Хаус 2000 оны драфтын 2-р бүсээр Хитэд сонгогдож тэндээ 3 улирал тоглосноос хойш 8 баг дамжаад байв. Үүний дотор Бостон Селтикст тоглож аварга болоход нь өөрийн үүргээ гүйцэтгэсэн нэгэн.

Хаусийг Селтикс болон Буллз зэрэг хэдэн багууд сонирхож байсан ч бүгдийг урин дуудаж, сэтгэлийг татаж байгаа Хитийг тэр сонголоо.

————————————————————————–

Вашингтон Визардс баг довтлогч Жош Ховардтай 1 жилийн гэрээ байгуулав. Өнгөрсөн улиралд ердөө 4 тоглолтонд оролцсон Ховард ирэх улиралд гэмтэл бэртэлгүй, бүрэн фит тоглоход бэлэн болжээ.

Ховард өнгөрсөн 2 сарын 13-нд Даллас – Вашингтоны хооронд болсон 7 тоглогчийн наймаанд багтаж багаа сольсон ч 2 сарын 22-нд өвдгөө гэмтээж, 3 сард хагалгаанд орж, 6-8 сар талбайд гарахгүй болж байлаа.

————————————————————————–

Атланта Хоукс нөөц төвийн тоглогч Жэйсон Коллинстой дахин гэрээ байгуулж, багтаа үлдээв.

————————————————————————–

Экс НБА-ын од Стефон Марбэри Хятадын лигт тоглож байгааг бид харсан. Тэгвэл Марбэри тэнд дахин 2 жил тоглох, 3 дахь жилдээ магадгүй туслах дасгалжуулагчаар үлдэх гэрээ байгуулжээ. Shanxi Zhongyu гэх багийг эзэмшдэг компани нь Марбэригийн нэрийн хувцас хэрэглэл, пүүзийг гаргаж борлуулах юм байна. “Starbury” хэмээх брэндийн рекламыг CCTV-5 сувгаар олон удаа үзэх нь ээ.

Өнгөрсөн улиралд Марбэри тус багт 15 тоглож, Бүх оддын тоглолтонд оролцон Үнэ цэнтэй тоглогчоор нь тодорсон.

Марбэригийн цалин өнгөрсөн улирлынхтай адилхан байх гэнэ. Гэхдээ өнгөрсөн улиралд хэдийг авсан нь тодорхой биш, зарлаагүй. Багийн эзэн Ван хэлэхдээ хагас улирал тоглохдоо 100 000 доллар авсан гэсэн.

Хуваалцах/Тэмдэглэх

Хитийг ирэх улирлын финалд хүрч, Селтиксээс илүү амжилта гаргана гэх ямар ч шалтгаан олж харахгүй байгаа гэнэ.

“Тэд сайн баг болсон, гэхдээ тэд одоогоор юу ч хийгээгүй байгаа” хэмээн Америкийн шигшээ багийн бэлтгэлийн кампт байрлаж байхдаа сэтгүүлчдэд ярьжээ.

Рондо багтайгаа аварга болоод амжсан, финалд ч хүрээд амжсан нэгэн. Хэрэв багийн гол тоглогчид нь гэмтэл бэртлээс хол байх юм бол Селтикс ирэх улиралд дахиад финалд шалгарах бүрэн боломжтой гэж Рондо бодож байна.

“Би Лейкерсийн талаар л санаа зовж байна. Бидний хожих ёстой баг бол Лейкерс. Майами цаасан дээр хүчирхэг байгаа, мэдээж би тэднийг маш сайн баг болно гэж бодож байна. Гэхдээ эдгээр залуус баг болоход хугацаа хэрэгтэй.

Үдэш бүр бидний гол өрсөлдөгч бол бид өөрсдөө. Бид бүсийн аваргаа хамгаалах баг. Улирлын эхний тоглолт болоход л тэр өмнөх аварга зэрэг нь огт хамаагүй болно. Бид бэлтгэлийн камп руу дахин финалд үлдэж, финалд хожих зорилготойгоор очно” гэж ердөө 23 настай Рондо хэлж байна.

