи 76/Philadelphia 76ers

Филли энэ жил гэв гэнэт Дорнодын аварга болохуйц бүрэлдэхүүнтэй боллоо. Игги том шинэ гэрээг байгуулж, Брэнд багт нь ирлээ. Андре Миллер довтолгоондоо илүү анхаарах болж Таддеус Ян энэ жилийн тэсрэлтээ хийхээр бэлдэж байна.  Харин төвийн тоглогчийн асуудал хэцүү байгаа. Самуэль Далемберт эрүүл байвал тун сайн тоглох хэдий ч бэртвэл нөөц тоглогч байхгүй тул хэцүү байх биз. Теог тооцохгүй бол шүү дээ. хэхэ
Финикс Санс /Phoenix Suns

Мэтт Барнес Грант Хиллийг нөөцөд суулгаж гараанд гарах байх. Драгич гэж нэг сайн нөхөр авсан. Тэр энэ жил бас сайн тоглох байх. Гол sleeper гэж нэрлээд байгаа.
Портлэнд Трэйл Блэзерс /Portland Trailblazers
Грег оден бэртэл нь бүр бүтэн эдгээгүй байгаа гэнэ. Гэхдээ улирлын тоглолтуудад тоглоно гэнээ. Руди ч нээх шалихгүй биз. Өөр хэлэх зүйл ч алгадаа энэ багаас.
Сакраменто Кингз / Sacramento Kings

Улирлын эхний таван тоглолтонд Брэд Миллер торгуулийн улмаас тоглохгүй. Рон Артест Пуужин болсон тул Кевин Мартин энэ жилийн багийн лидер эргэлзээгүй болно. Жон Солмонс гараанд гарч Бено Удрихын энэ жил оргил жил нь байх болов уу. Бено гэмтэх магадлал бас их өндөр.

San Antonio Spurs

Жинобили 12 сарын дундуур ирэх тул аваад нээх их хэрэг байхгүй болов уу.

Торонто Рэпторс / Toronto Raptors

Жермэйн О’Нил, Крис Бош нар хамтдаа самбар доор бүгдийг бүтээж, бүхнийг сөнөөнө. Энтони Паркер, Жамарио Мун нар гарааны бүрэлдэхүүнд гарч Калдерон гайхамшгаа бүтээсээр л байх биз. Андреа Барньяни энэ улиралд нэг юм бодож л байгаа.
Юта Жазз /Utah Jazz

Хуучнаараа л Дерон Уйллиамс, Карлос Бузер, Мемет Окур, Андрей Кириленко нарын тухай яриа. Ронни Брюэр гараанд гарах байх. Сүүлийн раундаар сонгоход буруудахгүй. Олон оноо авахгүй ч гэсэн бусад статистикийг үзүүлээд байдаг.
Вашингтон Визардс /Washington Wizards

Аренас гэмтсэн. Түүний сүүлийн жил хагасын 3 дахь гэмтэл нь гэж байгаа. Нэг сарын сүүл гэхэд л тэр 30 минут тоглож чаддаг болох байх. Стивенсон, Даниелс нарын үнэ цэнэ нэлээн өснө.

Эх сурвалж: яахуу.ком , ротовайр.ком, ИСПН.ком

Хуваалцах/Тэмдэглэх

Эхний дугаараараа та бүхэнд өнгөрсөн долоо хоногт эхэлсэн багуудын нэгдсэн бэлтгэлээс хийсэн тэмдэглэлийг хүргэхээр шийдлээ. Өнгөрсөн өдрүүдэд улирлын өмнөх урьдчилсан тоглолтууд ч эхэллээ. Ингээд таны сонгосон хүмүүс, дуртай тоглогчид эрүүл байх болтугай гээд эхлүүлье. Дашрамд энийг төрөл бүрийн эх үүсвэрээс аван бичиж байгаа бодолцох хэрэгтэй болов уу. www.rotowire.com гэх мэт.

Атланта Хаукс / Atlanta Hawks

Марвин Уйллиамсын холын зайн шидэлтүүд ихэд сайжирсан нь анзаарагдаж байна. Дасгалжуулагч Майк Вудсон ч тэр улирлын турш ойролцоогоор 18 оноо авах байх гэж мэдэгдлээ. Түүнийг унтаж буй тоглогч буюу “унтагч” гэж хэлье. Биббигийн тухай ч дурдахгүй байж болохгүй нь. Тэр одоо цоо эрүүл байгаа нь энэ жил карьерын шилдэг улирлынхаа нэгийг үзүүлнэ гэж хэлэхэд буруудах юм алга. Өнгөрсөн жилийн сүүлээр л сайн тоглосон. Тэр тэгэхэд бүтэн эрүүл байгаагүй. Тэхээр энэ жил бас л бужигнуулах биздээ. Морис Эванс нөөц тоглогчдын суудлаас тоглолтонд орох хамгийн эхний хүн байх ба Жош Чилдресс явсан нь бүр энэ хүнд боломж олгож байна. Эвансыг унтагч гээд нэрлэчихэд буруудах юм алга.

