Тэр үед Райт нэлээн хэмжээний бэлэн мөнгөтэй явсан бөгөөд цагдаа нарын үзэж буйгаар халдлагын хохирогч болсон бололтой. Түүнийг хэд хэдэн удаа буудсан байсан гэнэ.

Райтийн эгч Савиа Арчи хамгийн сүүлд өнгөрсөн Баасан гаригт дүүгээ харсан, түүнийг Мемфис рүү нисэж, найзууд болон 6 хүүхэд дээрээ зочлохоор явж байгаа гэж таамаглажээ.

Райт Мемфисийн коллежийн багт тоглож байгаад драфтаар 7-оор Клипперст сонгогдож 3 улирал тоглоод Хоукст 2 драфтын 1-р бүсийн эрхээр зарагджээ. Тэр эрхүүд нь Куйнтин Ричардсон, Крис Уилкокс нар болж байсан гэнэ. 2001 онд Хоукс Райтийг По Газоль, Бревин Найтийн хамт Гризлест өгч, оронд нь Шариф Абдур Рахим, Жамал Тинслиг авчээ. Гэхдээ эргээд 2006 онд Хоукст ирсэн ч 2008 онд Майк Биббигийн солилцооны хүрээнд Кингзийн тоглогч болсон гэнэ. Харин хамгийн сүүлд 2008-2009 оны улиралд Кавальерст тоглосон нь түүний сүүлийн улирал байв.

Хуваалцах/Тэмдэглэх

Яо өөрийн ирээдүйн талаар бага зэрэг итгэлгүй байгаагийн дээр Хятадын сагсан бөмбөгийн программийг шүүмжлээд авч.

Рокитсийн ерөнхий менежер Дэрил Морей харин арай өөдрөг байгаа бөгөөд ирэх улирлын бэлтгэл эхлэхэд Яог бүрэн фит болчихно гэж тооцож байгаа аж.

Яо ирэх 9 сард 30 нас хүрэх бөгөөд өнгөрсөн улирлыг бүтэн өнжсөн. 2009 оны плей-оффт тэрээр хөлдөө гэмтэл авч, улмаар хагалгаа хийлгэсэн юм. Тэрээр ирэх улиралд 17.7 сая долларийн цалин авах ёстой, тэгээд 5 жилийн гэрээ нь дуусна.

Яо одоогоор Хятадад байгаа.

2012 оны Лондонгийн олимпод тэрээр бараг оролцохгүй гэнэ. “Боломж маш бага. Хөлний гэмтэл намайг дахиж олон тоглолтонд оролцох боломжийг олгохгүй нь. Би өмнө нь ч хэлж байсан, би шигшээ багаасаа зодог тайлна, спортоо ч орхино. Энэ бүх л тамирчдад тохиолддог зүйл. Хэрэв энэ гэмтэл ирэх улиралд илааршихгүй бол би тоглоомыг орхих болно” гэж Яо хэлжээ.

Яогүй бол Хятадын шигшээ хүчтэй байж чадахгүй. Өнгөрсөн жил л гэхэд нутагтаа Азийн аваргын шигшээд Ираны багт хожигдож байв.

“Бид нөөц багийн хөгжил болон CBA лигээ хаяж, зөвхөн шигшээ багаа олимпод оролцох тал дээр л анхаарсан. Энэ бол буруу. Би 30 настай. Тиймээс би Хятадын сагсан бөмбөгийн ирээдүй биш.” гэж тэр мөн хэлжээ.

Хуваалцах/Тэмдэглэх

Ерөөсөө гол нь 3-уулаа цуг, нэг баг болох талаар ярилцсан гэнэ. Тухайлбал Майами Хит багт.

Уэйд багтаа үлдэж шинэ гэрээ хийхэд асуудалгүй. Бош Торонтог орхих байх гэж Рэпторсийн менежер нь хэлчихээд байгаа. Уэйд – Бош нэгдэх магадлал бол байна. Гагцхүү ЛеБрон!