Рондо өнгөрсөн улиралд плей-оффийг оролцуулаад бараг 4000 минут талбайд тоглосон, финал хүртэл баг нь явсан. Үргэлжлүүлээд шигшээ багийнхаа бэлтгэлд хамрагдаж байна. 2 долоо хоногийн өмнө Рондог шигшээ багийн менежер Жерри Колангело урьж, Рондо ч зөвшөөрсөн. Шигшээ багт Биллапс, Роуз, Вестбрук, Эванс, Карри гээд олон сайн байрлал ижил тоглогчид байгаа учраас Рондо бэлтгэлд нэгдэхээр шийдсэн гэнэ.

Хуваалцах/Тэмдэглэх

Мэттьюс өнгөрсөн жил драфтлагдалгүй НБА-д элсэж 9.4 оноо, 2.3 самбарыг 24.7 минутанд хийж байв. Бүх 82 тоглолтонд оролцож, 48-нд нь гараанд гарсан гэж байгаа.

2 дахь жилдээ тоглох гэж байгаа тоглогчийн хувьд тэр маш том, их мөнгөний гэрээ хийлээ. “Зарим хүмүүс намайг хэрээсээ хэтэрсэн байдлаар үнэлэгдлээ гэж хэлж болно. Би өөрийнхөө хувьд байж болох хамгийн сайн түвшинд хүрэхийн төлөө шаргуу хөдөлмөрлөх болно. Олон хүн миний хэрхэн тоглодгийг үнэлж, хүндэлдэг. Би Ройгийн замен болсон ч Ройтой хамт тоглосон ч ялгаагүй, чадах бүхнээ л хийнэ.

Би Юта Жаззад надад үнэхээр том боломж олгож, НБА-ын тоглогч болгож,  мөрөөдлөө биелүүлэхэд тусалсанд баярласнаа хэлэх хэрэгтэй ” гэж Мэттьюс хэлжээ.

————————————————————————————–

Филадельфи 76 баг ахмад төвийн тоглогч Тони Баттитай гэрээ хийжээ. Ветераны туршлага залуу тоглогчдод сайнаар нөлөөлөх болно гэж 76-ийн ерөнхийлөгч Эд Стафански хэлсэн байна.

Батти НБА-д 12 улирал тоглосон тоглогч юм.

—————————————————————————————

Жереми Лин гэх Ази гаралтай Америк залуу НБА-ын тоглогч боллоо. Харвардад сурдаг тэрээр зуны лигт тоглосон бөгөөд НБА-ын скаутуудын анхаарлыг татжээ. Ялангуяа Жон Уоллийн эсрэг тэр маш сайн тоглосон байна.

Линтэй Голден Стэйт гэрээ байгуулж байгаа аж. “Энэ итгэмээргүй. Би иймэрхүү зүйлийн нэг хэсэг хэзээ ч болж байсангүй” гэж Уириорзийн анхны Ази-Америк тоглогч болж байгаа Лин хэлжээ. Оакланд хавиар Ази, Хятад иргэд маш олон байдаг гэнэ.

Харвардад өнгөрсөн улиралд тоглохдоо 16.4 оноо, 4.5 оновчотой дамжуулалт, 4.4 самбараас авалт хийсэн бөгөөд Коннектикутийн эсрэг 30 оноо авч байлаа.

“Би Спрюэллийн плакатийг өрөөндөө өлгөж, Жо Смитийн жерсиг өмсөж өссөн” гэж Сан Франциско Про-Ам лигт тоглохоор эргэлтгүй шийдээд байсан Лин хэлж.

—————————————————————————————-

Өнгөрсөн улиралд Спэрст тааруу тоглосон Ричард Жефферсон гэрээгээ шинэчилж байгаа аж. Нэлээн хэдэн жилийн гэрээ хийж байгаа бөгөөд ирэх улиралд ямар ч байсан 15.2 саяыг авахаар болж байгаа гэнэ.

Жефферсон өнгөрсөн улиралд 12.3 оноо дунджаар авсан нь түүний шинэ тоглогчийн улирлаас хойшхи хамгийн муу үзүүлэлт юм.

