Тэгвэл өнгөрсөн баасан гаригт плей- оффд нэг нэгээр тэнцсэн багууд дахин тоглолт хийлээ. Нийслэлийн мэргэжлийн хяналтын ерөнхий газрын баг, “ Залуус сан” багууд эсрэг багаа хожиж наймд үлдсэн бол багууд шилдэг дөрөвт шалгарахын тулд эсрэг багаа түрүүлж хоёр хожсон баг нь дараагийн шатанд шалгарах боломжтой болох юм. Дашрамд сонирхуулахад Пепси хөгжлийн лигийн аварга энэ сард нээлтээ хийх үндэсний дээд лигийн сагсан бөмбөгийн аварга шалгаруулах тэмцээнд оролцох эрхтэй болох юм.

Багуудын тоглолтын харьцааг сонирхуулж байна.

2011 оны 1 дүгээр сарын 27 буюу баасан гариг

1.НМХГ-123: UB Андууд-75

2.Залуус сан-93: Улс төрийн тойм -80

3. МХТС Соёмбо даатгал -Ноёд 2:0

4. Хасын Хүлэгүүд –Залуус сан 2:0

5.SBL- ННДГ 2:0

6.ҮБТДС-Мобиком 1:1-ээр тэнцэж шилдэг наймын төлөө дахин тоглохоор боллоо.

2011 оны 1 дүгээр сарын 28 буюу бямба гариг

1. ҮБТДС Мобиком 94 75:65

2. НМХГ Соёмбо даатгал МХТС-Ноёд 99:77

3. Залуус сан Хасын Хүлэгүүд 77:83

4. ННДГ SBL 53:84 2011 оны 1 дүгээр сарын 29 буюу ням гариг

1. SBL ННДГ 89:68

2. Хасын Хүлэгүүд Залуус сан 82:68

3. Соёмбо даатгал МХТС-Ноёд НМХГ 70:78

4. Мобиком 94 ҮБТДС 72:48

Хуваалцах/Тэмдэглэх

Нэг тоглолтод дунджаар 20 оноо, 15 самбар авч буй үзүүлэлт нь ямар ч тоглогчийг атаархуулам. Гэхдээ сагсан бөмбөг багийн спорт болохоор дан ганц түүний хичээл зүтгэл үр дүнд хүрсэнгүй. “Мэжик” шинэ улирлыг уг нь урамтай эхлүүлж, эхний 13 тоглолтын аравт нь хожсон. Харин үүнээс хойш уруудсаар ирлээ. Тэд нэгдүгээр сарын 23-нд “Бостон”-д 56:87-гоор хожигдсон нь энэ бүхний эхлэл байв. Бүтэн тоглолтын турш ердөө 56 оноо авсан нь тус багийн түүхэн дэх хамгийн тааруу үзүүлэлт аж. Үүнээс гурав хоногийн дараа “Бостон”-той дахин тулж, гуравдугаар үед 20 гаруй оноогоор давамгайлж явсан ч эцэст нь дахиад л дийлдлээ.

Дараа нь “Нью-Орлеан”-тай тоглоход 67, “Филадельфи”-гийн эсрэг 69 авах нь тэр. Мэдээж эдгээр тоглолтод Дуайтын баг ялагдал амссан. Энэ багт Ж.Нельсон, Х.Туркоглу, Ж.Ричардсон, Ж.Редик, Р.Андерсон, Г.Дэвис гээд сайн тоглогчид хангалттай бий. Гэвч тэдгээр залуус нь орон гаран тоглоод байгаагаас болж амжилт тогтворгүй болсон. Бас дасгалжуулагч нь ч гологдоод байх шиг. Энэ бүхнээс нэг дүгнэлт гарч ирж байна. Тодруулбал, хэрвээ байдал энэ янзаар үргэлжлээд байвал Дуайт багаа орхихоос өөр аргагүйд хүрнэ. Өнөө цагийн шилдэг төвийн тоглогчийг алгаа тосоод угтах баг 29-өөс 29 байх нь тодорхой. Гэхдээ “Орландо” эргээд сайн тоглоод эхэлбэл Ховардад найдлага төрж, багтаа үлдэхээр шийдэж болох л юм. Харамсалтай нь ийм зүйл болно гэдэгт итгэх хүн тун цөөхөн байна.

Г.БАЯРСАЙХАН

Хуваалцах/Тэмдэглэх

NBA-гийн шинэ улирал эхэлснээс хойш багууд 10 гаруй тоглолт хийгээд байна. Мэдээж уламжлал ёсоор олны анхаарлын гадна үлдсэн зарим нэг залуус гялалзтал сайн тоглож, өөрсдийгөө нээн харуулж буй. Эдгээр тоглогчдыг танилцуулья.