ЛеБрон одоогоор тодорхой зүйл юу ч хэлээгүй байгаа. Кливленд хотоо нарлаг Флоридагаас солих уу? Эдгээр одууд нөгөөдрөөс эхлээд албан ёсоор чөлөөт агент болно. Чикаго Буллз бол ЛеБроны төлөөх “дайнд” дээгүүр байгаа. ЛеБрон биш юм аа гэхэд Уэйд. За бүр үгүй бол Бош, Бузер.

Даллас Маверикст ч боломж бий.

Даваа гаригийн өглөө “Fox Sports Radio”-ийн Стифан А.Смит өглөөний радио нэвтрүүлгээр болон өөрийн твиттерээр Бош, Жэймс нар Уэйдтэй нэгдэж байгаа гэж хэлсэн гэнэ.

Америкийн шигшээ багийн 3 од тоглогчид 2010-11 оны улиралд дээд хэмжээний цалин болох 16,5 сая доллар өгөх боломж одоогоор Пэт Райлид байхгүй. Майами Хит довтлогч Майкл Бизлигээ зарж, цалингийн цэсээ улам суллах боломжтой.

Энэ 3-ын 2 нь, ялангуяа Бош нөгөө 2-ынхоо нэгтэй нь хамтрагч болох магадлал их. ЛеБрон – Уэйд нар Мөрөөдлийн багт л гэхээс НБА-д нэг багт байх хэцүү л болов уу. Энэ бол яахав, миний л бодол.

Хуваалцах/Тэмдэглэх

Крис Андерсоны хувьд амралтын үеэрээ шинэ шивээс хийлгэжээ. Тэрээр хүзүүн дээрээ шивээс хийлгэсэн байна. Энэ зурагны зүүн талд байгаа нь шинээр  шивээс хийлгэхээс өмнөх нь, баруун талд байгаа нь шинэ шивээс хийлгэсний дараах нь.  “Free Bird” гэсэн үг л байгаа бололтой.

Ингээд Андерсоны биед шивээсгүй зай бараг үлдсэнгүй. 95 хувь нь шахам шивээсээр дүүрчээ. Энэ сайн зүйл лав биш байх.

Хуваалцах/Тэмдэглэх

Ирэх улирал дууссаны дараа Кобигийн шинэ гэрээ хэрэгжиж эхлэх болно. Коби энэ улиралд 23 саяын цалин авч байгаа бол дараа улиралд 24.8 саяыг авна.

“Тоглогч бүх л кареерийнхаа турш нэг хотод, нэг багт тоглох нь их ховор. Миний сэтгэл үүнд их сэтгэл хөдөлж байна” гэж Коби өнөөдөр Ютаг хожсоныхоо дараа хэлж.

Коби 2011-2012 оны улиралд 27.4 саяыг, дараагийн улиралд нь 30.2 саяыг, сүүлийнхээ улиралдаа 32 саяыг авах юм. Тэр үед Коби 35 нас хүрсэн байх болно.

Кобигоос уг гэрээ өөрийнх нь хувьд сүүлийнх үү гэж асуухад, “Мэдэхгүй юм, гэхдээ тийм байх магадлалтай” гэжээ.

Кобид НБА-д 14 дэх улиралдаа тоглож байгаа, зөвхөн Лейкерсийн төлөө.

Кобигоос гадна По Газоль, Рон Артист нар ч Лейкерст удаан тоглоно. Ламар Одом, Эндрью Байнум нарын гэрээ 2012-2013 оны улирлын дараа дуусна. Тэгэхээр Лейкерс ирэх 3 жилд лав аваргын төлөө өрсөлдөх баг хэвээр байх нь.

Янз бүрийн руморуудаар Коби өөрийн онцгой эрхийн дагуу сүүлийн 2 жилийн гэрээгээ цуцлаад (НБА-ын тоглогчдоос зөвхөн Коби л ийм эрхтэй гэрээ хийсэн гэж сонссон, ихэнхдээ тоглогчид гэрээний сүүлийн жилдээ тоглохгүйгээр чөлөөт агент болох боломжтой гэрээ хийдэг ) чөлөөт агент болж, ЛеБрон, Уэйд нар шиг олон сонголтын өмнө зогсоно гэж байсан ч тийм зүйл болсонгүй.

