"Спортын цонх" онлайн сэтгүүл - Спортод хайртай хүн бүрт зориулав! » Жүдо http://www.sportnews.mn Спортод хайртай хүн бүрт зориулав! Mongolian sport news Sun, 05 Feb 2012 14:05:27 +0000 en hourly 1 http://wordpress.org/?v=3.2.1 Д.СУМЪЯА 5-р байрт шалгарлаа http://www.sportnews.mn/2012/01/29/%d0%b4-%d1%81%d1%83%d0%bc%d1%8a%d1%8f%d0%b0-5-%d1%80-%d0%b1%d0%b0%d0%b9%d1%80%d1%82-%d1%88%d0%b0%d0%bb%d0%b3%d0%b0%d1%80%d0%bb%d0%b0%d0%b0/ http://www.sportnews.mn/2012/01/29/%d0%b4-%d1%81%d1%83%d0%bc%d1%8a%d1%8f%d0%b0-5-%d1%80-%d0%b1%d0%b0%d0%b9%d1%80%d1%82-%d1%88%d0%b0%d0%bb%d0%b3%d0%b0%d1%80%d0%bb%d0%b0%d0%b0/#comments Sun, 29 Jan 2012 09:32:54 +0000 Спортын цонх http://www.sportnews.mn/?p=60960 Болгарын Софи хотноо болсон жүдо бөхийн Дэлхийн цомын эмэгтэйчүүдийн тэмцээний эхний өдөр 57 кг-ын жинд манай хоёр тамирчин барилдсанаас нэг нь медалийн төлөө барилдав. “Хүч” спорт хорооны тамирчин Т.Баттөгс эхний тойрогт Европын залуучуудын АШТ-ий алт, мөнгөн медальт герман бөх Марлен Хайнд торгуулиар хожигдсон ба өнөөх немц жүдоч нь цааш барилдсаар хүрэл медалийн төлөө манай нөгөө бөх Д.Сумъяатай хүч үзэн, цэвэр буулгажээ.
“Хилчин” спорт хорооны тамирчин Д.Сумъяагийн хувьд эхний даваанд 2010 оны залуучуудын ДАШТ-ий хүрэл медальт, тэмцээнийг зохион байгуулагч орны бөх Ивелина Илиеваг 1 минут 29 секундэд цэвэр буулган, “Чингис хаан” Дэлхийн цомд хоёр жил дараалан аваргалснаар монголчуудад танигдсан, Азийн наадам болон Азийн АШТ-ий мөнгөн медальт, Универсиадын дэд аварга Ким Жан-Диг юүко үнэлгээгээр хожин наймд үлдсэн юм. Гэвч 2011 оны залуучуудын ДАШТ-ий мөнгөн медальт голланд жүдоч Санне Венхагенд вазари, юүко үнэлгээ алдан ялагдсан байна. Торгуулийн тойрогт “Бээжин-2008″ олимпийн наадмын хүрэл медальт, Бразилийн Кетлин Лима Куадросыг цэвэр хожоод хүрэл медалийн төлөө барилдаанд М.Хайнд цэвэр дийлджээ.
Ийнхүү Дэлхийн цомд 5-р байрт шалгарснаар Д.Сумъяа чансааны 20 оноо нэмж авч байна. Гэхдээ энэ нь олимпийн эрхийн бүст багтах зорилготой буй түүнд хэрэгтэй оноо биш юм. Олимпийн эрхийн сонгон шалгаруулалтад 2011 оны тавдугаар сараас 2012 оны тавдугаар сар хүртэлх хугацаанд үзүүлсэн амжилтынх нь шилдэг 5 үзүүлэлтийг л нэгтгэж оноог нь тооцох ба Д.Сумъяагийн хувьд Дэлхийн цомын 3 тэмцээнээс хүрэл медаль хүртэж, Чиндаогийн Гранприд 5-р байрт шалгарснаар 4 тэмцээнд 40 онооны болзлыг биелүүлчихээд байгаа юм.
Маргааш Дэлхийн цомын хоёр дахь өдөр 70 кг-ын жинд залуучуудын ДАШТ-ий мөнгөн медальт Ц.Наранжаргал барилдана. Түүнчлэн Гүржийн Тбилисид зохиогдож буй Дэлхийн цомын эрэгтэйчүүдийн Дэлхийн цомд О.Ууганбаатар, Г.Түвшинжаргал, Н.Батсуурь нар хүч үзэх билээ.

Хуваалцах/Тэмдэглэх

]]> http://www.sportnews.mn/2012/01/29/%d0%b4-%d1%81%d1%83%d0%bc%d1%8a%d1%8f%d0%b0-5-%d1%80-%d0%b1%d0%b0%d0%b9%d1%80%d1%82-%d1%88%d0%b0%d0%bb%d0%b3%d0%b0%d1%80%d0%bb%d0%b0%d0%b0/feed/ 1 С.Мияарагчаа: ИЛҮҮ ХҮНЭЭС ИЛҮҮ БАЙХЫН ТУЛД ИЛҮҮ ИХ ХӨДӨЛМӨРЛӨЖ БАЙНА http://www.sportnews.mn/2012/01/23/%d1%81-%d0%bc%d0%b8%d1%8f%d0%b0%d1%80%d0%b0%d0%b3%d1%87%d0%b0%d0%b0-%d0%b8%d0%bb%d2%af%d2%af-%d1%85%d2%af%d0%bd%d1%8d%d1%8d%d1%81-%d0%b8%d0%bb%d2%af%d2%af-%d0%b1%d0%b0%d0%b9%d1%85%d1%8b%d0%bd-%d1%82/ http://www.sportnews.mn/2012/01/23/%d1%81-%d0%bc%d0%b8%d1%8f%d0%b0%d1%80%d0%b0%d0%b3%d1%87%d0%b0%d0%b0-%d0%b8%d0%bb%d2%af%d2%af-%d1%85%d2%af%d0%bd%d1%8d%d1%8d%d1%81-%d0%b8%d0%bb%d2%af%d2%af-%d0%b1%d0%b0%d0%b9%d1%85%d1%8b%d0%bd-%d1%82/#comments Mon, 23 Jan 2012 03:01:58 +0000 Таван Цагариг http://www.sportnews.mn/?p=60654 Жилийн турш үзүүлсэн амжилтаараа шигшигдсэн шилдэг жүдочид нэр заан уригдаж оролцдог “Мастерс”-ын гурав дахь удаагийн тэмцээн Казахстаны Алматы хотноо зохиогдоход анхдугаар тэмцээний аварга Санжаасүрэнгийн Мияарагчаа өнгөрсөн оны түрүүт Хашбаатарын Цагаанбаатартай алтан медалийн төлөө өрсөлдөж, хошой аварга болсон билээ. Оролцогчид нь олимп, дэлхий, тивийн АШТ-ий медальтнууд л байдгаараа бусад тэмцээнээс ялгарах “Мастерс”-т С.Мияарагчаа хоёр дахиа аваргалж, ТОП зэрэглэлийнх гэдгээ ийнхүү баталсан юм. Түүнийг эх орондоо ирээд байхад нь уулзаж ярилцлаа.

-Та Мастерс тэмцээн анх зохиогдоход аваргалж байлаа. Харин өнгөрсөн жилийнхэд хангалтгүй барилдсан. Энэ удаагийнхад алдаагаа залруулж, аваргаа батлах зорилго тавьж очсон нь дамжиггүй байх…

-Миний хувьд 2010 оны эхний хагаст бэлтгэл сайн, амжилт гайгүй байлаа. Гэвч түүнээс хойш биеийн байдал сайнгүй, түүнийг дагаад амжилт тогтворгүй болж ирсэн. Харин өнгөрсөн намраас бэлтгэлжилт шат шатаар ахиж, тэр хэрээр барилдаан сайжирч байна. Энэ удаагийн “Мастерс”-т авна гэж зорьж очсон медалиа энгэртээ зүүж, Х.Цагаанбаатартайгаа зэрэгцэж зогсоод төрийн дууллаа сонсоход оргилуун, омогших сэтгэл төрж байлаа.

-Оролцох тамирчид нь тодорхой байдаг нь “Мастерс”-ын бусад тэмцээнээс ялгарах онцлог. Бараг сугалаа яаж гарахыг багцаалчихаж болохоор. Таны хувьд тэмцээнд оролцогч 16 тамирчны дотор чансаагаараа яг тэг дунд нь эрэмбэлэгдсэн болохоор бусад жүдочтой харьцуулахад илүү хатуу даваа туулах нь тодорхой байсан. Энэ нь ч хийсэн барилдаануудаас харагдаж байгаа. Энэ талаар тооцоо хийж үзсэн үү?

-Тийм ээ. Миний барилдсан хүн бүр ДАШТ-ий алт, хүрэл медальтай бөхчүүд. Ер нь сугалаа ингэж таарах магадлалтайг тооцсон л доо. Би урьд нь барилдаан болон бэлтгэлийн тэмдэглэл хөтөлж чаддаггүй байжээ. Тэмдэглэл хийдэг болсноор өрсөлдөгчийн судалгаа сайжирч, барилдаандаа дүгнэлт хийх чадвар нэмэгдсэн. “Мастерс”-т амжилттай барилдахад энэ нөлөөлсөн шүү.

-Барилдаан бүрийнхээ талаар ямар тактик төлөвлөж гарсан, түүнийгээ хэрэгжүүлж чадсан эсэх гээд дүгнэлтээ хэлнэ үү?

-Эхний тойрогт өрсөлдсөн францтай урьд нь тэмцээнд таарч байгаагүй. Харин Токиогийн их дуулгын дараа гурав хоногийн хамтарсан бэлтгэл хийхэд Корвалтай зорьж барилдаж үзсэн. Тэгэхэд надад маш эвгүй, бяртай, мэхэндээ тэсрэлттэй, хожиход хэцүү хүн шиг санагдсан. Интернэтээс бичлэгүүдийг нь үзэхэд таван минутын төгсгөл рүү их ядардаг юм гэдгийг анзаарч, барилдааны төгсгөлд хожиж болох юм байна гэж бодсон. Хэрвээ хүмүүс анзаарсан бол би Корвалтай хийсэн барилдааны эхний гурван минутад барьцан дээр л бяралхаж байснаас биш ямар ч мэх хийгээгүй. Тиймээс ч хоёр торгуулсан. Гэхдээ ингэлээ гээд сандраагүй. Төлөвлөснийхөө дагуу гурав дахь минут өнгөрөнгүүт дайрч эхлэн хоёр гурав унагаад л хожсон доо. Дараагийн тойрогт таарсан Могушковтой бол урьд нь хоёр барилдаад ялалтын 1:1 болчихоод байсан. Мөн л Токиогийн Их дуулгын дараах хамтарсан бэлтгэл дээр барилдаж үзээд тэмдэглэл дээрээ “Могушковын солгой гарыг нь дарж байгаад өмсвөл унагааж болмоор юм байна” гэж бичсэн. Мастерсын өглөө дэвтрээ эргүүлж суугаад яг тэр өгүүлбэрийг уншаад Корвалыг ялчихвал Могушковтой хийх барилдаан дээр тэр мэхийг хийнэ дээ гэж бодсон. Барилдаан эхлэнгүүт яг энэ мэхээ хийж вазари аваад цагийн төгсгөл хүртэл оноогоо хамгаалж, өрсөлдөгч маань шатаж дайрахад нь дахиж вазари аваад хожсон доо.

-Моришитагаас бас л энэ өмсөх мэхээрээ унагаж, үнэлгээ авсан. Өмсөх мэх шинэ дүрмийн хувьд бас эрсдэлтэйд орно. Гар хөлд хүрчихвэл хансокү торгууль авна. Шинэ дүрэмд зохицсон өмсөөг хэрхэн сурав?

-Миний дархан мэхийн нэг өмсөө юм л даа. Тиймээс үүнийгээ дүрмийн өөрчлөлтөд зохицуулан хийж сурах шаардлага гарсан. Хоёр гарыг нь дарж байгаад гараа хөл рүү оруулахгүй өмсвөл хансокү торгууль авахгүй. Энэ мэхийг төгс болгох тал дээр шигшээгийн багш нарынхаа заавар зөвлөгөөгөөр сайн ажиллаж байгаа. Үүний үр дүнд би сая ихэнх өрсөлдөгчөө өмсөх мэхээр хожлоо. Ер нь зүүн талтай хүмүүстэй би бяралхаж барилдан, өмсөж буулгадаг.