12.Жамал Кроуфорд (Портлэнд) Жамал бол лигт арав гаруй жилийг үдсэн од зэрэглэлийн тоглогч. Харин энэ улиралд түүнийг багаа солин “Портлэнд”-д ирэхэд хэрхэн тоглох бол гэж олон хүн сонирхож байлаа. Гэтэл авьяаслаг тоглогч хаана ч газардахгүй болохыг тэр харуулж байна. Түүний авдаг оноо өнгөрсөн улирлаас үл ялиг буурсан ч маш сайн сэлгээний тоглогч хэвээр. “Блэзерс” улирлыг 8-5 амжилтаар үргэлжлүүлж буйд түүний хувь нэмэр багагүй бий.

11.Маркиеф Моррис (Финикс) “Санс” энэ жилийн драфтаас 208 см өндөртэй хүчний довтлогч Маркиеф Моррисийг авсан нь өдгөө Ч.Фрайгийн маш сайн сэлгээ болоод байна. Тэр нэг тоглолтод дунджаар 8 оноо, 6 самбар авч буй нь “шинэков”-ууд дундаа дээгүүр орох үзүүлэлт юм. Сонирхуулахад түүний ихэр Маркус энэ жилийн драфтад Маркеифийн дараа буюу 14-р байраар сонгогдон “Хьюстон”-д очжээ.

10.Марчин Гортат (Финикс) 211 см өндөртэй польш залуу энэ улиралд өөрийн оргил үзүүлэлт болох 14.3 оноо, 8.4 самбарыг дунджаар авч буй. С.Нэшийн дамжуулалт бүр түүн рүү чиглэдэг болсон нь нэгийг өгүүлэх биз ээ.

9.Норрис Коул (Майами) Залуу холбогч уг нь драфтын ¹28-аар “Чикаго”-д сонгогдсон боловч солилцооны дүнд “Хит”-ийн гишүүн болсон юм. Тэрбээр лигт хийсэн хоёр дахь тоглолтдоо л 20 оноо (үүний 14-ийг 4-р үед) авч, “Бостон”- ыг ялахад том нэмэр болсон. Мэдээж “Их гурвал”-ын хажуугаар тогтмол ийм оноо аваад байх боломжгүй. Гэхдээ тэр 9.8 оноо авч, 3.3 дамжуулалт өгсөн нь чамлахааргүй үзүүлэлт юм. Коул энэ янзаараа тоглоод байвал удахгүй М.Чалмерсийг ажилгүй болгож мэднэ.

8.Рикки Рубио (Миннесота) Энэ залуу Европ тивийнхэнд бол хэдийнэ танил болсон. Харин буурал тивд гялалзаж байсан залуу NBA-д орж ирээд эхэндээ тэвдэх байх гэж бодсон ч огт ажирсан шинжгүй хийх ёстой ажлаа хийсээр явна. Одоо энэ залуугүйгээр “Миннесота”-гийн довтолгоо явахаа больжээ. Испани холбогч одоогоор 10.9 оноо авч, 8.3 дамжуулалтыг дунджаар өгч байна.

7.Иман Шумперт (Нью-Йорк) К.Энтони, А.Стаудемайер гэсэн олон шидэлт хийж, их оноо авдаг тоглогчдын хажуугаар тоглолт бүрт арваас дээш оноо нэмэрлэж байгаа залууг улирлын нээлт гэхээс яахав. Драфтын ¹17-гоор сонгогдсон тэрбээр NBA-д найман тоглолтод оролцохдоо ганцаас бусдад нь хоёр оронтой тоо бүхий оноо авсан юм. Лигт элссэн эхний жилээ л хүчирхэг “Никс”-ийн гарааны бүрэлдэхүүнд багтсан гэхээр түүний хэр авьяаслаг тоглогч болох нь ойлгогдоно. Түүний тоглолтын арга барилыг Д.Уэйдийнхтэй зүйрлүүлэх нь бий.

6.Кемба Уолкер (Шарлотт) Коллежийн сүүлийн улиралдаа 23 оноог дунджаар авсан залуу хамгаалагч NBA-д түргэн идээших нь тодорхой байлаа. Үүнийг мэдэрсэн “Бобкэтс” түүнийг драфтын ¹9-өөр сонгон авсан нь өдгөө гарааны чухал тоглогч болжээ. Тэрбээр нэг тоглолтод дунджаар 11.3 оноо түүж байна.

5.Пол Жорж (Индиана) Энэ залуу өнгөрсөн улиралд “rookie” байхдаа “ П е й с е р с ” – и й н гарааны бүрэлдэх үүнд багтаж байв. Тэгвэл энэ жил талбайд 30 гаруй минутыг өнгөрөөж, арав гаруй оноог тогтмол авдаг тоглогч болжээ. Түүний ончтой шидэлт, сайн хамгаалалт багт нь нөлөөгөө үзүүлж, “Индиана” өдгөө 9-3 амжилтаар бүсийнхээ гуравдугаар байрт жагсаж байна.