Бостон Селтикс / Boston Celtics

Кендрик Перкинсийн мөрний гэмтэл зуун хувь эдгээгүй байгаа гэнэ. Түүнийг энэ улирал бүх тоглолтонд тоглоно гэдэгт эргэлзэж л байна. Патрик О’Брайант түүний нөөц болох ба улирлын турш мэргэжилтнүүдийн анхаарлыг өөртөө татах биз ээ. Тэгэх ч потенциалтай хүн. Дариус Майлс ч эргэн ирснээ зарлах биз. Гэхдээ тэр улирлын эхний 10 тоглолтыг хар тамхины хэргээр өнжинө.

Шарлотт Бобкэтс/Charlotte Bobcats

Лэрри Браун Шоон Мэйг PF-ээр гараанд гаргах талаар нухацтай бодож байгаа гэнэ. Ер нь олон хүнтэй, хүчтэй өрсөлдөөнтэй фантази дээр түүнийг эрт авахад буруудахгүй л болов уу. Гэхдээ тэр улирлын турш эрүүл байна гэдэг эргэлзээтэй. Ер нь энэ багийн шилдэг 3 улирлын турш эрүүл байвал тэгээд түйвээнэ. Рэймонд Фелтон гараанд гарч багийн үнлсэн холбогч байх хэдий ч Ди Жэй Агустиныг нөөцөөс гаргаж ирж холын зайн шидэлтийг нэлээн хийлгэнэ гэнэ.

Чикаго Буллз /Chicago Bulls

Жоаким Ноа энэ долоо хоногийн улирлын өмнөх тоглолтуудыг бэлтгэл дээрээ авсан нүдний гэмтлийн улмаас өнжинө. Энэ жил эдний багаас харах хүний тоонд Бен Гордон орж байна. Хэдхэн хоногийн өмнө нэг жилийн гэрээг багтайгаа байгуулсан тэр энэ жил тун хичээж дараа жилийн шинэ гэрээндээ анхаарлаа хандуулах биз. Андрес Носионигийн оноо буурна. Мөн Дэррик Роуз, Кирк Хайнрич нар хамтран энэ улирлыг бүтээх биз ээ.

Кливелэнд Кавальерс /Cleveland Cavaliers

Шинэ мэдээ төдийлэн их алга байна. Шидэлтийн хамгаалагчийн байрлал дээр байгаа хүмүүс дээр нь анхаарлаа хандуулаарай. Уолли энэ жил сайн тоглох биз. Мо Уйллимсын байдал ч дээрдэнэ. Тэр эсрэг багийн хамгаалагчид Лебронд анхаарлаа хандуулсан үеэр холын зайн шидэлтийг хийж оновчтой дамжуулалт нь ч ихсэнэ.

Даллас Маверикс / Dallas Mavericks

Рик Карлайл Жэйсон Кидд хамгийн сайн формтойгоо байгаа хэмээн амлаж байна. Тэр Киддэд итгэж байгаа аж. Жерри Стэкхаус магадгүй гараанд гарах байлгүй. Эрик Дампьерийн үнэлгээ буурах байх. Яагаад гэвэл ДеСагана Диоп энэ жил өөр хүн болсон.

Денвер Наггетс / Denver Nuggets

Энтони Картер гараанд гарч тоглох байх. Учир нь Чаки Аткинсын гэмтэл түүнийг зовоосоор байгаа. Аллен Айверсон хоёр сарын наймааны цонхоор энэ багаас явах магадлал өндөр байгаа гэнэ. Жорж Карл болон тамирчид энэ жил хамгаалалт эрс сайжирна гэж хэлж байна. Гэхдээ тэд тоглосон байлгүйдээ. Нене одоогийн байдлаар тун сайн харагдаж байгаа. Гэхдээ түүнийг шинэ жил болтол эрүүл байх юм бол би лав гайхнаа. Дэггүй Крис Андерсон түүний нөөц байх биз.