-2010 онд “Мастерс”-т түрүүлээд тэр хавартаа үнэхээр одтой барилдсан шүү дээ. Европт дөрвөн тэмцээнд оролцохдоо гуравт нь аваргын төлөө барилдсан. Тэр үетэй харьцуулахад одоо бэлтгэлийн өнгө ямархуу байна?

-2010 он миний хувьд амжилт сайн байсан ч алдаа дутагдал бас багагүй байж. Өмнө нь хэлсэнчлэн өрсөлдөгчийн судалгаа сайн хийдэггүй байлаа. Одоо бол өөрийнхөө хэмжээнд тэмдэглэл хөтөлж, алдаа оноогоо дүгнэж байна. Биеийн байдал сайжирч, бэлтгэл жигдрээд ирэхээр сэтгэл санаа ч тогтворжин, тайван байдаг болсон. Хүмүүс ч сэтгэл санаагаар их дэмжсэн. Амжилт гэдэг том, жижиг олон хүчин зүйлийн нийлбэр, хамтын хүчээр бүтдэг шүү дээ. Ингээд бүх зүйл жигдрээд тэгшрээд ирэхээр төлөвлөсөн барилдаанаа гаргаж, зорьсон амжилтдаа хүрч чаддаг болж байна. Үүнийгээ ч “Мастерс”-ын алтан медалиар харууллаа. Одоо бэлтгэлийн энэ эрчмээ алдалгүй, формоо хадгалаад Европын цувралуудад амжилтаа батлахыг хичээнэ ээ. Цагаанбаатар бид хоёрын хэнийг нь олимпод барилдуулахыг шийдэхэд Европын тэмцээнүүдийн үр дүн чухал нөлөө үзүүлэх учраас “Мастерс”-ын түвшний амжилтаа гаргахыг зорино. Гэхдээ бөх, морь хоёрыг ам дардаг гэдэг шиг тийм медаль авна гэж амламааргүй байна. Тэмцээнд оролцож байгаа хүн бүр л түрүүлэх зорилготой учир барилдаан бүртээ анхаарч, хичээнэ. Зорилго бол мэдээж медаль.

-Цагаанбаатар та хоёрын өрсөлдөөн хүмүүсийн анхаарлын төвд байдаг. Та хоёрын хэн хэн нь том тэмцээний финалд хоорондоо тулах юмсан гэж ярьдаг. Монголдоо бол бараг тэмцээн болгоны финалд шалгардаг та хоёрын тэр хүсэл биелж, сая “Мастерс”-ын алтан медалийн төлөө өрсөлдлөө…

-Есдүгээр сард “Чингис хаан” Дэлхийн цомын финалд Цагаанаатай барилдахад бусгахад нь тэвэрч шидэх гэж байгаад би доор нь орчихсон. Дараа нь арваннэгдүгээр сард Амстердамын Гранпригийн хагас шигшээд таараад Цагаанбаатарыг би давуулж барихад нь хойгуур нь өшиглөөд вазари, тэгээд дайраад ирэхэд дагуулж өмсөөд цэвэр хожсон. Сая Алматыд хайнаагаа хагалахад би Цагаанааг жийхэд нь этээд яллаа.

-Могушковын тухай тэмдэглэл хийсэн шиг Цагаанаагийн талаар бүр нарийн судалгаа байгаа биз?

-Байнга л бэлтгэлээ хамт хийдэг болохоор тэмдэглэл, судалгаа хийгээд байх шаардлага байдаггүй юм аа. Цагаанаагийн бэлтгэл ямар түвшинд байна, би өөрөө ямархуу байгаа гэдгээ багцаалдаад анзаараад мэдчихнэ.

-Одоо бол ямар ч тэмцээнд та хоёр хоёулаа оролцож болоод байна. Харин олимпод нэг чинь л барилдана. Монголчуудын хувьд та хоёрын хэн нь ч барилдсан, том амжилтад хүрч чадна гэсэн итгэлтэй, мөн хэн нь ч үлдсэн тэр хүний өмнөөс харамсах сэтгэлтэй байх болов уу?

-Би урьд нь бараг өөрийнхөө оронд гэх юм уу даа, багш нар болон холбооны шийдвэрийг хүндлээд Цагаанбаатарыг ДАШТ-д явуулж байсан. 2009 онд би жүдогоор дотоодод зохиогдсон таван тэмцээнд бүгдэд нь түрүүлсэн дээ. Улсын аваргаар, мөн “Sensei Cup”-аар Цагаанааг хожиж аваргалсан. Үүгээрээ ДАШТ-д оролцох эрхээ 100 хувь хангачихсан байсан. Харин багш нар ярилцаад “Цагаанаа гадагшаа сайн барилддаг юм байна, Мияарагчааг энэ удаа өнжөөе” гэхэд нь би Холбооны шийдвэрийг хүндэлж, Цагаанаагийн бэлтгэлийг хангалцаж, боломжтой бүх талаараа туслаад, явахад нь араас нь сүү өргөөд, сайн барилдаарай гээд дэмжээд үлдсэн. Тухайн үед би намайг үлдээчихлээ гээд нэг их юм бодоогүй. Харамсах сэтгэл төрөөгүй. Мөн Бээжингийн олимпод барилдах боломж байсныг мөн л өөрөөс хамаарахгүй шалтгаанаар алдсан. Тиймээс том тэмцээнд оролцох боломжоо гурав дахиа алдмааргүй байна. Харин одоо намайг бэлтгэл сайн, амжилт дээшээ байгаа үед тиймэрхүү шалтгаанаар үлдээвэл сэтгэлд минь юм үлдэж магадгүй. Яагаад гэвэл би олимпод амжилт гаргахын төлөө бүх зүйлээ зориулж, бүр зарим зүйлийг золиослож, бэлтгэлээ маш сайн хийж байгаа. Мэдээж хэн сайн байгаа нь олимпод барилдана, харин намайг сайн байсан ч өмнөх шиг шалтгаанаар үлдээчихвэл их л хэцүү байх байх даа. Хэн хэн маань бие биеэсээ илүү байхын тулд илүү их хөдөлмөрлөж байгаа.

-Анхны “Мастерс”-т түрүүлэхдээ та уран гоё барилдаанууд хийж, бүр оны шилдэг иппоны эзнээр тодорч байлаа. Сая ч гэсэн мөн дайчин сайхан барилдаанаар үзэгчдийг баясгалаа. Алматыд хүмүүсийн хандлага хэр байв? Миний бодлоор үзэгчдийг хамгийн их хөгжөөж, цөсийг нь хөөргөж, таашаал өгсөн барилдааныг та гаргасан юм болов уу?

-Казахстанчууд жүдог сайн мэддэг, мөн монголчуудад их элэгтэй юм байна лээ. Жүдогоор дөнгөж хичээллэж эхэлж байгаа болов уу гэмээр жаахан хүүхдүүд бид нарыг овог нэртэй нь мэддэг, энд тэнд таарахаар нэрээр дуудаад “Хамт зургаа авахуулъя” гээд сайхан байсан. Өрсөлдөгчөө ялаад дэвжээнээс буухад үзэгчид уухайлаад л нутагтаа байгаагаас өөрцгүй сэтгэгдэл төрсөн. “Хэвлэлүүдэд сүүлийн гурван жилийн дэлхийн аваргыг доороо зогсоосон” гээд бичсэн нь надад их урам өгсөн шүү. Илүү боломж байгааг мэдрүүлсэн.

-Жүдогоор олон жил хичээллэлээ. Цаг хугацаа өнгөрөх тусам л туршлага нэмэгдэж зузаарч байгаа нь дамжиггүй. Тамирчин хүний спортын замналд дандаа ялалт байдаггүй нь жам. Өнгөрсөн хугацаан дахь ялагдлуудаа эргээд харахад ямар алдаа түгээмэл гаргасан байна?

-Янз бүр л дээ. Өрсөлдөгч сайн, миний биеийн байдал тааруу байсан гээд л. Мөн сэтгэл санааны байдлаас их шалтгаална. Тэгэхээр ялагдлын шалтгаан янз янз л байх юм даа. Одоо хуучныг бодвол тэмцээн уралдааны зардалд санаа зовох нь гайгүй болсон. Зардал хайж гүйсээр бэлтгэл сургуулилалт дутуу тэмцээнд ороод хожигдох байдал ч нэг биш байсан. Одоо бол зөвхөн бэлтгэл, тэмцээн хоёртоо л анхаарах боломжтой болоод сайхан байна аа.

-Таныг “Мастерс”-т оролцдог, түрүүлдэг хэмжээний жүдоч болох эхлэлийг тавьсан тэмцээн бол 2009 оны Чиндаогийн Гранпри. Намар нь оролцсон тэмцээнүүддээ тааруу барилдсанаас та Чиндаод зодоглох багийн бүрэлдэхүүнд багтаагүй. Тиймээс машинаа барьцаалж байж зардлаа олоод очиж барилдан түрүүлснийг тань мэдэх юм. Тэр үеийг эргээд бодоход хэрвээ Чиндаод тааруу барилдсан бол том хөрөнгөө алдаж, нэлээн хүнд байдалд орох байсан санагддаг. Мөн их зоригтой, бас өөртөө дэндүү итгэлтэй байж дээ. Ер нь манай тамирчдын дунд ийм зам туулсан хүн олон. Амжилтын төлөө ар гэрээ, амьдралаа бараг л золиослож байна гэсэн үг шүү дээ. Түүнээс хойш та дахиж тийм байдалд орсон уу?

-Тамирчин хүн амжилтад хүрэхийн төлөө олон зүйлийг орхиж, золиослох хэрэгтэй болдог. Хүний сайн хань, хүүхдүүдийнхээ сайн аав нь байж чадахгүй мэт үе байсаан. Үүнээс болж сэтгэл санаагаар унан, улмаар амжилт уруудах тохиолдол байна. Тамирчин хүний хань байна гэдэг маш их тэвчээр шаарддагийг би мэдэрсэн. Хүний амьдрал дандаа л дардан зам шиг байхгүй шүү дээ. Тиймээс намайг сайн ойлгож, зорьсон амжилтынхаа төлөө хоёргүй сэтгэлээр зүтгэхэд чадах бүхнээрээ тусалдаг ханьдаа маш их баярладаг юм. Жүдод элэгтэй, тамирчдадаа түшигтэй хүмүүсийн тус дэмээр эхнэр, хүүхдүүдээ мөр бүтэн, хоосон хонуулчихгүй байлгах юмсан гэсэн санаа зовнил үгүй болсон. Гэр бүлийн уур амьсгал ч халуун дулаан болоод, ер нь амжилт гаргах зам маань тэгширч байгаа юм уу даа гэсэн сэтгэгдэл төрж байгаа. Бэлтгэл, тэмцээний завсраар гэр бүлийнхэнтэйгээ өнгөрүүлэх ховорхон боломж олддогийг алдахгүйг хичээдэг. Би одоо “Дүнжингарав” компанийн бөх болсон. Энэ компанийн харъяалалд орсноор бэлтгэл, нөхөн сэргээлтийн амин дэмээс гадна ар гэртээ санаа зовох асуудал үгүй болсон. Ингээд хүмүүс хөрөнгө санхүү, сэтгэл санаагаар дэмжээд өгөхөөр амжилт гаргах урам зориг ч нэмэгдэж, илүү өндөрт гарах юмсан гэсэн хүсэл тэмүүлэл бий болдог юм байна.

Х.Баттулга сайдын удирдлагаар зангидсан гар шиг ажилладаг МЖБХ-ны зөв менежмент, бодлого бидний амжилтад маш том нөлөө үзүүлж байгааг хэлэх хэрэгтэй. БТСГ-ын үйл ажиллагаа, дэмжлэг сайн байгааг ч дурдахгүй өнгөрч болохгүй. Энэ бүгд манай жүдочдын амжилтын том хөшүүрэг. Манай холбооноос тамирчдынхаа барилдааны ур чадварыг ахиулах талаар бүх талын дэмжлэг үзүүлж байгаа. Саяхан Германы шүүгч Владимир Хнетка Монголд ирж, манай шигшээгийн тамирчдын алдаа дутагдлыг хүн тус бүр дээр нь бичлэг үзүүлэн хэлж тайлбарлаж өгсөн. Энэ сургалтын дараа манай тамирчдын барилдааны үзүүлэлт эрс дээшилсэн нь анзаарагдаж байна. Шүүгч ямар үед торгууль өгдөг, яавал шүүгчид идэвхтэй харагдах вэ гэдгийг бид ойлгосноор дэвжээн дээр зөвхөн өрсөлдөгчтэйгөө биш, бас шүүгчтэй харилцах ёстой юм байна гэдгийг мэдлээ. Жишээ нь өрсөлдөгч чинь мэхийн гурван оролдлого хийх юм бол дөрөв дэх дайралтын дараа чамд торгууль ирнэ гэдгийг мэдсэнээр яг тийм үед заавал дөрөв дэх мэхээс нь өмнө түрүүлж очиж сөрөг довтолгоо хийх ёстой гэдгийг ойлгож, хүчний зөв хуваарилалт хийдэг боллоо. Энэ нь ихэвчлэн торгуулиар ялагддаг манайхны хувьд шүүгчийн нүдэнд тэнцвэртэй харагдаж, шүүгчийг мэдэрч чаддаг болох том давуу тал болсон. Мөн Японоос мундаг дасгалжуулагч ирж бидэнд заавар зөвлөгөө өгч, бэлтгэл удирдан явуулж байна.