4.Кайл Лоури (Хьюстон) “Авьяаслаг тоглогч, гэхдээ хэзээ ч од болохгүй” гэсэн үгс түүнийг байнга дагалддаг байв. Тэгвэл Кайл энэ улиралд жинхэнэ тэсрэлтийг хийж байна. Үүнийг нотлохын тулд нэг тоглолтод дунджаар 17.6 оноо, 6.7 самбар авч, 9.0 оновчтой дамжуулалт өгч буй статистикийг дурдахад л хангалттай. Сүүлд “Портлэнд”-ийг нэмэлт цагт хожсон тоглолтод л гэхэд 33 оноо, 8 самбар авч, 9 оновчтой дамжуулалт өгөн трипл-дабл хийх дөхсөн юм.

3.Райан Андерсон (Орландо) Хүчний довтлогч нар шидэлт муутай байх нь элбэг. Тэгвэл Райан дундаас, холоос гээд хаана л бол хаанаас оноо түүх чадвартай. Үүнийгээ шинэ улиралд бүрэн дүүрэн харуулж байна. Тэрбээр өнгөрсөн улиралд 10 оноог дунджаар авсан бол энэ жил 18.3 болон эрс нэмэгджээ. “Мэжик” цалин ихтэй Р.Льюисийг явуулж, түүнд олон минут тоглох боломж олгосон нь ийн зөвджээ. Тэрбээр нийт оноо авалтаар лигт 18-д, холын зайн шидэлтийн хувиар 17-д бичигдэж байна.

2.Спенсер Ховс (Филадельфи) 216 см өндөр, 111 кг жинтэй энэ аварга залуу одооноос л төвийн тоглогчийн байрлалдаа гаршиж буй бололтой. Үүний илрэл нь нэг тоглолтод дунджаар 10.4 оноо, 8.4 самбар авч, 1.7 блок-шот гүйцэтгэж буй үзүүлэлт. А.Игуодала, С.Ховс, Т.Янг, Э.Брэнд, Ж.Микс, Ж.Холидей, Л.Уильямс зэрэг олон жигд тоглогчидтой “Сиксерс” өдгөө өрсөлдөөн ширүүн Дорнод конференцийн дэд байрт жагсаж байгаа нь санамсаргүй явдал биш. Хэрвээ Э.Турнер гэмтлээ эдгээгээд эргэн ирвэл “Филадельфи” бүр ч хүчирхэгжих нь тодорхой.

1.Жефф Тиг (Атланта) Тэр уг нь тоглолтын хувь заяа шийдэгдсэн үед талбайд гардаг тоглогч байлаа. Гэтэл энэ жил Ж.Кроуфорд “Портлэнд”- ийг зорьж, үндсэн холбогч К.Хайнрич нь гэмтсэнээр залуу Тигийг талбайд гаргахаас өөр сонголт “Атланта”-д үлдээгүй. Хаа очиж тэр өөрт олдсон энэ боломжийг тун сайн ашиглаж чадлаа. Түүний оноо 5.2-оос 12.4, дамжуулалт 2-оос 6 болон нэмэгджээ. Түүнчлэн тоглох минут нь 20 гаруйгаар нэмэгдсэн байна. Одоо Тиг “Атланта”-д өөрийн байр сууриа нэгэнт олсон тул Хайнричийн гэмтэл эдгэсэн ч талбайд гарах боломж маш бага юм.

Г.БАЯРСАЙХАН

Хуваалцах/Тэмдэглэх

Ламаркус Олдриж (Портлэнд), Кармело Энтони, Тайсон Чандлер (НьюЙорк), Чонси Биллапс, Блейк Гриффин, Крис Пол (Клипперс), Крис Бош, Дуэйн Уэйд, Леброн Жеймс (Майами), Коби Брайант (Лейкерс), Кевин Дюрант, Рассель Уэстбрук (Оклахома), Руди Гей (Мемфис), Эрик Гордон (Нью-Орлеанс), Дуайт Ховард (Орландо), Андре Игуодала (Филадельфи), Кевин Лав (Миннесота), Ламар Одом (Даллас), Деррик Рөүз (Чикаго), Дерон Уильямс (Нью-Жерси). Бээжингийн олимпод түрүүлсэн багаас найман тоглогч (К.Энтони, К.Бош, Д.Ховард, К.Пол, Д.Уэйд, Л.Жеймс, К.Брайант, Д.Уильямс) энэ удаагийн бүрэлдэхүүнд багтжээ.

Эдгээр 20 тоглогчоос сүүлийн шатанд 12-ыг сонгон авч, олимпод оролцуулах юм. Бөөн од дундаас наймыг нь хасна гэдэг дасгалжуулагчийн хувьд амаргүй байх нь тодорхой. Одоогоор Лондоны олимпийн сагсан бөмбөгийн тэмцээнд талбайн эзэн Их Британи болон АНУ, Аргентин, Бразил, Испани, Франц, Австрали, Тунис, Хятадын шигшээ баг оролцох эрхээ аваад байна.

Сонирхуулахад, сагсан бөмбөгийн тэмцээн 17 олимпийн хөтөлбөрт багтахад америкчууд 13-т нь түрүүлжээ. Тэд анх 1972 онд ЗХУ-ын шигшээд алтан медалиа алдсан бол, үүнээс хойш 1980 (тэр олимпод америкчууд ороогүй), 1988, 2004 онд түрүүлж чадаагүй юм.