——————————————————————————————-

Лос Анжелес Клипперсийн талтай уулзаж ярилцсан Трэйси МакГрэйди Чикаго Буллзтай бас уулзах нь. “Клипперс, Буллз, Лейкерс, Хит…өглөө бүр л солигдоно. Энэ бол НБА” гэж тэрээр өөрийн твиттертээ бичиж.

МакГрэйди өнгөрсөн улиралд гэмтлээс эргэн ирэхдээ Рокитсийн гол тоглогч, лидерийн байх сууриа эргэлт буцалтгүй алдсан байлаа. Улмаар Никст очиж, 24 тоглолтонд оролцохдоо 9.4 оноо дунджаар авсан. Улирал дуусаад чөлөөт агент болоод байгаа юм.

Хуваалцах/Тэмдэглэх

НБА-ийн супер од ЛеБрон Жеймс Кливлэнд хотын багийг орхиж  Майами Хит багт тоглохоор шийдсэнээ мэдэгдсэнээс хойш Кавальерсийн фэнүүд №23 дугаартай өмсгөл болон түүнтэй холбоотой фудболк, пүүз, хувцас хэрэглэлийг  хотын эргэн тойронд хаясан байлаа. Үүнийг зохион байгуулагчид цуглуулж, өмнөд Флорида мужийн орон гэргүй иргэдэд илгээж эхэлжээ.

Энэхүү компанит ажлыг Бэо Миллер 3 найзын хамтаар эхлүүлсэн бөгөөд өнгөрсөн долоо хоногоос ЛеБронтой холбогдолтой хувцас хэрэглэлийг Охайо мужийн зүүн хойд хэсэгт байрлах Yours Truly Restaurant  -ны салбаруудад цуглуулж эхэлсэн байна.

Миллерийн хэлснээр тэрээр энэ сөрөг хандлагатай үйл ажиллагааг эерэг тийш нь хандуулахыг хүссэн бөгөөд одоогоор үр дүн нь гайхалтай байгаа тухай хэлжээ.

“Бид үүнийг сайн үйлс болгохыг хичээсэн” гэж тэр хэлээд, “Бид мөн дахин ЛеБроныг үзэн ядах аянг зохион байгуулаагүй, одоо болсон бүхэн хангалттай гэж бодож байна” гэжээ.

Дог Лейблих, Yours Truly –ын нэгэн салбарын менежэрийн хэлснээр “ Манай салбарт ЛеБроны залуу фенүүд их ирж байна, ялангуяа түүний №23 өмсгөл. Гэхдээ бид бүх төрлийн хувцас хэргэлэлийг авсаар байна” гэжээ.

Жеймсийн 7 сарын 8-ны өдрийн нэг цагийн турш үргэлжилсэн ТВ-ийн тусгай нэвтрүүлгээр Кливлэнд хотоос салах болсноо мэдэгдсэн нь тус муж, хот даяар түүний эсрэг сөрөг үйл ажиллагаа явагдахад хүргэсэн юм. Зарим фэнүүд түүнийг шийдвэрээ хэлмэгц №23 өмсгөлийг шатаасан удаатай.

Энэ сайн үйлсийн хандивын аянгын хажуугаар Миллер түүний найз Крис, Эндрью, Тим нар ЛеБрон тус хотыг орхисноос эхлэн breakupwithlebron.com вебсайтийг нээн түүн дээр “Энэ бол бид биш, энэ бол та нар” гэсэн бичигтэй фудболкнуудийг худалдаалж эхэлсэн байна.

Хуваалцах/Тэмдэглэх

Түүний шинэ гэрийг цухас танилцуулбал:

- Найман унтлагын өрөө, 11 ариун цэврийн өрөө

- 270 орчим метрийн усан сан

- Бүтэн бэлтгэлийн өрөө

- Тусгай зочдод зориулсан теннисний талбай, корт ярд

- урт ус руу харсан тавцан гээд өчнөөн юм бий.

Энэ байшинд амьдарсны төлөө ЛеБрон жил бүр 1 сая долларын татварыг төлж бусад нэмэлт зардалд 150 мянган ногооныг тушааж байх нь ээ.

Одоогийн энэхүү харшийн эзэмшигч нь Флорида мужийн хамгийн том авто машиний магнат бөгөөд нэг хэсэг Пэт Райли энэ байшинд амьдарч байсан нь ЛеБроны шийдвэрт хүчтэй нөлөөлсөн аж.