Мөн БНСУ-ын Чэжүд болсон Дэлхийн цомд манай улсаас залуучууд голдуу 50 тамирчны бүрэлдэхүүнтэй баг оролцууллаа. Жүдогийн түүхэнд аль ч улс ийм өргөн бүрэлдэхүүнтэй багийг хилийн чанад дахь тэмцээнд явуулсан тохиолдол байхгүй байх. Энэ нь залуу тамирчдыг туршлагажуулах, олон улсын тэмцээний цочроог нь гаргах ач холбогдолтой. Зөвхөн болох гэж байгаа тэмцээнд хандсан биш, ирээдүйдээ чиглэсэн бодлого явуулж буй нь МЖБХ-ны үйл ажиллагаанаас тод харагддаг. Мөн “Чингис хаан” Дэлхийн цомоор гадны олон сайн тамирчин Монголд ирдэг. Тэдэнтэй залуучууд маань тэмцээн дээр болон бэлтгэл дээр гар зөрүүлэх боломж гарч байна. Ингэснээр залгамж халаа сайн бэлтгэгдэж, амжилт тасрахгүй байх нөхцөл бүрдэх юм. Бид сайн байх юм бол хойч үеийнхэн маань дагаад сайн байна. Бас нөгөөтэйгүүр залуучууд маань сайжирвал бид ч мөн барилдаан, ур чадварын тал дээр ахиц гаргадаг. Тэгэхээр үр өгөөжийг нь яриад байвал их юм аа.

Чиндаогийн тэмцээнээс хойш дахиж тийм байдалд ороогүй ээ. Анхдугаар “Мастерс”-т түрүүлснээр хүмүүст гайгүй танигдсан байх. Урьд нь тэмцээнд оролцох зардлаа 100 хувь өөрөөсөө гаргаад явах тохиолдол олон байсан бол олон хүний сэтгэлийн дэмээр өмнөх шиг хүнд байдлыг үзэхгүй болсон.

-Том амжилтын дараа шагнал урамшуулал, цолны тухай байнга яригддаг шүү дээ. Шилдгийн шилдгүүдийн тэмцээнд та хоёр ч удаа түрүүлчихлээ. Ийм энгийн биш амжилт үзүүлээд ирэхээр тэр тухай бодогдох юм уу? Яагаад энэ тухай асуув гэхээр хүмүүс таныг аль хэдийн гавъяатын болзол биелүүлчихсэн гэж ярьж байна л даа.

-Яах вэ, бас битүүхэн бодож үзсээн. Гэхдээ энэ миний зорилго биш учраас сэтгэл санаанд үргэлж хадаатай байдаггүй л дээ. Илүү том, өндөр зүйлийг зорьж, тэмүүлж яваа учраас шагналын тухай бодоод байдаггүй. Магадгүй олимпод барилдсаныхаа маргааш л би юуны төлөө, яаж хэрхэн бэлдсэн бэ, үүнийг маань хэн яаж үнэлэх ёстой вэ гэдгийг бодож магадгүй юм. Түүнээс наана янз бүрийн юм бодож сэтгэл санаагаа хоёрдуулах шаардлага байхгүй гэж бодож байна.

-Ямар ч спортын төрөлд олимпийн хэмнэлээр тамирчдын үе солигддог нь харагддаг. Одоо нэг олимп хаяанд ирчихээд байна. Таны барилдах хугацаа энэ олимпоор хязгаарлагдах уу, дахиад хэдэн жил байна уу? Рио-де-Жанейрогийн олимпод ч барилдах боломж, нөөц байгаа харагддаг.

-Миний хувьд Лондонд л сайн барилдах юмсан гэсэн хүсэл эрмэлзлээр бэлтгэлээ хийж байна. Миний нас тамирчны хувьд тийм залуудаа орохгүй шүү дээ. Лондоны олимпод сайн барилдахын төлөө бүхнээ зориулаад дараа нь өөр амьдралаар амьдарч үзмээр байна. Гэхдээ тухайн үед байдал ямар байхыг урьдчилан хэлж мэдэхгүй байна. Магадгүй олимпийн дараа жилийн ДАШТ-д барилдах бодол байж болно.

-Илэн далангүй сайхан ярилцсанд баярлалаа. Сүүлчийн асуултыг танд нээлттэй үлдээе.

-Намайг хөтөлж энэ замд оруулсан өмнөх үеийн ах нартаа баярлалаа. Хойч залуу үеийнхэн маань ч жүдо бөхийн хөгжлийн төлөө нэгдэж хичээгээрэй гэж хэлэх байна. 2006 оноос МЖБХ-ны ерөнхийлөгчөөр ажиллаж буй Х.Баттулга ах маань энэ албыг авснаар олон зүйлийг санаачлан хийж, том амжилтад хүрсэн нь хүмүүсийн нүдэн дээр ил байгаа. Олимп, дэлхийн аваргуудтай боллоо.

Баттулга ахын бүрдүүлсэн зангидсан гар шиг эвсэг, чадвартай баг, хамт олны ажлын үр дүнд жүдочид маань амжилтаар дүүрэн, хүрсэн амжилтаа ахиулах хүсэл эрмэлзлээр оргилж яваа шүү гэдгийг хэлмээр байна.

 

Ярилцсан Ж.БАТМӨНХ

 

Хуваалцах/Тэмдэглэх

]]> http://www.sportnews.mn/2012/01/23/%d1%81-%d0%bc%d0%b8%d1%8f%d0%b0%d1%80%d0%b0%d0%b3%d1%87%d0%b0%d0%b0-%d0%b8%d0%bb%d2%af%d2%af-%d1%85%d2%af%d0%bd%d1%8d%d1%8d%d1%81-%d0%b8%d0%bb%d2%af%d2%af-%d0%b1%d0%b0%d0%b9%d1%85%d1%8b%d0%bd-%d1%82/feed/ 5 Дутуу оноотнууд түрүүлж мордлоо http://www.sportnews.mn/2012/01/23/%d0%b4%d1%83%d1%82%d1%83%d1%83-%d0%be%d0%bd%d0%be%d0%be%d1%82%d0%bd%d1%83%d1%83%d0%b4-%d1%82%d2%af%d1%80%d2%af%d2%af%d0%bb%d0%b6-%d0%bc%d0%be%d1%80%d0%b4%d0%bb%d0%be%d0%be/ http://www.sportnews.mn/2012/01/23/%d0%b4%d1%83%d1%82%d1%83%d1%83-%d0%be%d0%bd%d0%be%d0%be%d1%82%d0%bd%d1%83%d1%83%d0%b4-%d1%82%d2%af%d1%80%d2%af%d2%af%d0%bb%d0%b6-%d0%bc%d0%be%d1%80%d0%b4%d0%bb%d0%be%d0%be/#comments Mon, 23 Jan 2012 02:57:46 +0000 Таван Цагариг http://www.sportnews.mn/?p=60650 Жүдочдын “Лондон-2012” олимпийн наадамд оролцох эрхийн төлөөх хоёр жилийн турш үргэлжилсэн сунагар аян өндөрлөхөд тун ойрхон ирээд байна. Манай улсаас одоогоор Олон улсын жүдо бөхийн холбооны чансаагаар есөн жинд эрхийн болзол хангасан бөгөөд бусад жингийнхэн “улаан шугам”-ыг давахын тулд 150-350 оноо нэмж авах шаардлагатай байгаа.

Эдгээр дутуу оноот тамирчид маань өнөөдөр Лондонд зодоглох эрхээ авахын төлөө Болгарын Софи, Гүржийн Тбилисид өрсөлдөхөөр эх орноосоо мордлоо. Энэ сарын 28-29-нд Гүржийн нийслэлд Дэлхийн цомын эрэгтэйчүүдийн тэмцээн болох бөгөөд 81 кг-д О.Ууганбаатар (196 оноотойгоор 51-рт эрэмбэлэгдэж байгаа), Г.Түвшинжаргал (124 оноотой 65-рт), +100 кг-д Н.Батсуурь (156 оноотой 54-рт) нар гавъяат тамирчин, гавъяат дасгалжуулагч Х.Болдбаатарын удирдлага дор хүч үзнэ.

Харин Болгарын Софи хотноо зохиогдох эмэгтэйчүүдийн Дэлхийн цомд 57 кг-д Т.Баттөгс (294 оноо, 28-рт), Д.Сумъяа (236 оноо, 36-рт), 70 кг-д Ц.Наранжаргал (286 оноо, 27-рт) нарыг гавъяат тамирчин Х.Эрдэнэт-Од дасгалжуулан оролцуулна. +78 кг-д 291 оноотойгоор 29 дүгээр байрт буй Д.Цэрэнханд гавъяат өвдөгний бэртлийн улмаас энэ тэмцээнд барилдахгүй болжээ. Оноо дутуу жүдочид маань Дэлхийн цомын дараа Францын Парисыг зорьж, бусад тамирчидтайгаа нийлэн Их дуулгад барилдана.

Ж.Батмөнх

Хуваалцах/Тэмдэглэх

]]> http://www.sportnews.mn/2012/01/23/%d0%b4%d1%83%d1%82%d1%83%d1%83-%d0%be%d0%bd%d0%be%d0%be%d1%82%d0%bd%d1%83%d1%83%d0%b4-%d1%82%d2%af%d1%80%d2%af%d2%af%d0%bb%d0%b6-%d0%bc%d0%be%d1%80%d0%b4%d0%bb%d0%be%d0%be/feed/ 0 С.МИЯАРАГЧАА Шигшмэл бөхчүүдээс дахин шилдэг нь боллоо http://www.sportnews.mn/2012/01/16/%d0%bc%d0%b8%d1%8f%d0%b0%d1%80%d0%b0%d0%b3%d1%87%d0%b0%d0%b0-%d1%88%d0%b8%d0%b3%d1%88%d0%bc%d1%8d%d0%bb-%d0%b1%d3%a9%d1%85%d1%87%d2%af%d2%af%d0%b4%d1%8d%d1%8d%d1%81-%d0%b4%d0%b0%d1%85%d0%b8%d0%bd/ http://www.sportnews.mn/2012/01/16/%d0%bc%d0%b8%d1%8f%d0%b0%d1%80%d0%b0%d0%b3%d1%87%d0%b0%d0%b0-%d1%88%d0%b8%d0%b3%d1%88%d0%bc%d1%8d%d0%bb-%d0%b1%d3%a9%d1%85%d1%87%d2%af%d2%af%d0%b4%d1%8d%d1%8d%d1%81-%d0%b4%d0%b0%d1%85%d0%b8%d0%bd/#comments Mon, 16 Jan 2012 07:12:37 +0000 Таван Цагариг http://www.sportnews.mn/?p=60391 Казахстаны Алматы хотноо зохиогдсон жүдо бөхийн Мастерс тэмцээний эрэгтэйчүүдийн 66 кг-ын жинд монгол бөхчүүд түрүү булаацалдаж, энэ жинд дэлхийд өнгөлдөг гэдгээ батлан харууллаа. 2010 онд БНСУ-ын Сүвон хотноо болсон анхдугаар Мастерст С.Мияарагчаа түрүүлсэн бол өнгөрсөн жил Азербайжаны Бакуд зохиогдсон хоёр дахь тэмцээнд Х.Цагаанбаатар аваргалсан билээ. Ийнхүү жилийн турш үзүүлсэн амжилтаараа шигшигдсэн шилдэг 16 бөхийн тэмцээнд магнайлсан хоёр тамирчин маань хоёул гурав дахь удаагийн тэмцээний шигшээд шалгарч, хэн нь хошой аварга болохоо шийдсэн юм. Дотоодын тэмцээнүүдийн финалд өрсөлдөхийн зэрэгцээ олон улсын тавцанд ч шийдвэрлэх даваанд нэг бус удаа таарч байсан тэдний энэ удаагийн барилдаанд С.Мияарагчаа этэх мэхээр цэвэр ялсан.