Кобигийн гэрээ сунгалтыг ийм эрт хийсэн нь учиртай. Лейкерсийн ерөнхий менежер Мич Купчак плей-оффын үеэр тоглогчтойгоо шинэ гэрээ ярилцаад сууж байх нь зохимжгүй гэж үзсэн, мөн Лейкерс шигшээ тоглолтонд үлдвэл дараа нь Кобитой гэрээ сунгалтын талаар ярилцах хугацаа бага буюу 7 сарын 1-нээс өмнө амжуулахад хэцүү гэж тооцсон бололтой.

Лейкерс Газолийн гэрээг өнгөрсөн оны 12 сарын 24-нд сунгасан. Өнөөдөр Кобигийн гэрээг сунгалаа.  Одоо Фил Жексонтой ярилцаж эхлэх биз. Хэрэв Лейкерс энэ улиралд аварга болвол Фил ирэх улиралд багаа дасгалжуулна гэж хэлсэн. Аварга болж чадахгүй бол яах вэ гэдэг нь тодорхойгүй.

Коби энэ улиралд 27.2 оноо, 5.3 самбараас авалт, 5.1 оновчтой дамжуулалт хийж байгаа.

Хуваалцах/Тэмдэглэх

Эхний удаа багийн дүү Аландо Такертай хамтран гараа цэвэрлэх ямар чухал болох тухайг бэлтгэсэн бол дараа нь Леандро Барбосатай хамтран багийн онгоцондоо Аватарыг бүтээжээ. Зураглаачийн ажлаа ч өөрөө хийнэ. Түүний хошин шогийн мэдрэмж зэрэг нь янзтай.  Дараагийн Спильберг, Камерон ч юм бил үү. Хэн мэдлээ. Сонирхолтой, хошин видеонуудыг үзэцгээе.

Хуваалцах/Тэмдэглэх

Хуваалцах/Тэмдэглэх

NBA наймааны цонх хаагдахад хэдхэн хоног үлдээд байна. Одоогоор NBA сонирхогчдын гол анхаарал Хьюстоны лидер Трэйси Макгрэйдиг аль багт очих эсэх дээр төвлөр байгаа билээ. Шинэхэн мэдээллээр түүнийг 76чууд баг илт сонирхож байгаа гэнэ. Энэ яриа сүүлийн үед эрчтэй яригдах болов.

Энэ жил тун тааруу байгаа 76-чууд Айверсоныгоо буцаж авчирсан ч огт өөрчлөгдсөн юмгүй. Энэ мэтээс залхав уу? эсвэл эрс шинэчлэлт хийхээр шийдэв үү? ямар ч байсан өөрсдийн лидер Андре Игоудалагаа Пуужинд өгч оронд нь Трэйсиг авчрах юм гэнэ. Мэдээж хэрэг Игги дээрээ нэмж нэг тоглогч өгөх юм байна. Төвийн тоглогч Самуэль Далембертийн нэр ч яригдаж буй.
Үүний цаад учир нь амжилт нь ахихаа больсон багаа эрс шинэчилж, өндөр үнэтэй урт хугацааны гэрээтэй тоглогчдоосоо салах бодлого барьж буй нь ойлгомжтой. Трэйси хэдийгээр 23 сая ногооны өндөр үнэтэй, маш эрсдэлтэй нь үнэн боловч түүний гэрээ ирэх жил дуусна. Өөрөөр хэлбэл ирэх жил тоглогч авахад 14 сая ногооны цалингийн зай гаргаж чадах юм байна. Нөгөө талаар хэдий эрсдэлтэй боловч алдаад байх юм бараг байхгүй 76д…. Трэйси эргэн ирсэнээ үзүүлж сайн тоглохыг хичээх болно. Сайнаар бодоход Айверсон, Трэйси, Брэнд нарын хөгшин оддын цуглуулга болсон 76 ПО-д орлоо, муугаар бодоход Трэйси дахин гэмтэж бэртээд тоглохгүй болоод 76 ПО-с мултарч драфтаас дээгүүр тоглогч авч мөн ирэх улирлын үнэтэй тоглогчидтой гэрээ байгуулах боломжтой болно.