Г.БАЯРСАЙХАН

Хуваалцах/Тэмдэглэх

1990-ээд оны шилдэг сагсчдын нэг Скотти Пиппен NBA-д 17 улирал тоглохдоо аваргын бөгжийг зургаан удаа зүүсэн. Майкл Жордан, Деннис Родман нарын супер одтой мөр зэрэгцэн тоглож явсан тэрбээр хэзээ ч тэдний сүүдэрт нь байсангүй, харин ч “Буллз”-ын амжилтад голлох үүрэг гүйцэтгэж явсан нэгэн. Түүний Хойд Америкийн хэвлэлүүдэд өгсөн ярилцлагаас сонирхолтой хэсгүүдийг нь түүвэрлэн хүргэе.

•Манайх тийм ч хангалуун айл биш байсан. NBA-гийн тоглолтыг хэзээ анх амьдаар нь үзсэн бэ гэж үү? Лигийн анхны тоглолтдоо оролцохдоо.

•Дунд сургуульд байхдаа би найз нарынхаа дунд бие бялдрын хөгжлөөрөө хамгийн сул дорой нь байлаа. Харин туйвантай нөхөрлөснөөр хүч – тэй, өөртөө итгэлтэй болсон.

•Үнэнийг хэлэхэд “Чикаго Буллз”-ынхан дотор дотно найзалж нөхөрлөдөг тоглогчид байгаагүй. Майкл ч тэр, Деннис ч тэр, Хорас ч тэр, бүгдээрээ “Ажилдаа алдаа гаргахгүй юм шүү” гэсэн зарчим баримталдаг юм шиг санагдах. Жордан байсан болохоор биднийг хаа явсан газар сэтгүүлчид дагаастай. Сүүлдээ бэлтгэлээ тухтай хийж ч чадахаа больсон.

•Эхэндээ Майклтай ойлголцоход хэцүү байсан. Тэр хэдийгээр лигийн шилдэг мэргэн буучийн нэг ч аваргын сэтгэлзүй хараахан бүрдээгүй учраас зөвхөн өөрийгөө харуулах гэж л хичээдэг нь уур хүргэнэ. Харин Фил Жексон багийн ерөнхий дасгалжуулагчаар ирснийхээ дараа түүний сэтгэлзүйг өөрчилж чадсан юм.

• Фил йогоор хичээллэхийн бидэнд ач тусыг мэдрүүлсэн. Түүнээс өмнө манай багийнхны ихэнх нь энэ тухай сонссоноос л цаашгүй байлаа. Йог бол сэтгэл хөдлөлөө хяна хад ач тустай, спортын тө дийгүй амьдралын зөв хэвшил юм. Сүүлдээ бүгдээрээ дасгалжуулагчийн бэлтгэл дуус магц заалны гэрлийг унтраагаад хийж эхэлдэг байсан тэр гайхамшигтай дасгалын амтад орсон.

• Ялалт байгуулсан тоглолт бүрээ манайхан бяцхан ч тэмдэглэдэг заншилтай. Харин би яагаад ч юм тэдний адил хөөрдөггүй байлаа. Учир нь жинхэнэ тэмцэл бол хасагдах шатанд гардаг юм.

•Хүмүүс “Жорданыг явсны дараа Пиппений тоглолт муудсан” гэж ярьдаг. Магадгүй 30 давсан оноо авах маань цөөрсөн байж болох юм. Гэхдээ миний дамжуулалт, самбараас бөмбөг авалтын хувь эрс нэмэгдсэн юм шүү. Өөрийгөө багийн лидер гэж бодоход ямар хэчнээн гээч.

•Аваргын бөгжнүүдээ найдвартай газар хадгалж байгаа. Олны өмнө зүүж явах дургүй. Тэртээ тэргүй гаран дээрх шивээснээс маань намайг аваргын хэчнээн бөгжтэй болохыг жаахан хүүхэд ч гэсэн мэдээд авчихна.

Р.МАНЛАЙ

Хуваалцах/Тэмдэглэх

Мөн энэ видеонд манай Харүмафүжи Д.Бямбадоржийн зураг зурвас үзэгдэв.

Хуваалцах/Тэмдэглэх

“Сакраменто”-гийн гарааны тоглогчид энэ өдөр тун жигд тоглосон нь ялалтын үндэс байсан. Тэгвэл эсрэг багаас К.Брайант, П.Газоль, М.УорлдПийс (Рон Артест нэрээ өөрчлөн ийм болгосон) нараас бусад нь хангалттай сайн байж чадсангүй. Түүнчлэн аваргаа хамгаалан тоглож буй “Даллас” мөн л “Лейкерс”-ийн адил дараалан бүдэрлээ. Эхний өдөр ч яахав, хүчирхэг “Майами”-тай таарсан гэдгээр тэдний ялагдлыг хаацайлж болно.