Оролцсон тамирчид нь дандаа олимп, дэлхий, тивийн АШТ-ий медальтнууд байдаг учраас эхний даваанаас л ширүүн өрсөлдөөн өрнөдөг нь Мастерс зэрэглэлийн тэмцээний онцлог. С.Мияарагчаа эхний тойрогт 2010 оны ДАШТ-ий хүрэл медальт, Францын Луи Корвалтай таарч, барилдааны эхний хагаст хоёр торгуулснаар өрсөлдөгч нь юүко үнэлгээтэй болсон бөгөөд цаг дуусахад хагас минут орчим үлдээд байхад цэвэр буулгаж ялсан. Энэ франц жүдоч Х.Цагаанбаатартай дөрвөнтээ таарч, нэг хожиж байсан үзүүлэлттэй. С.Мияарагчаагийн дараагийн учраа нь өдгөө 66 кг-ынхныг чансаагаараа тэргүүлж буй, 2011 оны ДАШТ-ий хүрэл медальт Муса Могушков. Тэд анхдугаар Мастерсын хагас шигшээд таарахад манай бөх хожин түрүүлэх замаа засч байсан бөгөөд тэр жилийнхээ Сан-Паулугийн Дэлхийн цомын хүрэл медалийн төлөө барилдаанд Могушков даагаа нэхэж чадсан юм.

Харин хайнаа хагалах энэ уулзалтад С.Мияарагчаа барилдааны эхлэл болон төгсгөлд хоёр вазари үнэлгээ авч хожлоо. Улмаар их шөвөгт 2010 оны дэлхийн аварга Жюнпэй Моришитаг өмсөх, үүрэх, хөл тавих зэрэг мэхийн олон оролдлогоор илт илүүрхэн 3.51 минутад цэвэр ялсан юм. Манай бөх өнгөрсөн жилийн Парисын Их дуулгын дунд шөвөгт Моришитатай таарч дийлдсэн удаатай. Жиндээ гуравдугаарт эрэмбэлэгдэж буй Х.Цагаанбаатарын хувьд Европын АШТий мөнгөн медальт, Азербайжаны Тарлан Каримов, Европын аваргын алт, мөнгө, хүрэл медальтай Армены Армен Назарян нарыг тус бүр вазари үнэлгээгээр ялаад хагас шигшээд 2011 оны дэлхийн аварга Масаши Эбинүмаг юүкогоор илүүрхэн финалд шалгарсан юм. 66 кг-ын тамирчдаас гадна манай дөрвөн бөх медалийн төлөө өрсөлдсөн.

Эхний тойрогт хийлж наймд үлдсэн гавъяат тамирчин М.Бундмаа олимпийн хүрэл медальт, Европын аварга бельги жүдоч Илсе Эйленийг вазаригаар илүүрхэж яваад цаг дуусахад хэдхэн секунд үлдсэн үед шийдсэн мэхэнд нь орж цэвэр хожигдон, хармаандаа бат ороод байсан медалийг сэгсрээд хаячихав. Түүнчлэн дэлхийн аварга Кайла Харрисоныг эхний даваанд сөхрүүлсэн П.Лхамдэгд мөрний гэмтэл нь сэдэрснээс медалийн төлөөх барилдаанд харамсалтайгаар ялагдлаа. 2010 онд залуучуудын ДАШТ-д үзүүрлэж, өнгөрсөн жил Европын АШТ-ээс хүрэл медаль хүртсэн Словенийн Ана Веленсекийг барьц, бяраар илт илүүрхэн, хоёр торгууль хүлээлгээд байсан манай бөх бэртэл нь хөндөгдсөнөөс амархан даралтад орчихсон. Мөн 63 кг-д Ц.Мөнхзаяа Хорватын Мариана Мисковичийг нэмэлт цаг юүкогоор ялаад ДАШТ-ий хүрэл медальт, Голландын Аника ван Эмденд цаг сунгаж юүкогоор хожигдон медалийн тавцанд гарах боломжоо алдсан.

Олимпийн аварга Н.Түвшинбаяр Голландын нэрийн өмнөөс барилдаж байхдаа Европын хошой аварга болсон, өдгөө Бельгийн иргэншилтэй Элко ван дер Геестийг эхний тойрогт даралтаар цэвэр ялаад олимпийн хүрэл, ДАШТий хошой мөнгөн медальт голланд жүдоч Хенк Гролийн мордох мэхэнд нь уначихав. Х.Грол 2010 оны ДАШТий хагас шигшээ, 2011 оны Парисын их дуулгын финалд манай бөхийг хожсон билээ. Бусад жүдочид маань эхний даваагаа гэтэлсэнгүй. 60 кг-д Ч.Болдбаатар Казахстаны Еркебулан Коссаевт вазари, Г.Болдбаатар БНСУ-ын Чой Гван-Хёнд хантэйгаар, 73 кг-д С.Ням-Очир БНСУ-ын Ван Ки-Чуньд мөн хантэйгаар, -100 кг-д Б.Тэмүүлэн Казахстаны Максим Раковт хоёр торгуулиар дийлдсэн бол эмэгтэйчүүдийн хамгийн хөнгөн жинд М.Уранцэцэг Японы Томоко Фүкүмид даралтаар хожигдлоо. Ийнхүү 44 орны 110 эрэгтэй, 108 эмэгтэй, нийт 218 шигшмэл жүдоч өрсөлдсөн “Алматы Мастерс-2012” тэмцээнд манай 11 тамирчин нийт 20 барилдаан хийснээс 10-т нь ялж, алт, мөнгөн медаль тус бүр нэгийг хүртэв. Таван алт, долоон мөнгө, есөн хүрэл, нийт 21 медаль хүртсэн япончууд багийн дүнгээр илт тасархай тэргүүлж, хоёр алт, дөрвөн хүрэлтэй Бразил, нэг алт, хоёр мөнгө, нэг хүрэл медаль цуглуулсан БНХАУ, нэг алт, нэг мөнгө, дөрвөн хүрэл түүсэн ОХУ удаалан, 66 кг-ын бөхчүүд нь финалдсан манай улсын баг тавдугаарт бичигдлээ.

 “МАСТЕРС-2012”-ЫН МЕДАЛЬТНУУД

Эрэгтэй.

60 кг: 1.Арсен Галс тян (ОХУ) 2.Ришод Собиров (Узбекистан) 3.Хироаки Хираока (Япон), Беслан Мудранов (ОХУ)

66 кг: 1.Санжаасүрэнгийн Мияарагчаа 2.Хашбаатарын Цагаанбаатар (хоёул Монгол) 3.Жюнпэй Моришита, Масаши Эбинүма (хоёул Япон)

73 кг: 1.Ван Ки-Чунь (БНСУ) 2.Рики Накая 3.Хироюки Акимото (хоёул Япон), Мансур Исаев (ОХУ)

81 кг: 1.Элнур Маммадли (Азербайжан) 2.Такахиро Накаи (Япон) 3.Эван Бартон (Их Британи), Сиражудин Магомедов (ОХУ)

90 кг: 1.Масаши Нишияма (Япон) 2.Кирилл Вопросов (ОХУ) 3.Тьяго Камило, Уго Пессанья (хоёул Бразил)

-100 кг: 1.Максим Раков (Казахстан) 2.Хенк Грол (Голланд) 3.Такамаса Анаи (Япон), Сергей Самойлович (ОХУ)

+100 кг: 1.Рафаэль Сильва (Бразил) 2.Дайки Камикава (Япон) 3.Ислам Эль Шехаби (Египет), Андреас Тольцер (Герман)

Эмэгтэй.

48 кг: 1.Томоко Фүкүми 2.Харүна Асами (хоёул Япон) 3.Сара Менесес (Бразил), Элена Моретти (Итали)

52 кг: 1.Юүка Нишида 2.Мисато Накамүра (хоёул Япон) 3.Илсе Эйлен (Бельги), Сорая Хаддад (Алжир)

57 кг: 1.Каори Мацүмото (Япон) 2.Телма Монтейру (Португал) 3.Аико Сато (Япон), Рафаэла Сильва (Бразил)

63 кг: 1.Ёшиэ Үэно 2.Мики Танака (хоёул Япон) 3.Аника ван Эмден (Голланд), Шү Лили (БНХАУ)

70 кг: 1.Люси Декос (Франц) 2.Ёрико Күнихара (Япон) 3.Эдит Бош (Голланд), Харүка Тачимото (Япон)

-78 кг: 1.Майра Агуйар (Бразил) 2.Ян Сьюли (БНХАУ) 3.Акари Огата (Япон), Анамари Веленсек (Словен)

+78 кг: 1.Чинь Чянь 2.Тун Вень (хоёул БНХАУ) 3.Гулжан Иссанова (Казахстан), Мика Сүгимото (Япон)