Хуваалцах/Тэмдэглэх

—————————————————————————-

Санхүүгийн хямралд ороод байсан Крис Кохан өөрийн эзэмшлийн Голден Стэйт Уириорз багаа 450 сая доллараар Joe Lacob болон Mandalay Entertainment CEO Peter Guber-т худалдахаар болсон байна. Лакоб багтай болсноор өөрийнх нь мөрөөдөл биелж байна, Уириорзийн сэргээн босгох, өөрчлөн байгуулахад чадах бүхнээ хийж урьдын супер багийг бий болгоно гэж хэлжээ.

Кохан Уириорзийг 1995 онд 119 саяар авч байж. Үүнээс хойш энэ баг ердөө ганц л удаа плей-оффт орсон амжилттай. Тэр үеэс хойш өдийг хүртэл плей-оффт 5-аас доош оролцсон өөр ердөө 2-хон байдаг бөгөөд Клипперс 2, Мемфис/Ванкувер 3 шалгарч байж. Тэгэхээр ер нь Уириорз сүүлийн 15 жилийн хамгийн амжилт муутай баг болох нь. \

Хэдий тийм ч Оракл Арена үзэгчдээр ямагт дүүрэн байдаг.

Лакоб, Губер нараас гадна өөр 3 ч тал Уириорзийг авахаар өрсөлдсөн гэнэ. Ялангуяа Oracle-н Ларри Эллисон гол нэр дэвшигч байжээ. Эллисон 28 тэрбумын хөрөнгөтэй, дэлхийн 6 дахь баян хүн юм байна. Эллисон хамгийн их мөнгөн саналыг Коханд явуулсан ч багийг авч чадаагүйдээ нэлээн цочирдсон гэнэ.

2004 онд Сансыг худалдаж авахын төлөө Роберт Сарвер 401 сая доллар төлж байсан бол энэ дээд амжилтыг Лакоб, Губер нар эвдсэн нь энэ.

Гэхдээ одоо Лакоб, Губер нар албан ёсоор Голден Стэйт Уириорзийн эзэн болоогүй. Өөр 3 ч шат бий. Юуны түрүүнд Лакоб Селтикс дэх өөрийн хувьцаагаа зарах ёстой.

Губер нь продюсер бөгөөд  ”Rain Man,” “Batman,” “Flashdance” болон “The Color Purple” зэрэг киног бүтээхэд оролцсон аж. Тэрээр 1995 онд “Mandalay Entertainment Group”-ийг үүсгэн байгуулж, энэ групп нь “Donnie Brasco,” “Enemy at the Gates” болон “Seven Years in Tibet” зэрэг киног бүтээжээ.

—————————————————————————-

Дуэйн Уэйд шинэ хамтрагчаа өмөөрсөн байна. ЛеБроныг Кливлендийг орхих шийдвэр гаргасны дараа Кливленд Кавальерсийн эзэн Дэн Гилберт фэнүүддээ шуугиантай нэгэн захиа илгээсэн. Түүндээ ЛеБроныг урвагч, бултагч, багаа орхихоор аль хэзээ шийдсэн байсан, плей-оффт Бостоны эсрэг худлаа тоглосон зэргээр бичсэн байсан. Үүнийх нь төлөө Гилбертийг НБА-с 100 000 доллараар торгосон.

Уэйд хэлэхдээ “ЛеБрон Бостоны эсрэг чадлаараа л тоглосон. Бостон Селтикс ямар сайн хамгаалалттайг ЛеБрон Жеймс, Дуэйн Уэйд, Коби Брайант нар мэднэ. ЛеБрон плей-оффт 1 муу тоглолт л хийсэн. Коби ч финалд муу тоглосон удаа байгаа. Гэхдээ түүний баг хожсон. Харин ЛеБроны багийнхан түүнгүйгээр хожиж чадаагүй. ЛеБрон бол бэрхшээлийн өмнө өвдөг сөхөрч, хулчийдаг хүн биш. Тэр тэгээгүй” гэсэн байна.