Тэгвэл өчигдөр талбайдаа дундаж багуудын нэг “Денвер”-т 22 оноогоор тавиулж, хөгжөөн дэмжигчдээ гомдоов. “Денвер”-ийнхэн эхний хоёр үед л оноог 69:42 болгож, тулааны хувь заяаг шийджээ.

Хуваалцах/Тэмдэглэх

Локаутын улмаас хоёр тал болон дайтаж, эхлэх хугацаанаасаа сар гаруй хоцорсон NBA-гийн шинэ улирал Зул сарын баярын өдөр нээлтээ хийлээ. Лигийн удирдлагууд сагсан бөмбөгөө санасан хөгжөөн дэмжигчдэдээ зориулж энэ өдөр шилдэг багуудыг өөр хооронд нь тоглуулсан юм. Ингээд шинэ улирлын эхний өдөр болсон таван тоглолтын тоймыг хүргэе.

БОСТОН-НЬЮ-ЙОРК 104:106

Б: Р.Рондо 31+15 о.дамж, Б.Басс 20+11 самбар, Р.Аллен 20, К.Гарнетт 15+8 самбар

Н: К.Энтони 37+8 самбар, А.Стаудемайр 21, Т.Дуглас 19, И.Шамперт 11

Шинэ улирлын нээлтэд Дорнод бүсийн хоёр хүчирхэг баг тулсан нь энэ. “Селтикс” сүүлийн үед “Никс”- ийг хожиж гаршаад байгаа гэж болно. Өнгөрсөн улирлын плей-оффт л гэхэд тэд учраагаа дөрөв дараалан хожиж, тэмцээнээс мулталж байв. Тэгвэл “Никс” энэ удаа талбай дээрээ хариугаа авч, шинэ улирлыг урамтай эхлүүллээ. Тэд тоглолтын эхнээс тогтмол давамгайлж явсан ч гурав, дөрөвдүгээр үед бариулж, улмаар оноогоор хоцрох болсон. Харин сүүлийн үед К.Энтонигийн гайхалтай тоглолтын ачаар тоог тэнцүүлсэн төдийгүй цаг дуусахаас 16 секундын өмнө 106:104 болгон тэргүүллийг авсан юм. Үлдсэн хугацаанд “Бостон” хоёр удаа довтолсон ч байгаа оносонгүй. “Никс”-ийн шинэ тоглогч Т.Чандлер энэ өдөр долоохон оноо багтаа нэмэрлэсэн ч хамгаалалтад чамгүй тус хүргэж, зургаан блок-шот хийсэн юм. Харин “Бостон”-ы шинэ цэрэг Б.Басс давгүй тоглож, дабл-дабл хийлээ.

МАЙАМИ-ДАЛЛАС 105:94

М: Л.Жеймс 37+10 самбар+6 о.дамж, Д.Уэйд 26+8 самбар+6 о.дамж, У.Хаслем 9+14 самбар

Д: Ж.Терри 23, Д.Новицки 21, Д.Уэст 10

Өнгөрсөн улиралд аваргын цом булаалдсан хоёр багийн халз дуэль энэ өдрийн оргил тоглолт байлаа. Гэсэн ч үзэгчдийн хүсэн хүлээж байсан тоглолт тийм ч сонирхолтой өрнөсөнгүй. Зочин баг “Майами” эхний үед л 15 онооны давамгайлал бий болгож, үүнийгээ цаг дуустал хадгалж чадсанаар финалд хожигдсон хариугаа авлаа. Сүүлийн үе эхлэхэд “Хит” 32 оноогоор давамгайлж байсан. Харин тоглолтын төгсгөлд лидерүүдээ амрааснаас өрсөлдөгчдөө оноог ойртуулах боломж олгосон юм. Леброн энэ өдөр 37 оноо авч багаа тэргүүлсэн. Урьд өмнө “Майами”-гийн нэг ч тоглогч улирлын нээлтийн өдөр ийм өндөр оноо авч байгаагүй аж.

ЧИКАГО-ЛЕЙКЕРС 88:87

Ч: Д.Рөүз 22, Л.Денг 21+7 самбар, К.Бузер 15, Ж.Ноа 6+9 самбар

Л: К.Брайант 28+7 самбар+6 о.дамж, П.Газоль 14+8 самбар, С.Блейк 12

Цаг дуусахаас хоёр минутын өмнө “Буллз” 77:85-аар хожигдож байлаа. Гэвч үлдсэн хугацаанд өөрсдөө 11 оноо авч, өрсөлдөгчдөө хоёрыг алдсанаар итгэмээргүй ялалт байгуулж чадав. Л.Денг багийнхаа нэхэлтэд чухал үүрэг гүйцэтгэж, энэ хугацаанд зургаан оноо нэмэрлэсэн. Улмаар цаг дуусахын өмнөхөн өнгөрсөн улирлын MVP Д.Рөүз оролтоо амжилттай болгож, багтаа тэргүүллийг авчирсан юм. Зөрүүлээд Коби довтолсон ч Л.Денг блок хийснээр ялалт “Чикаго”-д иржээ.