Ж.БАТМӨНХ

Хуваалцах/Тэмдэглэх

]]> http://www.sportnews.mn/2012/01/16/%d0%bc%d0%b8%d1%8f%d0%b0%d1%80%d0%b0%d0%b3%d1%87%d0%b0%d0%b0-%d1%88%d0%b8%d0%b3%d1%88%d0%bc%d1%8d%d0%bb-%d0%b1%d3%a9%d1%85%d1%87%d2%af%d2%af%d0%b4%d1%8d%d1%8d%d1%81-%d0%b4%d0%b0%d1%85%d0%b8%d0%bd/feed/ 1 Мастерст зодоглох жүдочдын сугалаа http://www.sportnews.mn/2012/01/14/%d0%bc%d0%b0%d1%81%d1%82%d0%b5%d1%80%d1%81%d1%82-%d0%b7%d0%be%d0%b4%d0%be%d0%b3%d0%bb%d0%be%d1%85-%d0%b6%d2%af%d0%b4%d0%be%d1%87%d0%b4%d1%8b%d0%bd-%d1%81%d1%83%d0%b3%d0%b0%d0%bb%d0%b0%d0%b0/ http://www.sportnews.mn/2012/01/14/%d0%bc%d0%b0%d1%81%d1%82%d0%b5%d1%80%d1%81%d1%82-%d0%b7%d0%be%d0%b4%d0%be%d0%b3%d0%bb%d0%be%d1%85-%d0%b6%d2%af%d0%b4%d0%be%d1%87%d0%b4%d1%8b%d0%bd-%d1%81%d1%83%d0%b3%d0%b0%d0%bb%d0%b0%d0%b0/#comments Sat, 14 Jan 2012 10:03:56 +0000 Спортын цонх http://www.sportnews.mn/?p=60235
Казахстаны Алматы хотноо жүдо бөхийн шигшмэл тамирчдын Мастерс тэмцээн эхлэх гэж байна. Олон улсын жүдо бөхийн холбооны календарьт багтсан тэмцээнүүдэд үзүүлсэн амжилтаар жин бүртээ эхний 16-д бичигддэг бөхчүүд урилгаар оролцдог Мастерст манай жүдочид дараах байдлаар сугалаа татжээ.
60 кг-д хүч үзэх гурван бөхийн маань хамгийн өндөр чансаатай нь болох Д.Төмөрхүлэг энэ тэмцээнд зодоглосонгүй. Ч.Болдбаатарын хувьд зохион байгуулагч орны бөх Еркебулан Коссаевтай эхний даваанд таарчээ. Түүний хувьд 2011 оны есдүгээр сард “Чингис хаан” дэлхийн цомд түрүүлэхдээ финалд Казахстаны Асхат Телманов хэмээх тамирчныг буулган авсан билээ. Ч.Болдоо казах жүдочийг аргалбал медалийн төлөөх барилдаанд ЭНЭ ЦАГ ҮЕИЙН ШИЛДГИЙН ШИЛДЭГ ЖҮДОЧ хэмээх алдрыг хүртсэн Узбекистаны Ришод Собировтой тулна.
Энэ жинд хүч үзэх нөгөө Болдбаатар БНСУ-ын Чой Гван-Хёнтой учраа таарав. Г.Болдбаатар 2009 онд Азийн аварга болохдоо энэ бөхийг хожиж байсан ч түүнээс хойш ялж чадаагүй байгаа. Чойгийн хувьд ч тивийн аваргад Г.Болдбаатарт хожигдсоноосоо хойш монголчуудтай таарсан барилдаан бүртээ ялалт байгуулсан. Г.Болдоо, Чой хоёрын ялагч нь медалийн төлөө сүүлийн гурван ДАШТ-ээс медаль авсан Японы Хироаки Хираока, Европын дэд аварга, ДАШТ-ий хүрэл медальт Армены Ховханнес Давтян нарын нэгтэй өрсөлдөнө.
Дэлхийн аварга, олимпийн хүрэл медальт, Хөдөлмөрийн баатар Х.Цагаанбаатар 2010 оны ДАШТ-д таарч хожиж байсан Азербайжаны Тарлан Каримовтой эхний тойрогт хүч үзнэ. Европын аваргын мөнгөн медальтай энэ азербайжан жүдоч С.Мияарагчаатай гурвантаа таарахдаа хоёрт дийлдсэн юм. Х.Цагаанбаатар түүнийг хожвол Армены Армен Назарян, Казахстаны Сергей Лим нарын нэгтэй медалийн төлөө барилдана. Улмаар ОХУ-ын Алим Гаданов, Бразилийн Леандро Кунья, Японы Масаши Эбинүма, Францын Давид Ларос нарын шилдэг жүдочдын нэгтэй хагас шигшээд өрсөлдөх боломжтой. Өнгөрсөн жил шигшмэл жүдочдын Мастерс тэмцээнд аваргалсан манай бөх дахин түрүү булаацалдах магадлал тун өндөр харагдаж байна.
Нэг үе дэлхийн чансаанд дэд байрт бичигдэж явсан С.Мияарагчаа Францын Луи Корвалтай оноолт таарав. Анхдугаар Мастерсын аварга маань 2010 оны ДАШТ-ий хүрэл медальт энэ бөхтэй анх удаа учирч буй нь энэ бөгөөд Корвалийн хувьд Х.Цагаанбаатартай дөрвөн удаа тулахдаа нэг л удаа хожсон үзүүлэлттэй юм. С.Мияарагчаа франц бөхийг аргалваас ОХУ-ын Муса Могушков, Испанийн Сугои Уриарте нарын нэгтэй медалийн төлөө барилдана.
73 кг-д барилдах С.Ням-Очир дэлхийн хошой аварга, олимпийн мөнгөн медальт Ван Ки-Чуньтай эхний тойрогт таарлаа. 2011 оны сүүлчийн тэмцээн БНХАУ-ын Чиндаод болоход энэ хоёр бөх хагас шигшээд тааран Ван Ки-Чунь торгуулиар илүүрхсэн билээ. Тэгвэл 2012 оны эхний тэмцээнд тэд нэгийн даваанд хүч үзэх боллоо. С.Ням-Очир Чиндаод хийсэн барилдаандаа дүгнэлт хийж, давуу талаа тод гарган хожилд хүрэх аваас Францын Уго Легран, Польшийн Томаш Адамиец нарын нэгтэй медалийн төлөө өрсөлдөх юм.
-100 кг-д олимпийн аварга, Хөдөлмөрийн баатар Н.Түвшинбаяр алдарт Деннис ван дер Геестийн дүү, өдгөө Бельгийн нэрийн өмнөөс барилдаж буй Элко ван дер Геесттэй эхний тойрогт таарав. Европын хошой аваргын хэргэмтэй энэ залуу 2011 онд Парисийн их дуулгад манай бөхөд тахим өгч байсан юм. Аварга маань тэрхүү барилдаанаа давтаж чадвал Голландын Хенк Грол, Узбекистаны Рамзиддин Саидов нарын хожсонтой нь медаль булаацалдана.
Энэ жингийн нөгөө бөх Б.Тэмүүлэн зохион байгуулагч орны од тамирчин, дэлхийн аварга Максим Раковтой таарчээ. ДАШТ-ий алт, мөнгөн медальтай казах жүдоч олимпийн аварга Н.Түвшинбаяртай гурвантаа таарч, хоёр удаа хожсон бол Б.Тэмүүлэнтэй анх удаа гар зөрүүлэх гэж байна. Тэдний ялагч нь Францын Тьерри Фабре, Гүржийн Леван Жоржолиани нарын нэгтэй шөвгийн наймд хүч үзнэ.
Өнгөрсөн жилийн Мастерст халаасандаа орсон медалийн сүүлчийн мөчид харамсалтайгаар алдсан М.Уранцэцэг Алматыгийн татамид дэлхийн аварга Томоко Фүкүмигийн аманд очлоо. 2009 онд дэлхийн аварга болж, дараагийн хоёр жилд нь нутаг нэгт Харүна Асамид дийлдэн мөнгөн медаль дээр буусан Томоко 2010 оны Азийн наадмын хагас шигшээд Б.Бат-Эрдэнийг ялж байв.
52 кг-д 15 бөх барилдахаар болж, нэг жүдоч хөлс гаргалгүй шууд наймд үлдэх боломжтой болсон нь манай бөхөд таарлаа. Ийнхүү гоц мөргөж, шууд медалийн төлөө барилдах эрх олж авсан гавъяат тамирчин М.Бундмаа Португалын Жоана Рамос, Бельгийн Илсе Эйлен нарын нэгтэй шагналын тавцанд гарах эсэхээ шийдэн хүч үзэх нь. Энэ барилдаанд ялбал М.Бундмаа хагас шигшээд дэлхийн аварга Мисато Накамүратай барилдах магадлал өндөр байна.
63 кг-д Ц.Мөнхзаяа Европын аваргын хүрэл медальт, Хорватын Мариана Мисковичтой хүч үзнэ. Ерөнхийдөө эхний учраа боломжийн гэж хэлж болно. Түүнийг хожвол Голландын Аника ван Эмден, Бразилийн Мариана Сильва нарын ялсантай нь медалийн төлөө барилдах юм. Ван Эмден ДАШТ-ээс хүрэл медаль хүртэж байсан бол Мариана Сильва залуучуудын ДАШТ-ий хүрэл медальтай жүдоч.
-78 кг-д 2011 онд монгол жүдочдоос хамгийн олон алтан медаль хүртсэн П.Лхамдэгд дэлхийн аваргын алт, хүрэл медальт АНУ-ын Кайла Харрисонтой учраа таарлаа. Манай бөх Кайлаг 2009 онд БНСУ-ын Сүвон хотноо болсон Дэлхийн цомд хожиж байсан ба 2010 онд Узбекистаны Ташкентад болсон Дэлхийн цом, өнгөрсөн жил Парист зохиогдсон ДАШТ-д дийлдсэн билээ. Америк, монгол жүдочдын ялагч нь Германы Хайде Воллерт, Словенийн Анамари Веленсек нарын хожсонтой медалийн төлөө өрсөлдөнө.
“Алматы Мастерс-2012″-ын эхний өдөр хөнгөн жингийн барилдаанууд болох ба Улаанбаатарын цагаар 12.30-д урьдчилсан барилдаанууд эхлэх ба 19.00 цагт хагас шигшээ, шигшээ барилдаанууд болох юм. 200 мянган ам.долларын шагналын сантай Мастерст түрүүлсэн бөх чансааны 400 оноо авах бол мөнгө, хүрэл мелальтнууд 240, 180 оноо нэмэх билээ.
Judo Magazine

Хуваалцах/Тэмдэглэх

]]> http://www.sportnews.mn/2012/01/14/%d0%bc%d0%b0%d1%81%d1%82%d0%b5%d1%80%d1%81%d1%82-%d0%b7%d0%be%d0%b4%d0%be%d0%b3%d0%bb%d0%be%d1%85-%d0%b6%d2%af%d0%b4%d0%be%d1%87%d0%b4%d1%8b%d0%bd-%d1%81%d1%83%d0%b3%d0%b0%d0%bb%d0%b0%d0%b0/feed/ 0 Жүдочид Алматыг зорилоо http://www.sportnews.mn/2012/01/11/%d0%b6%d2%af%d0%b4%d0%be%d1%87%d0%b8%d0%b4-%d0%b0%d0%bb%d0%bc%d0%b0%d1%82%d1%8b%d0%b3-%d0%b7%d0%be%d1%80%d0%b8%d0%bb%d0%be%d0%be/ http://www.sportnews.mn/2012/01/11/%d0%b6%d2%af%d0%b4%d0%be%d1%87%d0%b8%d0%b4-%d0%b0%d0%bb%d0%bc%d0%b0%d1%82%d1%8b%d0%b3-%d0%b7%d0%be%d1%80%d0%b8%d0%bb%d0%be%d0%be/#comments Wed, 11 Jan 2012 07:35:42 +0000 Таван Цагариг http://www.sportnews.mn/?p=60085 Ирэх амралтын өдрүүдэд (I.14-15) Казахстаны Алматы хотноо зохиогдох жин бүрийн шилдэг 16 жүдоч урилгаар оролцдог Мастерс тэмцээнд оролцох манай тамирчид өнөөдөр эх орноосоо мордож байна. 2010 оноос эхлэн зохиогдсон энэ тэмцээний анхныхад С.Мияарагчаа 66 кг-д аваргалж байсан бол өнгөрсөн жил Х.Цагаанбаатар энэ жинд түрүүлэн, М.Бундмаа 52 кг-д, Б.Тэмүүлэн -100 кг-д хүрэл медаль медаль хүртсэн билээ. Алматыгийн дэвжээнд манай улсаас найман эрэгтэй, дөрвөн эмэгтэй жүдоч зодоглох болзлоо биелүүлсэн нь өмнөх жилүүдийнхээс өссөн үзүүлэлт юм.

200 мянган ам.долларын шагналын сантай “Алматы-2012″ Мастерст 47 орны 119 эрэгтэй, 119 эмэгтэй, нийт 238 бөх хүч үзнэ. Үүний дотор япончууд хамгийн өргөн бүрэлдэхүүнтэй (13 эрэгтэй, 15 эмэгтэй) байгаа бөгөөд хойд хөршөөс 19 (13 эрэгтэй, 6 эмэгтэй), өнгөрсөн жилийн ДАШТ-ийг зохион байгуулагч Францаас 18 (эрэгтэй, эмэгтэй тус бүр 9), дараагийн ДАШТ-ийг нутагтаа хүлээн авах Бразилаас 14 (8 эрэгтэй, 6 эмэгтэй) бөх илгээжээ. 12 бөхтэй манай улсын хувьд бүрэлдэхүүнээрээ дээрх дөрвөн багийн ард бичигдэж байна.

Олон тамирчин нь Мастерст барилдах болзол биелүүлсэн БНСУ-аас ихэнх шилдгүүдээ амрааж, дөрвөн эрэгтэй, таван эмэгтэй жүдочийг л Казахстанд барилдуулахаар болжээ. Мастерсыг зохион байгуулагч Казахстаны хувьд жин бүрт нэг тамирчин оролцуулах эрхтэй юм.  Мастерсын аварга чансааны 400 оноо авах бол мөнгөн медальтан 240, хүрлийн эзэн 160, тавдугаар байрт шалгарсан тамирчид 80 оноо нэмнэ.

Тэмцээний хөтөлбөр

I.13          14.00      Сугалаа

I.14        10.30        Эмэгтэйчүүдийн 48 кг, 52 кг, 57 кг, 63 кг

Эрэгтэйчүүдийн 60 кг, 66 кг, 73 кг

урьдчилсан барилдаанууд

16.30     Нээлтийн ажиллагаа

Үргэлжлээд хагас шигшээ, шигшээ барилдаанууд

I.15       10.30       Эмэгтэйчүүдийн 70 кг, -78 кг, +78 кг

Эрэгтэйчүүдийн 81 кг, 90 кг, -100 кг, +100 кг

урьдчилсан барилдаанууд

17.00      Хагас шигшээ, шигшээ барилдаанууд

P.S: Алматы нь Улаанбаатараас 2 цагийн зөрүүтэй. Тодруулбал урьдчилсан барилдаанууд Улаанбаатарын цагаас 12.30-д эхэлнэ.