Гэмтэл бэртлээр дүүрэн байгаа Портлэнд Трэйл блэзерс баг Вашингтон, Чикаго багуудтай наймааны яриа үүсгэсээр л.

Өөрсдийн төвийн тоглогч Грег Оден, нөөц төвөө гэмтэлд алдсан Портлэнд Вашингтоны төвийн тоглогч Брандон Хэйвүүдийг Руди Фернандез, Николас Батум нараар авахаар хөөцөлдөж байгаа сурагтай. Мөн Чикагогийн нөөц төв Брэд Миллерийг авахаар төлөвлөсөн байгаа юм байна. Гэхдээ Чикаго ахмад туршлагатай төвийн тоглогчоо явуулах эсэх нь эргэлзээтэй.

Харин Вашингтон сонирхол татаж буй. Гилберт Аренас нь буу шийдэмтэй холбоотой томоохон хэрэгт орооцолдсоноос болж амжилт гаргахгүй байгаа багаа тэр чигээр нь тарааж дахин бүхнийг шинээр эхлэх төлөвлөгөөтөй байгааг зарласан. Туршлагатай довтлогч Энтаун Жэмисон, Кэрон Батлер, төвийн тоглогч Брандон Хэйвүүд нараа боломж нь олдвол гайгүй залуу тоглогчоор солих бодолтой байгаа юм.

Мөн ирэх жил гэрээ нь дуусах Дуэйн Уэйдэд хань олж өгч гэрээг нь сунгах бодолтой байгаа Миами Хит баг Финиксийн төвийн тоглогч Амаре Стадемайрийг сонирхож буй гэнэ. Энэ жил гэрээ нь дуусах ахмад төвийн тоглогч Жермэйн О’Нилоор түүнийг авах юм байх. Амаре Стадемайр ч багаасаа явах нь бараг тодорхой болоод байгаа. Өнгөрсөн тоглолтын дөрөвдүгээр үеийг сэлгээнээс үзэж сонирхсон зэргээс Финиксийн удирдлага, Амаре нарын хооронд ямар нэгэн юм болсныг төвөггүй ойлгож болно.

Одоо гол нь хоёр талын яриа хэлэлцээр амжилтанд хүрэх эсэхэд л оршиж буй гэнэ. Финикс бол залуу ирээдүйтэй тоглогч сонирхож буй нь лавтай.

НБА-ын солилцоо наймааны цонх 2 сарын 18нд хаагдана. Хэн нь хэнээр солигдож, ямархуу бэлэг барих юм бол доо?

Хуваалцах/Тэмдэглэх

Вашингтон Визардс багийн лидер Гилберт Аренас өдүүлсэн хэрэгтээ шийтгэгдэж тодорхой бус хугацаагаар тоглолтонд оролцохгүй байх шийтгэл лигээс хүлээлээ. Ингэсэнээр тэр бараг энэ улирлын тоглолтыг өнжих магадлалтай болов.

Шүүхийн шийдвэр гарсны дараа тоглолтонд оролцуулах хугацааг лигээс заах юм байна.

Аренас шинэ оны дараахан өөрийн багийн тоглогч Жаварис Криттентон руу буу тулгасан, гэмт хэрэг өдүүлсэн юм.

Тэрбээр энэ үйлдлээ тоглоом болгож буу гаргасан хэмээн хэлсэн аж.