ОРЛАНДО-ОКЛАХОМА 89:97

Ор: Р.Андерсон 25+10 самбар, Ж.Нельсон 18, Д.Ховард 11+15 самбар

Ок: К.Дюрант 30, Ж.Харден 19, Р.Уэстбрук 14+7 самбар+6 о.дамж

“Оклахома”-гийн залуус “Супермэн”- ий багийг ядах юмгүй хожиж, бэлтгэл сайтай байгаагаа харуулав. Тэд тоглолтын турш арваад оноогоор тэргүүлж явсан бөгөөд “Орландо” зөрүүг багасгах оролдлого хийх бүрт К.Дюрант хариуг нь барьж байв. “Орландо”-гийн хувьд энэ өдөр дөнгөж 37 хувьтай довтолсон болохоор ялалт байгуулах талаар санахын ч хэрэггүй байсан. Багийн оноог авдаг гол тоглогчид болох Ж.Ричардсон, Д.Ховард, Х.Туркоглу нар тун хангалтгүй довтолсон нь тэдний ялагдлын гол шалтгаан байлаа.

КЛИППЕРС-ГОЛДЕН СТЭЙТ 105:86

К: Б.Гриффин 22+7 самбар, К.Пол 20+9 о.дамж, Ч.Биллапс 21, К.Батлер 11+10 самбар, А.Жордан 6+8 блокшот

Г: Д.Ли 21+12 самбар, М.Эллис 15+8 о.дамж, Б.Раш 12, А.Биедринс 10+8 самбар

Энэ өдрийн сүүлийн тулаанд Б.Гриффин, К.Пол, Ч.Биллапс тэргүүтэй “Клипперс” итгэлтэй хожил авлаа. Уг нь “Голден Стэйт” эхний гурван үед маш сайн тоглож, өгөө аваатай явсан. Гэвч сүүлийн үед 18 оноо авч, 30-ыг алдсанаар онооны зөрүү 19 болж холдсон юм. Томхон итгэл найдвар дагуулж “Клипперс”-т ирсэн К.Пол эхэндээ тааруухан байсан ч сүүлийн үед өөрийгөө хэн болохыг харуулж чадсан. Мөн Ч.Биллапсын ухаалаг, итгэлтэй тоглолт багтаа эерэг нөлөө үзүүлж байсныг дурдах хэрэгтэй.

Г.БАЯР

Хуваалцах/Тэмдэглэх

NBA-ийн түүхэн дэх хамгийн хүнд биетэй тоглогчдын нэг Шакил О’Нилл өнгөрөгч зургаадугаар сард “Tout” цахим хуудсаар дамжуулан зодог тайлж буйгаа мэдэгдсэн. Тэрбээр тус сайтад байрлуулсан бичлэгтээ “Бид чадсан. 19 жил тоглосон байна. Маш их талархаж байгаа учраас энэ талаарх мэдээллийг та бүхэндээ түрүүлэн хүргэж байгаа юм. Та бүгдэдээ хайртай шүү. Удахгүй дахин уулзъя” гэсэн байв. 19 жил мэргэжлийн сагсан бөмбөг тоглохдоо 28.596 оноог баг таа авчирсан тэрбээр Пирс Морганы нэвтрүүлэгт оролцжээ.

-NBA-ийн домогт сагсан бөмбөгч Шакил О’Нилл студид маань хүрэлцэн ирлээ. Түүнийг энэ жил тоглохгүй гэдгийг төсөөлөхөд ч бэрх юм. Зургаадугаар сард зодог тайлснаасаа хойш огт өөр салбарт хүч сорихоор шулуудсан Шакил “Миний түүх” номоо тун удахгүй худалдаанд гаргах гэж байгаа. Өнгөрсөн 19 жилийн хугацаанд та их олон хочтой болсон байна. Шак, Аварга Шактус, Дизель, Супермэн, Аварга Аристотель гээд л… Харин надад аварга Шактус нь илүү таалагдсан. Харин танд аль нь илүү таалагддаг вэ? -Таны өгсөн шинэ нэр ч бас бий шүү дээ.

-Ямар?

-Том Дюк. (инээв)

-Англид бол бүр Асар том Дюк гэх байх.

-Тийм шүү.

-Дахин тоглохгүй гэхээр ямар санагдаж байна вэ?

-Сайхан. Өнгөрсөн 19 жилийн хугацаанд би их зүйлийг хийж бүтээжээ. Мэдээж түүнээс ч их амжилт гаргамаар байгаа ч сагсан бөмбөгөөс өөр зүйл хийх цаг нь ирсэн байна.

-Танд үнэхээр зөв алхам хийж байна гэж бодогдож байсан уу? Таны зодог тайлж байгаагаа мэдэгдэж буй бичлэгийг харахад дотроо огт өөр бодолтой байх шиг санагдсан.