Хуваалцах/Тэмдэглэх

]]> http://www.sportnews.mn/2012/01/11/%d0%b6%d2%af%d0%b4%d0%be%d1%87%d0%b8%d0%b4-%d0%b0%d0%bb%d0%bc%d0%b0%d1%82%d1%8b%d0%b3-%d0%b7%d0%be%d1%80%d0%b8%d0%bb%d0%be%d0%be/feed/ 1 2012 онд зохиогдох жүдо бөхийн тэмцээний хуваарь http://www.sportnews.mn/2012/01/05/2012-%d0%be%d0%bd%d0%b4-%d0%b7%d0%be%d1%85%d0%b8%d0%be%d0%b3%d0%b4%d0%be%d1%85-%d0%b6%d2%af%d0%b4%d0%be-%d0%b1%d3%a9%d1%85%d0%b8%d0%b9%d0%bd-%d1%82%d1%8d%d0%bc%d1%86%d1%8d%d1%8d%d0%bd%d0%b8%d0%b9/ http://www.sportnews.mn/2012/01/05/2012-%d0%be%d0%bd%d0%b4-%d0%b7%d0%be%d1%85%d0%b8%d0%be%d0%b3%d0%b4%d0%be%d1%85-%d0%b6%d2%af%d0%b4%d0%be-%d0%b1%d3%a9%d1%85%d0%b8%d0%b9%d0%bd-%d1%82%d1%8d%d0%bc%d1%86%d1%8d%d1%8d%d0%bd%d0%b8%d0%b9/#comments Thu, 05 Jan 2012 02:24:48 +0000 Спортын цонх http://www.sportnews.mn/?p=59773
Д/д
САР
ӨДӨР
ТЭМЦЭЭН
ЗОХИОГДОХ ГАЗАР
ЗОХИОН БАЙГУУЛАГЧ
1
I
13-15
Дэлхийн зөн, Политехникийн коллежийн нэрэмжит тэмцээн
Говьсүмбэр
Говьсүмбэр аймгийн БТСГ, МЖБХ
2
I
20-22
Орхон ААШТ (Өсвөр үе)
Орхон
Орхон аймгийн БТСГ, ЖБХ
3
I
 20-22
Н.Түвшинбаярын нэрэмжит эрэгтэй багийн УАШТ (Өсвөр үе, насанд хүрэгчид)
 Булган
МЖБХ, Булган ЖБХ
4
I
23-24
Төв ААШТ (Өсвөр үе)
Төв
Төв аймгийн БТСГ, ЖБХ
5
I
25-26
Өвөрхангай ААШТ (Өсвөр үе)
Өвөрхангай
Өвөрхангай аймгийн БТСГ, ЖБХ
6
I
30-31
Дорнод ААШТ (Өсвөр үе)
Дорнод
Дорнод аймгийн БТСГ, ЖБХ
7
II
 01-03
Улаанбаатар ХАШТ (Өсвөр үе)
Улаанбаатар
Нийслэлийн БТСГ, МЖБХ
8
II
4, 5
Өмнөговь ААШТ (Өсвөр үе)
Өмнөговь
Өмнөговь аймгийн БТСГ, ЖБХ
9
II
 04-05
Архангай ААШТ (Өсвөр үе)
Архангай
Архангай аймгийн БТСГ, ЖБХ
10
II
 04-05
Чингэлтэй ДАШТ (Өсвөр үе)
Чингэлтэй
Чингэлтэй аймгийн БТСГ, ЖБХ
11
II
 04-05
Ката, Мастерийн УАШТ
Улаанбаатар
МЖБХ
12
II
10–12
Хотын бүсийн АШТ (Өсвөр үе)
Улаанбаатар
МЖБХ
13
II
11, 12
Булган ААШТ (Өсвөр үе)
Булган
Булган аймгийн БТСГ, ЖБХ
14
II
11, 12
Завхан ААШТ (Өсвөр үе)
Завхан
Завхан аймгийн БТСГ, ЖБХ
15
II
11, 12
Налайх ДАШТ (Өсвөр үе)
Налайх
Налайх аймгийн БТСГ, ЖБХ
16
II
13-14
Сүхбаатар ДАШТ (Өсвөр үе)
Сүхбаатар
Сүхбаатар аймгийн БТСГ, ЖБХ
17
II
14-15
Хэнтий ААШТ (Өсвөр үе)
Хэнтий
Хэнтий аймгийн БТСГ, ЖБХ
18
II
16-18
Баянхонгор ААШТ (Өсвөр үе)
Баянхонгор
Баянхонгор аймгийн БТСГ, ЖБХ
19
II
18-19
Говь-Алтай ААШТ (Өсвөр үе)
Говь-Алтай
Говь-Алтай аймгийн БТСГ, ЖБХ
20
II
18-19
Багахангай ДАШТ (Өсвөр үе)
Багахангай
Багахангай аймгийн БТСГ, ЖБХ
21
III
3, 4
Сүхбаатар ААШТ (Өсвөр үе)
Сүхбаатар
Сүхбаатар аймгийн БТСГ, ЖБХ
22
III
5, 6
Хөвсгөл ААШТ (Өсвөр үе)
Хөвсгөл
Хөвсгөл аймгийн БТСГ, ЖБХ
23
III
  11-13
Зүүн бүсийн АШТ (Өсвөр үе)
Дорнод, Чойбалсан
МЖБХ, Дорнод БТСГ
24
III
 19-21
XIII МБАТ Их Наадам
Улаанбаатар
БТСГ, МЖБХ
25
III
17-18
Увс ААШТ (Өсвөр үе)
Увс
Увс аймгийн БТСГ, ЖБХ
26
III
17-18
Говьсүмбэр ААШТ (Өсвөр үе)
Говьсүмбэр
Говьсүмбэр аймгийн БТСГ, ЖБХ
27
III
24-25
Хан-Уул ДАШТ (Өсвөр үе)
Хан-Уул
Хан-Уул аймгийн БТСГ, ЖБХ
28
III
23-25
Оюутны УАШТ
Улаанбаатар
МОСХ, МЖБХ
29
III
29-31
Хангайн бүсийн  АШТ (Өсвөр үе)
Дундговь, Мандалговь
МЖБХ, Дундговь аймгийн ЖБХ
30
IV
4–6
Төвийн бүсийн АШТ (Өсвөр үе)
Төв, Зуунмод
МЖБХ, Төв аймгийн ЖБХ
31
IV
5, 6
Ховд ААШТ (Өсвөр үе)
Ховд
Ховд аймгийн БТСГ, ЖБХ
32
IV
7, 8
Дорноговь ААШТ (Өсвөр үе)
Дорноговь
Дорноговь аймгийн БТСГ, ЖБХ
33
IV
7, 8
Сонгино хайрхан ДАШТ (Өсвөр үе)
Сонгино хайрхан
Сонгино хайрхан аймгийн БТСГ, ЖБХ
34
IV
7, 8
Баянгол ДАШТ (Өсвөр үе)
Баянгол
Баянгол аймгийн БТСГ, ЖБХ
35
IV
12–14
Залуучуудын Улсын Аварга Шалгаруулах Тэмцээн
Баянхонгор
МЖБХ,  Баянхонгор аймгийн ЖБХ
36
IV
14-15
Баянзүрх ДАШТ (Өсвөр үе)
Баянзүрх
Баянзүрх аймгийн БТСГ, ЖБХ
37
IV
14-15
Дундговь ААШТ (Өсвөр үе)
Дундговь
Дундговь аймгийн БТСГ, ЖБХ
38
IV
 16-18
Макс цом (Өсвөр үе)
Говь-Алтай, Алтай
МЖБХ, Макс групп
39
IV
20-22
Баруун бүсийн АШТ (Өсвөр үе)
Завхан, Улиастай
МЖБХ, Завхан аймгийн ЖБХ
40
IV
24-25
Үнэмлэхүй жингийн УАШТ
Ховд
МЖБХ, Ховд ЖБХ
41
V
9–11
Өсвөр Үеийн Улсын Аварга Шалгаруулах Тэмцээн
Дархан-Уул
МЖБХ, Дархан-Уул аймгийн ЖБХ
42
V
tbc
Монголын жүдо академийн нэрэмжит тэмцээн
Улаанбаатар
Монгол жүдо академи
43
IX
 08-09
Чингис хаан 2012  Дэлхийн цомын АШТ
Улаанбаатар
ОУЖБХ, МЖБХ
44
IX
 24-25
Ч.Насантогтохийн нэрэмжит тэмцээн (Өсвөр үе, хөвгүүд)
Өвөрхангай
МЖБХ, Өвөрхангай БТСГ, ЖБХ
45
IX
tbc
М.Бундмаагийн нэрэмжит тэмцээн (Өсвөр үе, охид)
Өвөрхангай
МЖБХ, Өвөрхангай БТСГ, ЖБХ
46
X
 14-16
Я.Доржийн нэрэмжит тэмцээн (Өсвөр үе)
Дорноговь
МЖБХ, Дорноговь БТСГ
47
X
 24-26
“MJ” нийгэмлэгийн нэрэмжит тэмцээн (Өсвөр үе)
Улаанбаатар
МЖБХ, Хилчин Спорт хороо
48
XI
 06.07
Д.Нармандахын нэрэмжит ОУТ (Өсвөр үе, хөвгүүд)
Эрдэнэт
МЖБХ, Орхон аймгийн ЖБХ
49
XI
20-22
“Тэмүүжин Кап” тэмцээн (Өсвөр үе)
Улаанбаатар
МЖБХ, Тэмүүжин ССТ
50
XI
24-25
Дархан-Уул ААШТ (Өсвөр үе)
Дархан-Уул
Дархан-Уул аймгийн БТСГ, ЖБХ
51
XII
1, 2
Сэлэнгэ ААШТ (Өсвөр үе)
Сэлэнгэ
Сэлэнгэ аймгийн БТСГ, ЖБХ
52
XII
1, 2
“Огу Кап” багийн тэмцээн (Өсвөр үе)
Улаанбаатар
Монголын жүдо академи
53
XII
12, 13
Ч.Машбатын нэрэмжит “Боржин Кап” тэмцээн (Өсвөр үе)
Улаанбаатар
МЖБХ, Боржин клуб

 

Хуваалцах/Тэмдэглэх

]]> http://www.sportnews.mn/2012/01/05/2012-%d0%be%d0%bd%d0%b4-%d0%b7%d0%be%d1%85%d0%b8%d0%be%d0%b3%d0%b4%d0%be%d1%85-%d0%b6%d2%af%d0%b4%d0%be-%d0%b1%d3%a9%d1%85%d0%b8%d0%b9%d0%bd-%d1%82%d1%8d%d0%bc%d1%86%d1%8d%d1%8d%d0%bd%d0%b8%d0%b9/feed/ 0 40 жилийн ойгоор Хөдөлмөрийн гавъяаны улаан тугийн одонгоор хоёр, Алтан гадас одонгоор дөрвөн хүн шагнууллаа http://www.sportnews.mn/2012/01/01/40-%d0%b6%d0%b8%d0%bb%d0%b8%d0%b9%d0%bd-%d0%be%d0%b9%d0%b3%d0%be%d0%be%d1%80-%d1%85%d3%a9%d0%b4%d3%a9%d0%bb%d0%bc%d3%a9%d1%80%d0%b8%d0%b9%d0%bd-%d0%b3%d0%b0%d0%b2%d1%8a%d1%8f%d0%b0%d0%bd%d1%8b-%d1%83/ http://www.sportnews.mn/2012/01/01/40-%d0%b6%d0%b8%d0%bb%d0%b8%d0%b9%d0%bd-%d0%be%d0%b9%d0%b3%d0%be%d0%be%d1%80-%d1%85%d3%a9%d0%b4%d3%a9%d0%bb%d0%bc%d3%a9%d1%80%d0%b8%d0%b9%d0%bd-%d0%b3%d0%b0%d0%b2%d1%8a%d1%8f%d0%b0%d0%bd%d1%8b-%d1%83/#comments Sun, 01 Jan 2012 11:07:38 +0000 Спортын цонх http://www.sportnews.mn/?p=59577 Арванхоёрдугаар сарын 30-нд Монголд жүдо бөх үүсч хөгжсөний 40 жилийн ойн арга хэмжээ “Баянгол” ресторанд ёслол төгөлдөр болж, МЖБХ-ны удирдлагууд, дэд ерөнхийлөгчид, үе үеийн тамирчид, дасгалжуулагчид, зүтгэлтнүүд хуран чуулж, баяраа тэмдэглэлээ.
Энэхүү арга хэмжээний үеэр төр засгийн одон медаль хүртсэн зарим хүнд шагналыг нь гардуулсан бөгөөд ОБЕГ-ын “Аврагч” спорт хорооны дасгалжуулагч Ц.Шийрэв, Сүхбаатар аймгийн дасгалжуулагч Ж.Чулуунжав нарыг Хөдөлмөрийн гавъяаны улаан тугийн одонгоор, “Женко” клубийн дасгалжуулагч Ш.Цэвэлмаа болон өдгөө эх орныхоо нэрийг дэлхийд дуурсган барилдаж буй Д.Төмөрхүлэг, С.Мияарагчаа, П.Лхамдэгд нарыг “Алтан гадас” одонгоор тус тус шагнасан юм. Түүнчлэн МЖБХ-ны дэд ерөнхийлөгч М.Төмөртогоо, Б.Дагвадорж нарыг Засгийн газрын жуух бичгээр урамшууллаа.
МЖБХ аймаг, дүүргүүдэд үйл ажиллагаа явуулж буй салбар холбоодоо ажил үйлсээр нь уралдуулахад Ховд аймгийн жүдо бөхийн холбоо тэргүүлсэн бөгөөд тус аймгийн жүдо бөхийн холбооны ерөнхийлөгч Б.Адьшаа шилдгийн шилдэг дэд ерөнхийлөгч болов. Мөн Шилдэг залуу тамирчны шагналыг Х.Цогтгэрэл, Э.Хандармаа нар хүртсэн бол 2011 оны Шилдэг эрэгтэй жүдочоор Х.Цагаанбаатар, Шилдэг эмэгтэй жүдочоор М.Бундмаа нар тодорсон. Оны шилдэг дасгалжуулагчаар энэ өдөр “Алтан гадас” зүүсэн Ш.Цэвэлмаа шалгарав.
МЖБХ-ны ерөнхийлөгч Х.Баттулга энэхүү спортыг эх орондоо хөгжүүлэх суурийг нь тавьсан анхдагчид, анхны шигшээ багийн гишүүдэд тус бүр 1 сая төгрөг гардуулж, жүдо бөхийг хөгжүүлэхийн төлөө хувь нэмрээ оруулсан эрхмүүдээ 40 жилийн ойн медалиар шагнасан юм.
Мөн энэ өдөр ОУОХ-ны Ерөнхийлөгч Жак Роггегийн нэрэмжит “Олимпик трофи” шагналыг МЖБХ-ны Ерөнхийлөгчид Х.Баттулгад гардуулсан.