Гилберт Аренас Вашингтон багтайгаа 6 жилийн 111 саяын гэрээг үзэглээд өдгөө хоёр дахь жилдээ орж байгаа юм, түүний жилд авах 16.2 сая ногооноос өнжсөн тоглолт бүрд тооцож нэг тоглолтоос 147 мянга орчим ногооны мөнгөн торгууль ногдуулах юм байна.

Шүүх шийдвэрээ гаргатал маш удна, тэгэхээр Аренас хамгийн сайнаар бодоход энэ зун л асуудлаа бүрэн шийдэж чадах болов уу. Тиймээс түүнийг энэ улирал өнжиж, магадгүй ирэх улирлын эхний арван тоглолт шийтгүүлэх байх гэж тааж байна.

Хуваалцах/Тэмдэглэх

34 настай хамгаалагч Аллен Айверсон зодог тайлсанаа өчигдөр албан ёсоор мэдэгдлээ.

Мемфис Гризлис багтай энэ улиралд нэг жилийн гэрээ хийсэн алдарт тоглогч маань нөөцийн суудалд суухгүй хэмээн мэдэгдсэнээр багаасаа явсан. Айверсон багаа орхиод нэг хэсэг ажил хайсан боловч түүнийг авах баг олдоогүй. Хамгийн сүүлд Никс баг түүнийг сонирхож байсан ч авахгүй гэдгээ албан ёсоор мэдэгджээ.

Ийнхүү хариулт хочтой Аллен Айверсон кареераа өндөрлөллөө. Гэхдээ түүнийг дахин эргэн ирэхийг үгүйсгэх аргагүй. Алдарт Майкл Жордан хүртэл хоёр ч удаа зодог тайлж байсаныг дурдахад хангалттай.

Тэрвээр үндэсний сагсан бөмбөгийн лигт 14 жил тоглосон бөгөөд энэ хугацаанд Филаделфиа, Денвер, Детройт болон Мемфис багт харьялагдаж байсан. 1996 оны драфтын нэгээр шалгарсан Аллен тэр жилийн шилдэг шинэ тоглогчын шагнал хүртэж, хожмоо 4 удаа лигийг оноогоор тэргүүлж, 2001 онд улиралын үнэ цэнэтэй тоглогчоор тодорч, багаа зүүн бүсийн аварга болгож, 10 удаа бүх ододын тоглолтонд нэрлэгдэж, 2 удаа бүх ододын тоглолтын үнэ цэнэтэй тоглогчоор тодорч, 3 удаа бүх америкийн нэгдүгээр багт дэвшиж байв.

Мөн тэрбээр Америкийн үндэсний шигшээ багт багтаж 2004 онд Тим Данканы хамт Олимпын хүрэл медал хүртэж байжээ.

Гэвч энэ бүхэн түүх болон үлдэв.

Магадгүй бид дахин Айверсоныг талбайд харахыг үгүйсгэж болохгүй ч гэлээ домогт тоглогч маань жерсигээ хананд өлгөв. Магадгүй Айверсон гэж тоглогч агуу байсаныг зөвхөн түүх л гэрчилж үлдэж байна. Магадгүй талбайд дахин Аллен Айверсон тоглохыг харахгүйнээ.

Айверсон бүх цаг үеийн түүхэнд 889 тоглолтонд 24,020 оноо авсанаар 17д бичигддэг юм байна. Түүний хойно бас нэгэн Филагын домог Чарлес Баркле 1073 тоглолтонд 23,757 оноо авсан байдаг бол түүний урд өдгөө тоглож буй Коби Брьянт 962 тоглолтонд 24,242 оноо авсан байгаа ажээ. Бүх цаг үеийн оноо авалтын дундажаар Айверсон Жерри Уэйстийн хамт 27.0 оноо дунджилсанаар 5д бичигдэж байна.

Мөн бөмбөг булаалтын дундажаар бүх цаг үед 7д бичигддэг ба 2.21 бөмбөг булааж байв. Харин нийт бөмбөг булаалтаар 1,965 бүх цаг үед 12д бичигддэг юм байна.

Хуваалцах/Тэмдэглэх