-Зөв алхам хийж байгаа гэж бодогдсон. Магадгүй бэлдсэн бичвэр маань жаахан уцаартай байгаа юм шиг сэтгэгдэл төрүүлсэн байх. Шөрмөсөө гэмтээснийг минь та мэдэх байх. Нөхөн сэргээх эмчилгээ жил гаруй үргэлжилсэн. Гэхдээ 40 нас шүргэж буй эр мэргэжлийн сагсан бөмбөгт их амжилт гаргах магадлал бараг л үгүй. Тиймээс л 19 жилийн эцэст би ийм шийдвэр гаргалаа.

-Танд гольф тоглоё гэсэн бодол төрөхгүй байна уу?

-Үгүй дээ.

-Одоо бол танд хамгийн их тохирох спорт юм шиг санагдаж байна.

-Үгүй дээ. Би гольфоор хичээллэдэг байсан л даа. Гэхдээ тоглолгүй их удсан байна.

-Та NBA-ийн ажил хаялтын тухай яриач. Учир нь манай нэвтрүүлгийг олон мянган гадаадын хүмүүс үздэг. Тэрбумтнууд өөр бүлэг тэрбумтнуудтай хэдэн сая долларын асуудалд санал зөрөлдөж байгаа нь Америкийн хүн амын 10 хувийг эзэлж буй ажилгүйчүүдийн хувьд хэтэрхий хувиа хичээсэн явцуу маргаан шиг санагдах байх.

-Юуны өмнө таныг их буруу нэр томъёо хэрэглэж байна гэж хэлмээр байна. Ажил хаялт гэдэг бол ажилчдын хийдэг зүйл. Гэтэл бид гэмтэж бэртсэн тохиолдолд хангалттай сайн эмчилгээ хийлгэж чадахгүй байна. Гэрээний нөхцөл таалагдахгүй байгаа учраас бид тоглохоос татгалзсан. Тэгэхээр энэ хоёр бол огт өөр нөхцөл байдал. Гэхдээ аль аль нь чухал. Гэтэл Ерөнхийлөгч Обама саятнууд болон тэмбумтнуудын хоорондын гэрээнээс илүү ажилгүй болж буй иргэдийн асуудал чухал гэж үзсэн. Эцэст нь тэд арайхийн шийдвэр гаргасан. Дерек Фишер, Дэвид Стерн нар сайн ажиллаж, оновчтой шийдвэр гаргасан шүү. Энэ сагсан бөмбөгчдийн хувьд зул сарын баяраар хийж буй анхны тоглолт байх.

-Та Обамагийн тухай ямар бодолтой байдаг вэ?

-Би цэргийн гэр бүлд өссөн. Тиймээс Ерөнхийлөгчийн хүндэлдэг. Түүний ажил их хэцүү шүү дээ. Би хэзээ ч тийм алба хашихыг хүсэхгүй ээ. Бас түүнийг Америкийг удирдаж байгаагийнх нь хувьд хүндэтгэж байна.

-Анхны Африк гаралтай Ерөнхийлөгч арьс өнгөөр ялгаварлан гадуурхах үзлийг намжаасан болов уу, эсвэл дэврээсэн үү?

-Миний хувьд намжаасан л гэж хэлнэ. Мартин Лютер Кинг үүнийг л мөрөөдсөн. Түүний хүсэл ч биеллээ. Гэхдээ үүнийг биелүүлнэ гэдэг амаргүй шүү. Дэлхийн дээр хэдэн сая хүн бий. Тэр бүхний сэтгэлд нийцүүлж, таалагдана гэдэг боломжгүй зүйл. Хэдийгээр бага зэрэг үймээн самуун дэгдээд байгаа ч түүнийг их сайн ажиллаж байгаа гэж дүгнэж байгаа. Эдийн засгийн хямрал болж байгаа л даа, гэхдээ энэ асуудлыг тэр шийдэж чадна гэдэгт итгэлтэй байна. Бас түүнийг дараагийн сонгуульд ялна гэж бодож байгаа.

-Тийм гэж үү?

-Тийм ээ.

-Та сагсан бөмбөг тоглохоос гадна бизнес эрхэлдэг. Олон сая долларын ашиг олдог хүний хувьд Америкийн бизнесийн салбарыг хэрхэн дүгнэх вэ?

-Би тодорхой хэлж мэдэхгүй. Америкт бизнес хоёр өөр хэв маягаар хөгжиж байна. Өөрөө махран зүтгэж, компаниа босгодог Стив Жобс шиг хүмүүс байна. Тэд бол жинхэнэ бизнесмэн. Мэжик Жонсон надад хэрхэн бизнес эрхлэхийг зааж сургасан юм.

-Спортод гаргаж буй амжилтаа хэрхэн өргөжүүлж, өөр салбарт ашиглах вэ гээд л үү?

-Тийм, тийм. Нэр хүндтэй, багийнхаа тэргүүлэх тоглогч байна гэдэг сайн л даа. Гэхдээ тун удахгүй чи өөрийн гэсэн ажил эхлүүлэхийг хүсэх болно гэж билээ. Сайн бизнес эрхлэгч болох замнал минийхээс тэс өөр л дөө. Учир нь би зүгээр л азтай хүн.