Детройт Пистонс / Detroit Pistons

Амир Жонсон гарааны PF байх болов уу гэж бодож байна. Родни Стаки багийн 6 дахь тоглогч  байх ба фантази дээр доогуур раундаас сонгочиход гэмгүй л байх болов уу. Энтони МакДайс нөөц болно.
Голден Стэйт Уорриорз / Golden State Warriors

Жинхэнэ эргэлзээтэй баг чинь энэ дээ. Си Жэй Уатсон гарааны холбогчоор тоглох байх. Учир нь Маркус Уйллиамс бэлтгэл дээрээ их удаан гэж гологдсон байна. Нельсон бас Стефен Жэксонг холбогч болгох тухай ч ярьсан гэнэ. Андрис Биедринс эргэлзээгүйгээр төвийн тоглогч хийж нөөцөөс Ронни Туриаф орж ирж багаа цэнэглэнэ. Харрингтон энэ улирал бүтэн PF хийнэ гэж Нелли мэдэгдсэн. Энэ жил Жэксон, Харрингтон хоёрыг авчихад гэмгүй шүү. Багаа чирнэ байх.
Хьюстон Рокетс / Houston Rockets

Карл Ландри эргэн ирсэн ба бэлтгэл дээр гайхалтай байна. Гэхдээ Т-Мак дээр энэ үгийг хэлж чадахгүй нь. Т-Мак хэлэхдээ тэр мөрний мэс засалд орох шаардлагатай байгаа, өвдөг нь зүгээргүй байна гэж. Гэмтэл бас дайраад байгаа Шэйн Баттиер байраа бүрэн Рон Артесад алдана гэж хэлж болно. Баттиерийг сонгоод зайлсхийх хэрэгтэй байх. Яао Мин харин зуун хувь эдгэсэн ба тоглоход бэлэн байгаагаа хэлж бэлтгэлээ ч сайн хийж байгаа гэнэ.

Индиана Пэйсерс / Indiana Pacers

T.J Форд, Жэррит Жак нар холбогчийн байрлалд өрсөлдөж байгаа. Жакийг сүүлийн раундаар авчихад зүгээр байх.
Лос Анжелес Клипперс/ Los Angeles Clippers

Маркус Кэмби заримдаа ханиаднаас болоод өнжчихнө. Гэхдээ гарааны хүчний довтлогчоор бүтэн тоглоосой гэж найдаж байна. Би ч фантазидаа авчихсан байгаа. Шинэ тоглогч Эрик Гордон хэдэн долоо хоног гэмтлийн улмаас тоглохгүй болсон нь харамсалтай. Тим Томас бэлтгэл дээр сайн байгаа гэнэ. Гэхдээ Тим Томасыг аваад хэрэггүй.
Лос Анжелес Лейкерс / Los Angeles Lakers

Ламар Одом бэлтгэл дээрээ ёстой 10 жил тоглоогүй юм шиг л байгаа гэнэ. Фил Жексон тэр формнодоо ороогүй байгаа, тоглох боломжгүй байгаа гэж хэлсэн байна. Түүнийг Тревор Арикагийн нөөц тоглогчоор энэ жил тоглуулах юм байх. Эндрью Байнум эрүүл болсон ба энэ жилийн зорилго нь Бүх оддын тоглолтонд орох гэнэ шүү. Булчин шөрмөс нь зангираад хэнд ч дийлдэхгүй янзтай байгаа гэнэ.

Мемфис Гриззлис / Memphis Grizzlies

Марк Газоль гараанд гарах байх. Драфтаар авчихад гэмгүй. Дарко л харин “жийгдэх нь” дээ. Уг нь яг энэ тохиолдолд Дарко гоё сонголт байх нь мэдээж. Гэхдээ өнгөрсөн жилүүдэд түүнд өчнөөн олон ийм боломж гарч байсан нь энэ жил уламжлалаа давтана байх гэсэн бодлыг төрүүлж байна. Одоогоор тэр гэмтлээ эмчлүүлж байгаа юм байна. О.Ж Маяо олон минутыг талбайд өнгөрүүлэх ба дасгалжуулагч Майз Лаварони Руди Гэй, Маяо хоёрыг ногоон гэрлээр шидүүлнэ гэж хэлсэн байна. Маяог 9, 10-р раундаар авахад буруутахгүй байх. Хаким Варрикийг яг өнгөрсөн жилийнх шигээ тоглоно гэж бодоход буруудахгүй.

Майами Хит / Miami Heat

Дөлнүүд Ливингстоныг хоёр жилийн гэрээ хийн багтаа авлаа. Гэхдээ олон минутыг талбайд өнгөрөөхгүй л болов уу. Дараа жилээс л яг сайн тоглох байх. Гэхдээ л би Ливингстоныг эргэн ирэхэд туйлын баяртай байгаа. Он гараад гараанд гардаг болох биз. Одоогоор Хаслем, Бисли нар гэмтэлтэйгээ тэмцэж байгаа ба улирал эхлэхэд зүгээр болно гэнэ.Харин Вэйд бэлтгэлдээ ирэхгүй байгаа. Тэр эхнэрээсээ салах гээд шүүхээр л эргэлдэж байгаа сурагтай.

Үргэлжлэлийг удахгүй хүлээж аваарай

Хуваалцах/Тэмдэглэх