Хуваалцах/Тэмдэглэх

Чайлдресс Олимпиакост тоглож байсан ч Атлантад данстай байсан бөгөөд Санстай тохиролцож, солилцоо явагджээ. Санс 2012 оны драфтын 2-р бүсийн эрхээ Атлантад өгч байгаа болно.

“НБА-г орхих шийдвэр гаргасан нь хүнд байлаа. Өөр орон луу нүүж, өөр соёл, өөр хэл, өөр хоол, олон ялгаатай зүйлүүдтэй тулгарсан. Юу хүлээж буйг мэдэхгүй байсан, гэхдээ би шийдвэртээ сэтгэл хангалуун байдаг” гэж Чайлдресс Европыг зорьсон тухайгаа ярьжээ.

Чайлдресс 2004 оны драфтын 6-р сонгогдсон тоглогч бөгөөд Хоукст 4 улирлыг муугүй тоглож өнгөрүүлснийхээ дараа Европыг зорьж олныг гайхашруулсан.

Хедог авахын тулд Санс  Леондра Барбоза, Дуэйн Жоунс нараа Рэпторст өгсөн байна. Туркоглу нь сайн шидэгчээс гадна сайн плеймэйкр. Лигт 10 улирал тоглохдоо 7-д нь плей-оффт тоглосон, 2009 оны Мэжикийн бүрэлдэхүүнд багтаж, финалд хүрч байсан нэгэн. Улмаар финалын дараа Мэжикийг орхиж, Рэпторст ирсэн ч хамгийн таагүй шахуу улирлаа өнгөрөөсөн билээ.

31 настай довтлогч 2 жилийн өмнөх шигээ тоглож чадна гэдэгт Санс найдаж сонгосон нь дамжиггүй. Мөн Нэштэй сайн хосолж, багаа удирдах биз ээ.

Харин Барбозагийн хувьд Санс багт 7 улирал тоглохдоо лигийн шилдэг нөөц тоглогчдын нэг болж чадсан нэгэн. Сансын хувьд түүнийг явуулснаар хохирол амсаж байгаа нь мэдээж боловч Хедо шиг тоглогчийг авахын төлөө ийм алхам хийхээс яахав. Горан Драгич өнгөрсөн плей-оффт “цоорсон” нь ч Барбозаг үдэхэд нөлөөлсөн байх.

Хуваалцах/Тэмдэглэх

Чөлөөт агент болоод байсан холбон тоглогч Кайл Лоуриг тэд авахаар оролдож санал тавьсан ч Рокитс Лоурид яг Кавальерсийн тавьсан саналыг мөн хүргүүлснээр дүрэм ёсоор Лоури Рокитстоо үлдэж байгаа юм. Кавальерс уг нь Лоурид 3 жилийн 24 саяын гэрээ санал болгосон байлаа. Рокитс 7 хоногийн дотор энэ саналтай адил санал тавьбал Лоуриг багтаа үлдээх эрхтэй бөгөөд 7 хоног хүлээх шаардлагагүй байсан бололтой, тэр дор нь шийдвэр гаргажээ.

Лоури өнгөрсөн улиралд 9.1 оноо, 4.5 оновчтой дамжуулалт, 3.6 самбараас авалтыг Аарон Бруксийн нөөцөөр тоглохдоо дунджилсан.

“Тэр манай багийн томоохон хэсэг. Тэр нөөцнөөс гарч ажлаа сайн хийдгийн дээр Аарон Брукстэй хамтдаа ч талбай дээр сайн тоглодогт нь бид дуртай. Лоуриг дахин багтаа тоглуулах болсон нь бидэнд чухал явдал боллоо” хэмээн Рокитсийн менежер Морей хэлжээ.

Одоо довтлогч Сколатайгаа дахин тохиролцох нь Рокитсийн дараагийн зорилго нь гэнэ.

ЛеБроныг алдаад, араас нь Зидрунас Илгаускасаа үдээд буй Кавальерс өөр бусад солилцоо наймаа ярьж байгаа ч одоогоор бүтсэн зүйл алга л байна.

Харин довтлогч Жермайн О`Нил Бостон Селтикстэй тохиролцоонд хүрсэн гэнэ.