-Таны ном гайхалтай сайн болсон байна. Номыг тань уншаад хойд эцэг тань танд хүндлэх ёс, хатуужил сургасан юм байна гэж дүгнэлээ. Бас ээж тань их нөлөөлсөн байх гэж бодогдсон. Миний зөв үү?

-Тийм ээ. Намайг их зоригжуулдаг байсан. Ээж минь л надад мөрөөдөхийг, мөрөөдөлдөө хэрхэн хүрч болохыг зааж сургасан. Харин аав маань цэргийн хүн болохоор их хатуу чанга өсгөсөн. Буруу зүйл хийсэн үед хатуухан шийтгэл хүртээнэ. Гэхдээ өнөөдөр миний ингээд сууж байгаа нь аав ээж хоёрын минь ач.

-Коби Брайнт та хоёр бол мөнхийн өрсөлдөгчид. Магадгүй энэ өрсөлдөөн танай багийг дийлдэшгүй болгодог байх, тийм үү. Гэхдээ та хоёр бие биенээ үзэн ядсандаа бус, хэн хэн нь шилдэг тоглогч болохын төлөө “уралцаж” байгаа биз?

-Үүнийг ойлгож байгаад тань их баяртай байна. Гэхдээ би “Hershey”-д байх цагаасаа зөвхөн өөрийн үүрэг даалгаварт л анхаарал хандуулдаг байсан. Таны хэлснээр бид их олон гайхалтай зүйл хийж бүтээж, багаа ялагдашгүй болгосон. Би түүнийг хүндэлдэг. “Lakers”-ийн шилдэг тоглогч, гайхалтай ур чадвартай гэдгийг нь ч би мэднэ. Харин тоглож байх үед надад ногдсон үүрэг хариуцлага байсан. Би түүнийгээ ч биелүүлсэн. Дөрвөн удаагийн аварга болсон шүү дээ.

-Таны бодлоор хамгийн шилдэг тоглогч хэн бэ?

-Би Майкл Жордан гэж хэлмээр байна. Гэхдээ зарим үед энэ асуултад хариулах их хэцүү санагддаг. Мэжик Жонсон ч бас агуу тоглогч шүү дээ. Тэгэхээр энэ асуултад тодорхой хариулт олдохгүй юм шиг санагддаг. Ларри Бёрд, Билл Рассел, Уилт Чамберлэйн нар ч сайн тоглогч.

-Цөөнгүй хүн таныг хамгийн түрэмгий тоглогч гэдэг юм билээ. Леброн бүр “Би түүн шиг түрэмгий хүнтэй тоглож байсангүй” гэж хэлсэн байдаг.

-Аав ээж минь надад нэрийг чинь мартахгүй болтол дурсамж үлдээхээр онцгой бай гэж сургадаг байсан. Би ур чадвар сайтай гэдгийг та мэдэх байх. Хэдийгээр би шилдэг “мэргэн бууч” биш ч, хүмүүс намайг үргэлж дурсаж байгаасай гэж хүсдэг. Шийтний дор камер барин зогсож байгаа залууд аймшигтай санагдахаар довтолж, тохохыг хүсдэг.

О.УНДАРМАА

Хуваалцах/Тэмдэглэх

Төлөвлөж байсан хугацаанаас хоёр сарын дараа эхэлсэн NBA-гийн шинэ улирал ашгүй нэг эхэллээ.

NBA-гийн аварга Даллас Маверикс улирлын эхний тоглолтонд 2011 оны финалын өрсөлдөгч Майами Хитэд  94:105 харьцаатай хожигдлоо. Бараг зургаан сар хагасын өмнө түүхэндээ анх удаа аварга цол хүртсэн Дирк Новитцки болон түүний баг Майамигийн эсрэг хүчин мөхөсдөв. Дирк энэ удаагын тоглолтонд 21 оноо авсан ч багаа ялагдлаа аварч чадсангүй. Харин  Далласаас  Жейсон Тэрру хамгийн их буюу 23 оноо авлаа.

Тоглолтын өмнө “American Airlines Center”-т  ”2011 NBA Champions” гэсэн  банерийг өлгөж нээлтийн ажиллагааг ёслол төгөлдөр эхлүүлсэн бөгөөд Дирк Новитцки үзэгчдэд хандан “ Зул сарын мэнд. Өнөөдөр бол бид бүхний хувьд онцгой өдөр. Үүнийг бид маш удаан хүлээллээ. Урагшаа Мавс!” гэжээ.

Гэвч хамгийн үнэ цэнэтэй тоглогч энэ тоглолтонд сайн байж чадсангүй. Тэдний хамгаалалт үнэхээр сул байсан бөгөөдМайамигийн Леброн Жеймс(37),  Дуэйн Уэйд (26) нарыг зогсоож чадсангүй.

Хуваалцах/Тэмдэглэх