Хуваалцах/Тэмдэглэх

]]> http://www.sportnews.mn/2012/01/01/40-%d0%b6%d0%b8%d0%bb%d0%b8%d0%b9%d0%bd-%d0%be%d0%b9%d0%b3%d0%be%d0%be%d1%80-%d1%85%d3%a9%d0%b4%d3%a9%d0%bb%d0%bc%d3%a9%d1%80%d0%b8%d0%b9%d0%bd-%d0%b3%d0%b0%d0%b2%d1%8a%d1%8f%d0%b0%d0%bd%d1%8b-%d1%83/feed/ 0 Монгол жүдочид Лондонд хэдүүлээ зодоглох вэ? http://www.sportnews.mn/2011/12/19/%d0%bc%d0%be%d0%bd%d0%b3%d0%be%d0%bb-%d0%b6%d2%af%d0%b4%d0%be%d1%87%d0%b8%d0%b4-%d0%bb%d0%be%d0%bd%d0%b4%d0%be%d0%bd%d0%b4-%d1%85%d1%8d%d0%b4%d2%af%d2%af%d0%bb%d1%8d%d1%8d-%d0%b7%d0%be%d0%b4%d0%be/ http://www.sportnews.mn/2011/12/19/%d0%bc%d0%be%d0%bd%d0%b3%d0%be%d0%bb-%d0%b6%d2%af%d0%b4%d0%be%d1%87%d0%b8%d0%b4-%d0%bb%d0%be%d0%bd%d0%b4%d0%be%d0%bd%d0%b4-%d1%85%d1%8d%d0%b4%d2%af%d2%af%d0%bb%d1%8d%d1%8d-%d0%b7%d0%be%d0%b4%d0%be/#comments Mon, 19 Dec 2011 14:43:32 +0000 Спортын цонх http://www.sportnews.mn/?p=59051 Олимпийн наадмаас монголчуудын хагас зуу шахам жил хүлээсэн алтан медалийг эх орондоо анхлан авчирсан жүдочид маань ирэх жил Английн Лондон хотноо зохиогдох ХХХ олимпод хэдүүлээ зодоглох бол оо? Өмнөд хөршийн нийслэлд болсон өмнөх олимпийн амжилтыг давтах, ахиулахад энэ төрлийнхөн гол итгэл, найдварыг тээн оролцох учраас хүн бүр үүнийг сонирхож буй нь лавтай.
Саяхан манай жүдочид Голландад болсон Гранприд амжилттай барилдаж, багийн дүнгээр 63 орноос хоёрдугаар байрт шалгарсан талаарх мэдээллийг зарим сонин хэвлэл, вэбсайтынхан ард түмэнд хүргэхдээ “Лондон-2012” олимпийн наадмын эрхийн талаар ташаа зүйл нэг бус бичсэн нь анзаарагдсан. Тиймээс “Бөхийн мэдээ”-гийн хамт олон бид ард түмнээ үнэн зөв мэдээллээр хангах ижил зорилготой үзэг нэгт зарим нөхдийнхөө эндүү ойлголтыг нь залруулж, мөн хүмүүсийн сонирхсон асуултад хариулт өгөх үүднээс энэ сэдвийг хөндөн бичих нь зүйтэй гэж үзсэн юм.
Тэдгээр сонин, вэбсайтад “Жүдочид одоо болтол олимпийн нэг ч эрх баталгаажуулж аваагүй байна”, “Х.Цагаанбаатар, М.Бундмаа хоёр л олимпийн эрх авах бололтой”, “Олимпийн эрх олгох цуврал дуусахад гуравхан тэмцээн үлджээ” гэх мэтчилэн бичжээ. Хашилт доторх өгүүлбэр бүрийн ард асуултын тэмдэг тавиад түүнд дэс дараатай хариулъя.
ХАРИУЛТ-1
Манай улс одоогоор буудлага, байт харваа, хөнгөн атлетик, чөлөөт бөх, боксын төрлөөр Лондонд есөн тамирчнаа сойх эрхтэй болчихоод байна. Бээжингийн олимпод есүүлээ зодоглосон жүдочид маань өдий болтол энэ тоонд нэмэр болж амжаагүй байгаа хэрэг үү?
Олон улсын жүдо бөхийн холбоо (IJF) “Лондон-2012” олимпийн наадмын сонгон шалгаруулалтыг урьд өмнөх уламжлалыг эрс эвдэн явуулж буй. 2004 оныг хүртэл олимпийн өмнөх жилийн ДАШТ, олимпийн жилийн тивийн АШТ-ий медальт болон шагналт байрын бөхчүүдэд олимпийн эрх олгодог байв. Ингэснээр нэг тэмцээнд од нь гүйсэн, эсвэл азтай сугалаа татсан дунджуудын олимпод оролцох магадлал, боломжийг нэмэгдүүлдэг байсан. Харин Бээжингийн олимпийн сонгон шалгаруулалтыг тив бүрт цуврал тэмцээн явуулж, тэдгээрт оролцсон байдлаар нь эрэмбэлэх аргыг нэмж хэрэгжүүлсэн. Харин одоо бол дэлхийн бүх орны тамирчид тив тивдээ хуваагдалгүй, нэг л талбарт өрсөлдөж буйгаараа онцлогтой. Энэ нь жинхэнэ шилдгүүдийг шигших зөв арга болжээ.
Урьд нь баримталдаг асан сонгон шалгаруулалтаар нэг тивээс орох тамирчдын тоо хязгаарлагдмал байсан бол одоо бол тийм зүйл үгүй. Жишээ нь Азиас нэг жинд таван тамирчин олимпод оролцох боломжтой гэж үзвэл үүний ихэнхийг Япон, БНСУ, БНАСАУ, Хятад гээд жүдо бөх өндөр хөгжсөн улсууд авчихаад үлдсэн цөөн эрхийн төлөө бусад нь өрсөлддөг байлаа. Дэлхийн шилдэг жүдочдыг эрэмбэлэхэд ч Зүүн Азийн дээрх улсууд мөн л өнгөлөх учраас шар тивийнхний хувьд олимпийн эрхийн төлөөх өрсөлдөөн тун ширүүн болдог байжээ. Гэтэл Хойд Америкт АНУ, Куба, Канадаас өөр бөх сайтай улс үгүй тул Мексик, Коста-Рика гэх мэт орны өмсгөлөө ч зөв өмсөж чадахгүй шахам бөх олимпод бөөн баяр хөөр болон очдог байв. IJF-ийн шинэ удирдлагууд энэхүү согогийг соргог анзаарч, дэлхийн нийт жүдочдыг амжилтаар нь эрэмбэлэх одоогийн аргачлалыг нэвтрүүлсэн.
Олимпийн эрх олгох шинэ журмаар 2010 оны тавдугаар сараас 2012 оны тавдугаар сар хүртэлх хугацаанд үзүүлсэн амжилтаар эрэгтэйчүүдийн жин бүрийн эхний 22, эмэгтэйчүүдийн шилдэг 14 нь олимпийн эрх авна. Үүнийг “ШУУД ЭРХ” хэмээн томъёолжээ. Үүнээс гадна тив бүрт нэмэлт квот тогтоосон ба Азид 20-ийг өгсөн. Энэ нь шууд эрхээр олимпийн болзол хангаж чадаагүй тамирчдад хамаарна. Ингэхдээ нэг улсад нэг эрх, нэг жинд хоёр хүртэлх эрх олгоно гэж заажээ. Тиймээс олимпийн эрх авсан бөхчүүдийн нэр ирэх оны хавар л тодорхой болох нь.
ХАРИУЛТ-2
Тэгвэл манай жүдочид Лондонг зорих эрх хэдийг авах боломжтой вэ? Яг одоо IJF-ийн чансаанд эзэлж буй байраар нь үзвэл “шууд эрх” наймыг авна. Тодруулбал, эрэгтэйчүүдийн 60 кг-д Д.Төмөрхүлэг, Г.Болдбаатар, Ч.Болдбаатар, 66 кг-д Х.Цагаанбаатар, С.Мияарагчаа, 73 кг-д С.Ням-Очир, -100 кг-д Н.Түвшинбаяр, Б.Тэмүүлэн, эмэгтэйчүүдийн 48 кг-д М.Уранцэцэг, 52 кг-д М.Бундмаа, 63 кг-д Ц.Мөнхзаяа, -78 кг-д П.Лхамдэгд нар олимпийн эрхийн бүст эрэмбэлэгдэж буй.
Энэ удаагийн сонгон шалгаруулалтын бас нэг онцлог нь тухайн бөх зөвхөн өөрийнхөө оноог цуглуулах явдал. Урьд нь зөвхөн улсаар нь олимпийн эрх, түүнийг олгох оноог тооцдог байсан тул нэг жингийнхэн урьдчилсан тэмцээнүүдэд ээлжилж оролцсон ч амжилт, оноогоо нийлүүлж бодуулж болдог байсан. Тэгвэл одоо зөвхөн хувийн амжилтаар эрхийн оноог тооцож буй. Олимпийн эрх олгох бүст нэг улсаас хоёр болон түүнээс дээш тооны тамирчин багтвал тухайн улсын ҮОХ болон Үндэсний холбоо нь аль тамирчныг олимпод оролцуулахаа шийднэ хэмээн заажээ. Үүнээс үзвэл эрэгтэйчүүдийн 60 кг, 66 кг, -100 кг-д манай тамирчид олимпод оролцохын тулд дотооддоо бас ширүүн өрсөлдөөн өрнүүлэх нь.
Харин эрх авсан тамирчин нь гэмтэл болон бусад шалтгаанаар олимпод барилдах боломжгүй болвол түүнийг заавал тэр улсын тамирчин нөхөн оролцохгүй гэжээ. Үүнийг тайлбарлахдаа хөнгөн атлетикийн өндрийн харайлтын жишээг авсан байна. Олимпод оролцох болзол 209 см дээгүүр давах шалгуурыг нэг тамирчин нь биелүүлсэн ч гэмтчихвэл 180 см дээгүүр харайж чаддаггүй хэрнээ тэр улсдаа хоёрдугаарт эрэмбэтэй хүн нөхөн оролцвол нэгдүгээрт, улсынхаа нэр хүндэд, хоёрдугаарт, спортын нэр хүндэд, гуравдугаарт, олимпийн наадмын нэр хүндэд сөрөг нөлөөтэй гэжээ. Ингэснээр спортын сонирхолтой үзүүштэй байдал алдагдаж, үүнийг дагаад үзэгчийн тоо бууран, улмаар санхүүжилт багасах хор уршигтай гэсэн байна. Энэ нь нэг жинд хоёроос дээш тооны тамирчинг олимпийн эрхийн бүст багтаах шаардлагыг бий болгож байгаа юм.
Олимпод оролцох “шууд эрх”-ийн бүст одоогоор хараахан багтаагүй буй бусад жингийнхний боломжийг авч үзье. Эрэгтэйчүүдийн 90 кг-ын Э.Энхбат Дэлхийн цомын нэг тэмцээнд түрүүлэх, эсвэл чансааны оноо олгох тэмцээнүүдээс хоёр медаль авчихад Лондонг зорих тийзээ өвөртлөхөд ойрхон байгаа. Нэг жинд нэг улсаас нэг л тамирчин олимпод оролцох заалтын дагуу 90 кг-ын 32 дугаарт эрэмбэтэй Швейцарийн Доминик Хишье 278 оноотойгоор “шууд эрх” авах 22 жүдочийн сүүлчийн байрыг эзэлж байна. Э.Энхбатын хувьд түүнээс ердөө 44 онооны дутуу буюу 234 оноотой байгаа. Түүнчлэн +100 кг-д Н.Батсуурь 100 оноо, +78 кг-д гавьяат тамирчин Д.Цэрэнханд, 81 кг-д О.Ууганбаатар нар 130 орчим оноогоор олимпийн эрхийн сүүлчийн байрнаас тусгаарлагдаж байна. Харин 57 кг, 70 кг-ынхан маань Их дуулгад түрүүлэх хэмжээний оноо (300) авч байж олимпийн эрхийн бүст багтах нь. Гэхдээ сайн сайн гэж магтуулавч ихэвчлэн эхний тойрогт ялагдчихаад байдаг байсан П.Лхамдэгд энэ жил өөрийн боломж, нөөцөө мэдрэн цойлж, тивийн АШТ болон хоёр Гранпри, хоёр Дэлхийн цомд түрүүлсэн шиг амжилтыг дээрх тамирчдын хэн нь ч гаргаж болох учраас эрх авах магадлалыг нь хараахан “0” гэж тооцож болохгүй билээ.
Хэрвээ энэ зургаан жингийн тамирчид маань олимпийн “шууд эрх”-ийн бүст багтаж чадахгүй бол нэг нь Азийн квотоор олимпод зодоглох боломжтой. Үүнийг тамирчдыг оноогоор нь эрэмбэлж олгох ба Д.Цэрэнханд гавьяат 291 оноо цуглуулсан үзүүлэлтээр бусдыгаа хошуучилж буй. Ингээд үзэхээр Монгол Улсаас “Лондон-2012” олимпийн наадамд есөн жүдоч барилдах нь тодорхой байна. Харин энэ тоо нэмэгдэх эсэхийг дээр нэр дурдсан тамирчдын тавдугаар сар хүртэлх амжилт шийднэ.
ХАРИУЛТ-3
Олимпийн эрхийн оноо олгох цувралууд ирэх оны тавдугаар сард өндөрлөнө гэдгийг эрхэм уншигч та анзаарсан байх. Одоо БНСУ-д Дэлхийн цом, Японд Их дуулга, Хятадад Гранпри тэмцээн болсноор энэ оны тэмцээнүүд шувтрах ба 2012 онд Казахстанд жин бүрийн шилдэг 16 тамирчны “Мастерс” тэмцээнээр олимпийн эрхийн төлөөх өрсөлдөөн үргэлжлэх юм. Ирэх жил зохиогдох олимпийн эрхийн оноо олгох тэмцээний хуваарийг сонирхуулъя.
I.14-15        Мастерс                    Алматы, Казахстан
I.28-29        Дэлхийн цом             Софи, Болгар
                                                  Тбилиси, Гүрж
II.4-5           Их дуулга                 Парис, Франц
II.11-12       Дэлхийн цом             Оберварт, Австри
                                                  Будапешт, Унгар
II.18-19       Гранпри                    Дюссельдорф, Герман
II.25-26       Дэлхийн цом             Прага, Чех
                                                  Варшав, Польш
IV сард      Азийн АШТ                Ташкент, Узбекистан
IJF-ийн одоогийн чансаанд үндэслэн олимпийн эрх олговол Бразил, Франц, Япон, БНСУ-аас бүтэн баг буюу 14 бөх Лондонд барилдахаар байна. Зохион байгуулагч орны хувиар Их Британи мөн ийм тооны бөх оролцуулах билээ. ОХУ 13, Куба, Герман, Украин тус бүр 10, Монгол, Голланд тус бүр есөн тамирчинтай Лондонд очих төлөвтэй байгаа бөгөөд манай улс олимпийн жүдо бөхийн тэмцээний том багуудын тоонд зүй ёсоор багтахаар байна. Нийт 114 орны жүдочид олимпийн дэвжээнд хүч үзэх магадлалтай байгаа юм.
“JUDO MAGAZINE”-ий нэмэлт мэдээдэл:
Чиндаогийн Гранпригээс эрэгтэйчүүдийн 90 кг-д Э.Энхбат хүрэл медаль хүртсэнээр олимпийн эрхийн бүсийн сүүлийн байрт дэвшсэн. Түүний хувьд ирэх оны тавдугаар сар хүртэл энэ байраа хадгалж, ахиулж чадвал Монголын баг арвуулаа болно. Бусад жингийн тамирчид маань ч олимпийн эрх авах боломж нь нээлттэй байгаа тул энэ тоо өөрчлөгдөх эсэхийг тавдугаар сард харцгаая.