Хуваалцах/Тэмдэглэх

Чөлөөт агент довтлогч Эл Харрингтон өөрөө Наггетстай гэрээ байгуулж буй тухайгаа хэлсэн байна. Тэрээр Кенион, Крис Андерсон, Нене нарт туслах үүрэг хүлээх нь.

Жермайн О`Нил, Удонис Хаслем зэрэг тоглогчид Денверийн овоо хараанд байсан ч тэднийг өөрийн болгож чадаагүй, Харрингтон дээр бууж байна. Харрингтоныг Даллас ч мөн сонирхож байсан ч өөрөө Денверийг сонгожээ. Даллас түүнд Денвер шиг тоглох хугацаа болон цалин өгч чадахгүй тул ийм сонголт хийсэн байх.

Ирэх улиралд Харрингтон 5.8 саяыг аваад, түүний дараагийн 5 жилд 33 орчим сая доллар авах аж.  Кенион, Крис Андерсон нар ирэх улирлын эхэнд бэлэн байж чадахгүй тул Нене болон Харрингтон гэсэн гарааны хослол гарах болов уу.

Тэрээр өнгөрсөн улиралд 17.7 оноо, 5.6 самбараас авалт дунджилсан. 11 сарын 27-нд Денверийн эсрэг 41 оноо авч гялалзсан ч зөрүүлээд Мело 50 оноо авч, Наггетс хожиж байв.

Денверийн од тоглогч нь буюу Кармело Энтони одоо бал сараа тэмдэглэж, телевизийн од Лала Васкестайгаа Нью-Йоркт байгаа. 3 жилийн 65 сая долларын багийнхаа саналд ерөнхийдөө татгалзаад байгаа. Энэ зун гэрээгээ сунгаж амжихгүй бол Мело ирэх зун чөлөөт агент болно. Магадгүй ирэх зун лигээс шинэ дүрэм гаргаж, тоглогчдын цалингийн лимитийг багасгаж магадгүй, улмаар локаут ч болж магадгүй тул боломж гарвал тоглогчид гэрээгээ сунгаад авахыг оролдож байгаа ч Мело өөр бодолтой байгаа бололтой.  Баг нь илүү хүчирхэг, аваргын төлөө өрсөлдөх хэмжээний байхыг л тэрээр хүсэж байгаагаа хэлсэн.

Хуваалцах/Тэмдэглэх

Риднур дунджаар 10.4 оноо авч, 4.0 оновчтой дамжуулалтыг өнгөрсөн улиралд Бакст Брэндон Женнингсийн нөөцөөр тоглохдоо өгч байв. 29 настай тэрээр НБА-д 7 улирал тоглосон, Миннесота түүний 3 дахь баг болох нь. Баксийн өмнө Люк Сиэтлд тоглож байлаа. Риднурийг ирэхээс өмнө 25 настай Райн Холлинс Миннесотагийн хамгийн ахмад тоглогч байв.

Миннесота багийнхаа лидер Эл Жефферсонийг Юта руу явуулж, цалингийн цэс нь их зайтай болоод байгаа.

Жон Флин, Рамон Сешнс байгаа, мөн 2011-2012 оны улирлаас Рики Рубио Испаниас ирж магадгүй хэдий ч Миннесота Риднурийг авлаа. Магадгүй Риднурийг илүү туршлагатай гэж үзэж байгаа биз.

Гэхдээ Риднур багт нь ирж байгааг сонсоод Сешнс өөр баг хайж эхэлсэн бололтой. Түүний агентийн хэлснээр хэд хэдэн баг Сешнсийн араас сонирхож байгаа гэнэ.

Мөн Шарлотт Бобкэтс чөлөөт агент Шон Ливингстонтой гэрээ байгуулсан байна. Түүний агент Анри Томас энэ тухай хэлж. Гэхдээ тэр цалин мөнгөний тухай дурдаагүй ч Yahoo!Sports-т бичсэнээр 2 жилийн 7 саяын гэрээ бололтой.

Рэймонд Фелтон Никс рүү явсан, Бобкэтс зөвхөн Д.Ж.Агустин гэсэн ганц холбогчтой байсан тул Бобкэтс ийм сонголт хийжээ.

Хуваалцах/Тэмдэглэх