Хуваалцах/Тэмдэглэх

]]> http://www.sportnews.mn/2011/12/19/%d0%bc%d0%be%d0%bd%d0%b3%d0%be%d0%bb-%d0%b6%d2%af%d0%b4%d0%be%d1%87%d0%b8%d0%b4-%d0%bb%d0%be%d0%bd%d0%b4%d0%be%d0%bd%d0%b4-%d1%85%d1%8d%d0%b4%d2%af%d2%af%d0%bb%d1%8d%d1%8d-%d0%b7%d0%be%d0%b4%d0%be/feed/ 6 Ц.Мөнхзаяа мөнгө, С.Ням-Очир хүрэл медальтай http://www.sportnews.mn/2011/12/18/%d1%86-%d0%bc%d3%a9%d0%bd%d1%85%d0%b7%d0%b0%d1%8f%d0%b0-%d0%bc%d3%a9%d0%bd%d0%b3%d3%a9-%d1%81-%d0%bd%d1%8f%d0%bc-%d0%be%d1%87%d0%b8%d1%80-%d1%85%d2%af%d1%80%d1%8d%d0%bb-%d0%bc%d0%b5%d0%b4%d0%b0%d0%bb/ http://www.sportnews.mn/2011/12/18/%d1%86-%d0%bc%d3%a9%d0%bd%d1%85%d0%b7%d0%b0%d1%8f%d0%b0-%d0%bc%d3%a9%d0%bd%d0%b3%d3%a9-%d1%81-%d0%bd%d1%8f%d0%bc-%d0%be%d1%87%d0%b8%d1%80-%d1%85%d2%af%d1%80%d1%8d%d0%bb-%d0%bc%d0%b5%d0%b4%d0%b0%d0%bb/#comments Sun, 18 Dec 2011 06:57:07 +0000 Спортын цонх http://www.sportnews.mn/?p=58923 Өмнөд хөршийн Чиндао хотноо үргэлжилж буй жүдо бөхийн Гранпри тэмцээний хоёр дахь өдөр манай зургаан тамирчин барилдсанаас хоёр нь медалийн болзол хангалаа. Эрэгтэйчүүдийн 73 кг-д С.Ням-Очир, эмэгтэйчүүдийн 63 кг-д Ц.Мөнхзаяа нар хагас шигшээд үлдээд байна.
С.Ням-Очир эхний тойрогт Ганын жүдоч Эммануэль Нартейг вазаритай тэнцэх торгуулиар ялсан. Баруун Африкийн улсын энэ бөх Их Британид бэлтгэл сургуулилалтаа базаадаг гэх агаад жүдо бөхийн хөгжлөөр дэлхийд дээгүүр орох улсад хичээллэдгийнхээ ачаар барилдааны ур чадвар чамгүй ахисан нь анзаарагдаж байв. Манай бөхийн дараагийн учраа нь энэ жил ӨАБНУ-ын Кейп Таун хотноо зохиогдсон залуучуудын ДАШТ-ий алтан медальт, Японы Шохэй Оно. Түүнийг С.Ням-Очир 4 минут 2 секундэд цэвэр буулгасан.
Ийнхүү наймд үлдсэн тэрээр Бээжингийн олимпийн мөнгөн медальт, Францын Бенжамин Дарбельег 2 минут 36 секундэд иппон үнэлгээгээр ялснаар медалийн болзол хангасан юм. Энэ хоёр бөх өнгөрсөн жил энэ тэмцээний яг энэ даваанд таарахад Б.Дарбелье ялж байв. Гэхдээ манай тамирчин тухайн үед ДАШТ-д оролцохдоо авсан бэртлээ эдгээгээд бараг бэлтгэлгүй шахам барилдаж, тийнхүү 5-р байрт шалгарсан. С.Ням-Очир хагас шигшээд олимпийн мөнгөн медальт, дэлхийн хошой аварга, БНСУ-ын Ван Ки-Чуньтай өрсөлдөнө.
Энэ жинд зодоглосон манай нөгөө бөх Г.Одбаяр эхний тойрогт Хятадын Жиа Итаог 3 минут 27 секундэд, дараагийн даваанд Бразилийн Бруно Мендонса (73 кг-д 14-рт эрэмбэлэгдэж буй)-г 4 минут 35 секундэд тус тус цэвэр ялаад наймд үлдэх эрхийн төлөө барилдаанд Японы Такэнори Накамүрад юүко үнэлгээгээр хожигдов. Япон жүдоч дараагийн тойрогт ОХУ-ын Мурат Козоковыг ялж медалийн болзол хангасан бөгөөд АНУ-ын Майкл Элдредтэй хагас шигшээд барилдана.
81 кг-д О.Ууганбаатар ДАШТ-ий хошой хүрэл медальт, Их Британийн Еван Бартон (№11)-д юүко үнэлгээгээр ялагдсан бол Г.Түвшинжаргал Австралийн Брент Айверсоныг эхний даваанд бүх үнэлгээг авч сөхрүүлээд Европын аварга, залуучуудын ДАШТ-ий хүрэл медальт ОХУ-ын Сиражудин Магомедовт 2 минут 59 секундэд цэвэр дийлдэв.
63 кг-д Ц.Мөнхзаяа (№10) Кыргызстаны Бубусаира Абдилманап Кызыг 1 минут 38 секундэд цэвэр, Италийн Эдвиг Гвенд (№18)-ийг юүко үнэлгээгээр ялж наймд үлдээд сар орчмын өмнө Амстердамын Гранпригийн хагас шигшээд хантэйгаар хожигдож байсан олимп, ДАШТ-ий медальт, Голландын Элизабет Виллебоордсе (№5)-г мөн юүкогоор илүүрхэн медалийн болзол хангасан. Медалийн өнгөө хувиргах эсэхээ шийдэх барилдаанд Ц.Мөнхзаяа 2009 оны ДАШТ-ий хүрэл медальт, Израилийн Алисе Шлесингер (№6)-тэй өрсөлдөх бол хагас шигшээгийн нөгөө талд Голландын Аника ван Эмден, Хятадын Шү Лили нар шалгаран үлдээд байна.
70 кг-д барилдсан залуу тамирчин Ц.Наранжаргал маань Германы Ильяна Марзок (№19)-т цэвэр ялагдсанаар тэмцээнээ дуусгалаа.
*** Update
Манай тамирчин Ц.Мөнхзаяа Чиндаогийн гранприг зохион байгуулагч орны бөх, энэ жилийн Азийн аварга Шү Лилитэй 63 кг-ын аваргын төлөө барилдаж вазари үнэлгээгээр хожигдон мөнгөн медаль авлаа. Барилдааны дунд хэсэгт хятад жүдоч зүүн талдаа тохох мэх хийж хожлын үнэлгээгээ авсан юм. Ц.Мөнхзаяагийн хувьд хагас шигшээд ДАШТ-ий хүрэл медальт, Израилийн Алисе Шлесингерийг юүко үнэлгээгээр хожсон.
73 кг-ын жинд медалийн болзол хангаад байсан С.Ням-Очир хагас шигшээд Ван Ки-Чуньд торгуулиар хожигдсоноор хүрэл медаль хүртсэн.

Хуваалцах/Тэмдэглэх

]]> http://www.sportnews.mn/2011/12/18/%d1%86-%d0%bc%d3%a9%d0%bd%d1%85%d0%b7%d0%b0%d1%8f%d0%b0-%d0%bc%d3%a9%d0%bd%d0%b3%d3%a9-%d1%81-%d0%bd%d1%8f%d0%bc-%d0%be%d1%87%d0%b8%d1%80-%d1%85%d2%af%d1%80%d1%8d%d0%bb-%d0%bc%d0%b5%d0%b4%d0%b0%d0%bb/feed/ 0